Job 16
16
Job
1-2Kidika yulni kapapat manah wat wat dakayang.
Manna laih walakianin pāni yakat, nawatkauh dalani yatamana.
3¿Yul dauh balna yulnin kidika witwasyah?
¿Ais yulni kaput nikingkauh lawamanah?
4Manna, waradika yang paki yakat awanama kat,
yang bik manna yultamana kapat yulbauki;
sarahni talik tunaki labahn labahn yamki,
dawak yul mahni manayulki,
5yul yudutni balna kidika manayulki walamanaānik yulni,
dawak parasmana mananik yulni bik.
6Yulbaunin kidika bik sip yadalawa balna kidika sanwaski,
kaput bik ap danin kidika bik yadalawa balna kidika sanwaski.
7Papang yaklauwi paraski balna bitik laih dis yamna;
dawak kaltalyang yamni balna kidika yadakyakna
8dawak silak yakat yahana.
Yang nikingkauh yakwi yulna yamnayang balna dai kidika;
dawak alas yulni bik yakwi nikingkauh yulna.
9Dawan yauiwi laihwi yaiswi biswi,
di anyang kapat nikingkauh yaklauwi,
minikpa kidika yang akat manah yatalwi waihnilayang kapat.
10Muih balna kidika kalududuhwi yang nikingkauh mana,
dawak muhnina kidika dutni wayaki yayamwi,
dawak muhki yakat yatitisna ki, kalnina dinit yakat buknik yulni.
11Papang yaklauwi
muih dudutni balna tingnina yakat yahana.#16.11 Papang yaklauwi...yahana: kaput ulna kidika yamni kapat ki. Hibru kau S.d. 7 kaupak 11 kat kidika laih amangladas ki.
12Yang kulnik aslah sakyang dai, dawak witing yaklauwi dikimak yakat yalaihna;
dawak yadulauwi yaisihna, dawak yaiswi bisna.
Witing sinibang kidika laih yang akat manah kaina dai.
13Yaihkit awaih kidika bitik yakat sinibang kidika ruhmna ki;
dawak yang muihki yakat yapawi ahlwi minikunni talnin dis palni,
dawak muihki bakipas kidika sau yakat bukwi ruhna.
14Yang muihki balna yakat dakwi,
dawak nikingkauh kawi kaiwi sihm war kalbauyang muihni kapat.
15Kulnik bukna kidika yabahngwakat, asna utuhni balna kidika dutik āwanayang
dawak tunaki kidika sau yahamni yakat dung-ānayang.
16Muhki kidika bahngna aidingkat;
dawak mikpa bik di talas danayang,
17yang lawik muih yakat dutni yamtasyang dai,
dawak mikit yulnin balna kidika kasak dai kauna.
18Adika dutni yang nikingkauh kaiwa kidika laih,
la kat yamnin kidika laih yulwasak ki;
¡sau, yang aidayang kidika laih nuwinih!
19Makau kisang yakat muih as sak-atninki,
yang ilpki yulna atnin kidika,
20Papang niningyakat, kulnik balna kidika lāih yakwi kalyulna atnin,
dawak witing talna karang yang mikwas kidika;
21muih as Papang niningyakat yang ilpki yulna atnin kidika laih
muih as muhni yakat muih ūk ilpni yulwa kapat atnin ki.
22Kurih bulah dutayang kidika bayakkiwi,
tihndawak mahka yawaki watwi nawatwi kainin pāni-awas yakat.
Currently Selected:
Job 16: SUMU
Highlight
Copy
Compare
Share
Want to have your highlights saved across all your devices? Sign up or sign in
Biblia Sumo
Texto © Sociedad Bíblica de Nicaragua 1998
Job 16
16
Job
1-2Kidika yulni kapapat manah wat wat dakayang.
Manna laih walakianin pāni yakat, nawatkauh dalani yatamana.
3¿Yul dauh balna yulnin kidika witwasyah?
¿Ais yulni kaput nikingkauh lawamanah?
4Manna, waradika yang paki yakat awanama kat,
yang bik manna yultamana kapat yulbauki;
sarahni talik tunaki labahn labahn yamki,
dawak yul mahni manayulki,
5yul yudutni balna kidika manayulki walamanaānik yulni,
dawak parasmana mananik yulni bik.
6Yulbaunin kidika bik sip yadalawa balna kidika sanwaski,
kaput bik ap danin kidika bik yadalawa balna kidika sanwaski.
7Papang yaklauwi paraski balna bitik laih dis yamna;
dawak kaltalyang yamni balna kidika yadakyakna
8dawak silak yakat yahana.
Yang nikingkauh yakwi yulna yamnayang balna dai kidika;
dawak alas yulni bik yakwi nikingkauh yulna.
9Dawan yauiwi laihwi yaiswi biswi,
di anyang kapat nikingkauh yaklauwi,
minikpa kidika yang akat manah yatalwi waihnilayang kapat.
10Muih balna kidika kalududuhwi yang nikingkauh mana,
dawak muhnina kidika dutni wayaki yayamwi,
dawak muhki yakat yatitisna ki, kalnina dinit yakat buknik yulni.
11Papang yaklauwi
muih dudutni balna tingnina yakat yahana.#16.11 Papang yaklauwi...yahana: kaput ulna kidika yamni kapat ki. Hibru kau S.d. 7 kaupak 11 kat kidika laih amangladas ki.
12Yang kulnik aslah sakyang dai, dawak witing yaklauwi dikimak yakat yalaihna;
dawak yadulauwi yaisihna, dawak yaiswi bisna.
Witing sinibang kidika laih yang akat manah kaina dai.
13Yaihkit awaih kidika bitik yakat sinibang kidika ruhmna ki;
dawak yang muihki yakat yapawi ahlwi minikunni talnin dis palni,
dawak muihki bakipas kidika sau yakat bukwi ruhna.
14Yang muihki balna yakat dakwi,
dawak nikingkauh kawi kaiwi sihm war kalbauyang muihni kapat.
15Kulnik bukna kidika yabahngwakat, asna utuhni balna kidika dutik āwanayang
dawak tunaki kidika sau yahamni yakat dung-ānayang.
16Muhki kidika bahngna aidingkat;
dawak mikpa bik di talas danayang,
17yang lawik muih yakat dutni yamtasyang dai,
dawak mikit yulnin balna kidika kasak dai kauna.
18Adika dutni yang nikingkauh kaiwa kidika laih,
la kat yamnin kidika laih yulwasak ki;
¡sau, yang aidayang kidika laih nuwinih!
19Makau kisang yakat muih as sak-atninki,
yang ilpki yulna atnin kidika,
20Papang niningyakat, kulnik balna kidika lāih yakwi kalyulna atnin,
dawak witing talna karang yang mikwas kidika;
21muih as Papang niningyakat yang ilpki yulna atnin kidika laih
muih as muhni yakat muih ūk ilpni yulwa kapat atnin ki.
22Kurih bulah dutayang kidika bayakkiwi,
tihndawak mahka yawaki watwi nawatwi kainin pāni-awas yakat.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Biblia Sumo
Texto © Sociedad Bíblica de Nicaragua 1998