Job 34
34
Eliú yulbauna watbu kidika
1-2Manna, sins nuhni duyang balna,
yang yulki balna kidika dakanauh.
3Matapaki sumani kidika laih yul balna kidika sat sat dakawi,
sihm maduraki di auhni sat sat dakawa kapat.#Job 12:11.
4kaput bik laih adika dini laihdi taldang
dawak mayang amput yamni talda yakat yamnin.
5Job witing yulwi: “Yang dutni as bik yamtasyang,
kaunah, Papang yaklauwi yang akat la kat yamni kidika dukih kalwaski.
6Alas as ki, yang dutni yamtasyang atnin kidika;
yang yadakna balna kidika yamlawaski, dutni yamtasyang bik.”#Job 27:1-5.
7¡Muih as bik diski Job kapat!
Papang yakat sarahni kalyulwi, muih as was diwa kapat;
8muih dudutni balna karak kalpakkih kalawi,
muih dudutni balna karak lik-atnin.
9Yulwi, muih al kidika di as bik duwas ki
Papang kulnin lani yamnin kidika.
10Kaunah manna, muih sins duyangmana kidika, yadakanauh.
¡Kulnin bik awaski, Papang Parasni nuhni bitik duwa kidika,
dutni yamwi, kidika awasbik la kat yamwas ki!
11Witing yaklauwi, muih balna minitnalauwi warknina yayamna kaput;
witingna duninna ampus kidika kat diawi.#Sal 62:11-12; Pro 24:12; Jr 17:10; Ez 18:30; 33:20; Mt 16:27; Rom 2:6.
12Rahm kidika, Papang parasni nuhni bitik duwa kidika
dutni as bik yamwas ki, dawak la awas kidika bik;
13muih as kaupak duwaski parasni kidika
sau bitik minit yakat kabamint kanin kidika.
14-15Muih ahal yakat didakyakwarang kat
sangninaka ururupwa kidika,
witingna bitik kapapat dadauwarang
dawak watwi sau yahamni kakalwi.#Sal 104:29.
16Man sins dutaman kat yadakah;
yulki balna kidika yamni dakah.
17Papang, la kat kidika maisihni talwarangkat, witing sip king kāwaski.
¿Amput sipyah, daunin yakat wirlanam, muih as la kat palni kidika?
18King balna dawak muih nunuhni balna kidika dudutni karangkat,
Papang laih kidika balna muhnina yakat yaknin kidika laihwatwas ki.
19Witing kabamint balna yaihnitna yakat yaklawas ki,
di duyang balna yakauh tanit ilpnina yamwas awaski, muih miniknakunni balna karak dawakat,
kat witing yaklauwi kidika balna bitik yamna bahang.
20Muih ahal balna kidika sirihni dadauwi,
pukta balna pasyakat;
muih balna kidika pini kiri yaklalauwi dawak dislalawi;
parasni nuhni duwa muihni kidika ipamna ki, kaunah kidika muih parasni kau duwi yamwas ki.
21papang yaklauwi talwi muih al lapakwa kidika
dawak angkat kiwa balna kidika bitik amanglawi.
22Puksani kidika diski
muih di dutni yamyang kidika kalmalnin.
23Papang yaklauwi mani awaski muih al yakat
witing muhni yakat kiunin, la kau.
24Yamni tanka walwi talnin bik diski
nunuhni balna kidika tukwi laknin
dawak kidika pāni yakat muih ūk ānin.
25Papang amanglawi yayamwa kidika,
pukta yakat kiwi iwi.
26Muih dudutni kaput bik wiswi,
muih bitik muhnina yakat,
27kat yulni dakakih diawas dai bahang
witing yaklauwi la diawa yakat dukih diawas dai.
28Yayamwak, muih miniknakunni dawak tataihwa balna sararahwa kidika
Papang kat kilwi kana dai, dawak witing dakana.
29Kaunah Papang ap dawarang kat, ¿wais yaklauwi daunin yakat diwirlawarang yah?
Muhni malwarang kat, ¿wais sipkarang yah talnin?
Witing maintalwi#34.29 Maintalwi: kaput ulna kidika yamni kapat ki. Hibru kau laih yulwi sihm kapapat. tawan balna dawak muih muihnina kat kat bik
30kaput laih tawan minit yakat kabamint kawi
muih dutni kat alas diyulnin awas yulni.
31¿Papang yakat kalyulnaman katpah:
“Dating alas yayulna; wattik dutni yamtas awaki.
32Dutni balna yamna kat sip talasyang kidika nikingkatah.
Dutni yamnayang kat, wattik yamtas awaki”?
33¿Papang yaklauwi mamat mawarang kultamahn
amput yamni talaman kaput,
man lawa ruhmta danaman karang bik?
Uman man lawa kulnam lani balna ataman bahang, yang laih awaski,
yanayultah, amanglataman kidika.#34.33 ¿Papang yakat kalyulnaman...amanglataman kidika: kaput wirlana kidika yamni kapat ki. Hibru kau S.d. 31-33 kidika laih amangladaski.
34Ahal sins nuhni duyang balna yadakakawi,
dawak muih sins duyang balna kidika yayuyulwarang:
35“Job yulbauwi di amanglawas;
yulbauwa balna kidika sins lani diski.
36¡Job kidika tuhni palni kau laihwi talnin,
kat witing yulwa balna kidika laih muih dutni as kapat yulwi!
37Job laih dutni yamyang manah awaski, kaunah kulnin dutni ki;
mamuhki kat, Papang kau sarahni kalyulwi
dawak witing karak kalbilwi.”
