Números 34
34
Sauni kung kiwi watwa balna kidika
1Dawan yaklauwi Moses yakat kiwi aput kalyulna dai:
2“Israel balna yakat diyulta amput yayamwarang kidika: Tihn dawakat Canaán yakat awanama ki. Adika sauni laih manna dimana karangki dawakat, kung kiwi watwa kidika laih adika karang ki:
3“Wadah nining kauh laih kiwi watwarang ki Zin kauhnimak wanilang, Edom sauni yakat. Ma kilwa nining kauh laih Kuma Dauna kat kiwi watwarang, 4kidika kaupak wadah nining yakat awaihwi kiwi Acrabim kilwa kat kiwi watwarang, dawakat Zin munah bayakwi kiwi Cades-barnea kat kiwi kawarang; kidika kaupak bayakwi Hasar-adar munah bayakwi Asmón kat kiwarang, 5dawakat Asmón kaupak bayakwi kiwi was as Egipto sauni kiwi watwa kau tuskidika, dawakat kiwi watwarang Mediterráneo kumani kat.
6“Ma kawa niningkauh laih, Mediterráneo kumani kung yakat kiwi watwarang.
7“Tingpal nining yakauh laih, Mediterráneo kumani kaupak Hor asangni kat karang, 8Hor asangni kaupak Hamat kiwi kawa kat karang, kidika kaupak bayakwi kiwi Zedad kat kiwarang. 9Zedad kaupak Zifrón kat, dawakat diwi watwarang kidika Hazar-enán kat.
10“Ma kilwa niningkauh laih Hazar-enán kaupak Sefam kat kiwarang, 11dawakat Sefam kaupak Ribla kat, Aín makilwa niningkauh yakat; kidika kaupak laih Cineret lakunni makilwa niningkau yakat, 12dawakat Jordán wasni munah Kuma Dauna kat kiwi watwarang.”
Saunina sahyayakna
13Moses yaklauwi diyulna amput yamnin kidika Israel balna yakat:
“Adika sauni kuduh sahyakta dutamana adika sauni kuduh Dawan yaklauwi diana atnin yulna Israel sulani tiaskau arungka minit kau papusbah balna yakat,#Nm 26:52-56. 14-15sulani bu minitkau papusbah kidika, yuldarang kat, Rubén, Gad dawakat Manasés papuswayah kidika, saunina uman duduna, witingna dunin dai kidika, Jericó muhnit kau, Jordán kaupak ma kulwa niningkauh.”#Jos 14:1-5.
16Dawan yaklauwi Moses yakat kiwi aput kalyulna:
17“Manna pasmangna yakat sau sahwi yayakwarang kidika laih, sumalyang Eleazar, dawakat Nun walanibis Josué karak sahwi yayakwarang. 18Kaunah kidika minit yakat, yultanang aiwarang, sulani bitik paskau tunan duwa balna kidika bik, ban kalpakwi sau kidika sahwi yayakwarang. 19Ahalni balna yultanang aiwarang kidika laih adika balna:
“Judá sulani pasyakat: Caleb Jefone walanibis.
20“Simeón sulani yakat laih: Semuel, Amiud walanibis.
21“Benjamín sulani pasyak laih: Elidad, Quislón walanibis.
22“Dan sulani pasyakat laih: Buqui, Jogli walanibis.
23“José walanibis balna sulanina yakat laih: Haniel, Efod walanibis, Manasés sulani yakat laih; 24tanituna Kemuel dawakat Efraín sulani nining yakat laih, Siftán walanibis.
25“Zabulón sulani pasyakat laih: Elizafán, Parnac walanibis.
26“Isacar sulani pasyakat laih: Paltiel, Azán walanibis.
27“Aser sulani nining yakat laih: Ahiud, Selomi walanibis.
28“Neftalí sulani nining yakat laih: Pedael, Amiud walanibis.”
29Dawan yaklauwi adika muihni balna yakat dipakwa dai Canaán sauni kidika sahyakwi duna atnin Israel balna.
Biblia Sumo
Texto © Sociedad Bíblica de Nicaragua 1998