Job 39
39
1¿Amanglataman, mampat kat asangpas kutsni balna kidika walaninabis yayakwih?
¿Sana yayal balna kidika walaninabis yayakwak talnaman?
2¿Amanglataman waiku yapak kat
walaninabis yayakwih?
3Walaninabis yakwi uru dadawi,
dawak kaput laihtak walaninabis kidika batatahnwi,
4dawak kidika usnit kat parasni kakalwi asangpas yakat barakwi,
dawak witni kat uiwi, kaunah watwi nawatwi aiwas ki.
5¿Asangpas biriniku yakat wais yaklauwi pri kalanayah?
¿Wais uluhwi dapamna likyah?
6Yang lawik niningkanayang, angkat lik-atnin pāni kidika,
kauhmak wanilang dawak sau langni kuma manah yakat.
7Dukih kalawas ki tawan nuhni kau di dakadisahni ap-awas kidika,
turuh kangyang balna yulnina parasni yuyulwa kidika bik dakawas ki.
8Asang ububulni balna yakat awaihwi sihrsihr walwi,
dibasta sasangni balna kidika bik pini walwi kasna atnin.
9¿Man kultaman, asangpas tuniruh kidika dima yamwarang
dawak pukta yakat tumaruh balna ūnina yakat payahwarang?
10¿Sip awamayah turuh arangni kau pan sitwa kidika kau sitta paktang sau sahnin,
kidika awasbik, man dangmat yakat kiwarangyah sau kidika kuswi?
11¿Sip awamayah, witing yakat kulnam āta dunam, kat parasni bahang,
datang kat warkma balna yamnin?
12¿Man kultaman laih dima minik balna bahwi mawarang kultamahn
dawak diminik balna kidika pāni kat uduhwarang?
13Yakat dutaman uhu nuhni as: alasna bahlwi,
sihm yami nuhni lawani duwa kapat kaldakawi,#39.13 Yakat dutaman... kaldakawi: kaput wirlana kidika yamni kapat ki. Hibru kau laih amangladaski.
14dawak sumani balna kidika kauhmak yakat damukwi
kaput laih ma daihni kidika kalana atnin.
15Kulwas ki, muih atatakwarang pa,
asangpas dini balna bik atatakwarang pa.
16Walanibis balna niningna yakat dutni, sihm witing walanibis-awas kapat,
dawak kulwas ki witing warkni balna kidika dauh kalwarang bik.
17Kat kidika laih yang lawik sinsni sirihni atnin kidika kalatasyang dai bahang;
sins yamni kidika niningpulihna yang.
18Kaunah witing yaklauwi kira laih,
aras dawak aras kilyang balna yakat niningnakari.
19¿Man lawa aras yakat parasni kalanaman kat pah,
wais yaklauwi dinimak basni kidika āna yah?
20¿Man lawa yamtangkat sisin kapat sutwakatpah,
wingnita parasni puhwi muihsak āwa kidika?
21Walang yakat kuhrwi kulnin dutni karak
dawak yamaduwas kalbaunin yakat kawi kiwi.
22Yamadangni yakat niningkari, dawak yamaduwas ki,
isparah niningyakat bik yamaduwas ki,
23aras kilyang sinibang ūni balna kidika parasni tarang bik
langsa balna kidika kuhpau manah raiwarang bik.
24Ta nanaini balna kidika yakat kiri sip laihwatwas palni;
trumpit kidika puhwak sip kus sak-awaski.
25Trumpit puhwak biriwi nangnitlawi parasni kiriyaklauwa kidika kau;
naikaupak kalbaunin wayani kidika purwak dakawi
ais yamnin kat dipakwasak kidika dawak muih parasni sararahwa kidika bik dakawi.
26¿Man sins nuhni dutaman kat pah yakal yakat sumaltang yaklauwi yāhlwa kidika,
dawak yaklauwi wadah niningyakauh kiwa kidika?
27¿Man lawa yakalnuh yakat paknamahn
witing ūni kidika mayakau yamna atnin?
28Witing likki kipala nunuhni balna kidika tuna yakau,
kidika tuna kau sutni subang yakat ūni yamwi.
29Kidika tuna yakaupak talwi
dawak laihwi kasnin dini yakat tahawi.
30Walanibis balna kidika ā manah didiwi,
dawak angkat di dauna balna kidika yakat witingna yayakwi.
Currently Selected:
Job 39: SUMU
Highlight
Copy
Compare
Share
Want to have your highlights saved across all your devices? Sign up or sign in
Biblia Sumo
Texto © Sociedad Bíblica de Nicaragua 1998