Currently Selected:
Job 34: SUMU
Highlight
Copy
Compare
Share
Want to have your highlights saved across all your devices? Sign up or sign in
Biblia Sumo
Texto © Sociedad Bíblica de Nicaragua 1998
Job 34
34
Eliú yulbauna watbu kidika
1-2Manna, sins nuhni duyang balna,
yang yulki balna kidika dakanauh.
3Matapaki sumani kidika laih yul balna kidika sat sat dakawi,
sihm maduraki di auhni sat sat dakawa kapat.#Job 12:11.
4kaput bik laih adika dini laihdi taldang
dawak mayang amput yamni talda yakat yamnin.
5Job witing yulwi: “Yang dutni as bik yamtasyang,
kaunah, Papang yaklauwi yang akat la kat yamni kidika dukih kalwaski.
6Alas as ki, yang dutni yamtasyang atnin kidika;
yang yadakna balna kidika yamlawaski, dutni yamtasyang bik.”#Job 27:1-5.
7¡Muih as bik diski Job kapat!
Papang yakat sarahni kalyulwi, muih as was diwa kapat;
8muih dudutni balna karak kalpakkih kalawi,
muih dudutni balna karak lik-atnin.
9Yulwi, muih al kidika di as bik duwas ki
Papang kulnin lani yamnin kidika.
10Kaunah manna, muih sins duyangmana kidika, yadakanauh.
¡Kulnin bik awaski, Papang Parasni nuhni bitik duwa kidika,
dutni yamwi, kidika awasbik la kat yamwas ki!
11Witing yaklauwi, muih balna minitnalauwi warknina yayamna kaput;
witingna duninna ampus kidika kat diawi.#Sal 62:11-12; Pro 24:12; Jr 17:10; Ez 18:30; 33:20; Mt 16:27; Rom 2:6.
12Rahm kidika, Papang parasni nuhni bitik duwa kidika
dutni as bik yamwas ki, dawak la awas kidika bik;
13muih as kaupak duwaski parasni kidika
sau bitik minit yakat kabamint kanin kidika.
14-15Muih ahal yakat didakyakwarang kat
sangninaka ururupwa kidika,
witingna bitik kapapat dadauwarang
dawak watwi sau yahamni kakalwi.#Sal 104:29.
16Man sins dutaman kat yadakah;
yulki balna kidika yamni dakah.
17Papang, la kat kidika maisihni talwarangkat, witing sip king kāwaski.
¿Amput sipyah, daunin yakat wirlanam, muih as la kat palni kidika?
18King balna dawak muih nunuhni balna kidika dudutni karangkat,
Papang laih kidika balna muhnina yakat yaknin kidika laihwatwas ki.
19Witing kabamint balna yaihnitna yakat yaklawas ki,
di duyang balna yakauh tanit ilpnina yamwas awaski, muih miniknakunni balna karak dawakat,
kat witing yaklauwi kidika balna bitik yamna bahang.
20Muih ahal balna kidika sirihni dadauwi,
pukta balna pasyakat;
muih balna kidika pini kiri yaklalauwi dawak dislalawi;
parasni nuhni duwa muihni kidika ipamna ki, kaunah kidika muih parasni kau duwi yamwas ki.
21papang yaklauwi talwi muih al lapakwa kidika
dawak angkat kiwa balna kidika bitik amanglawi.
22Puksani kidika diski
muih di dutni yamyang kidika kalmalnin.
23Papang yaklauwi mani awaski muih al yakat
witing muhni yakat kiunin, la kau.
24Yamni tanka walwi talnin bik diski
nunuhni balna kidika tukwi laknin
dawak kidika pāni yakat muih ūk ānin.
25Papang amanglawi yayamwa kidika,
pukta yakat kiwi iwi.
26Muih dudutni kaput bik wiswi,
muih bitik muhnina yakat,
27kat yulni dakakih diawas dai bahang
witing yaklauwi la diawa yakat dukih diawas dai.
28Yayamwak, muih miniknakunni dawak tataihwa balna sararahwa kidika
Papang kat kilwi kana dai, dawak witing dakana.
29Kaunah Papang ap dawarang kat, ¿wais yaklauwi daunin yakat diwirlawarang yah?
Muhni malwarang kat, ¿wais sipkarang yah talnin?
Witing maintalwi#34.29 Maintalwi: kaput ulna kidika yamni kapat ki. Hibru kau laih yulwi sihm kapapat. tawan balna dawak muih muihnina kat kat bik
30kaput laih tawan minit yakat kabamint kawi
muih dutni kat alas diyulnin awas yulni.
31¿Papang yakat kalyulnaman katpah:
“Dating alas yayulna; wattik dutni yamtas awaki.
32Dutni balna yamna kat sip talasyang kidika nikingkatah.
Dutni yamnayang kat, wattik yamtas awaki”?
33¿Papang yaklauwi mamat mawarang kultamahn
amput yamni talaman kaput,
man lawa ruhmta danaman karang bik?
Uman man lawa kulnam lani balna ataman bahang, yang laih awaski,
yanayultah, amanglataman kidika.#34.33 ¿Papang yakat kalyulnaman...amanglataman kidika: kaput wirlana kidika yamni kapat ki. Hibru kau S.d. 31-33 kidika laih amangladaski.
34Ahal sins nuhni duyang balna yadakakawi,
dawak muih sins duyang balna kidika yayuyulwarang:
35“Job yulbauwi di amanglawas;
yulbauwa balna kidika sins lani diski.
36¡Job kidika tuhni palni kau laihwi talnin,
kat witing yulwa balna kidika laih muih dutni as kapat yulwi!
37Job laih dutni yamyang manah awaski, kaunah kulnin dutni ki;
mamuhki kat, Papang kau sarahni kalyulwi
dawak witing karak kalbilwi.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Biblia Sumo
Texto © Sociedad Bíblica de Nicaragua 1998