Hibru 3
3
Jisas laih tanit nuhni ki Moses karak
1Kaput bahang, wirah balna, manna tawan holi muihni balnamana kidika, Papang manayulna witing dini atnamna, Krais Jisas yakat yamni kultanauh, witing kidika apostel dawak sumalyang nuhni ki, tingkih witing yakat rahm kulnin lani duda kidika. 2Jisas laih barangni dai Papang yakat, bahang adika warkni yakat pakna, Moses barangni dai kapat Papang ūni bitik yakat.#Nm 12:7. 3Kaunah Jisas yakat laih tanit risnipik kidika kalana Moses karak dawakat, sihm kaput bik laih ū yamwa muihni kidika tanit risnipik duwi, ūni kidika karak dawakat. 4Ū bitik kidika laih muih yaklauwi yamwi; kaunah Papang kuduh di balna bitik yamna kidika. 5Kaput bahang, Moses kidika dini yamyang as kapat, Papang ūni bitik yakat barangni dai, dawak witing warkni yamwa kidika laih, Papang witing ais yulnin kidika witnis kanin dai. 6Kaunah Krais, Papang Walanibis, witing bik barangni ki Papang ūni akat, kidika kuduh mayang mamuihki nuhni, kaput bik ban laihwatdi dudarang kat, alasna dawak tahanin duda kidika karak.
Papang tawanni wingnita puhnin kidika
7Kidika bahang, Spirit Holi yulwa kaput Ulna yakat:
“Warmani manna Dawan yulwa kidika dakanama kat,
8ismangna dadasni yayamwinih kidika balna niningkauh yaklalauna kapat
dawak Papang yakat trainitatalna dai kidika kauhmak wanilang yakat.
9Yakat traikitatalnamanna muihmanabararak balna,
yang warkki balna kidika tatalna bik, kurih 40.
10Kidika yulni ising daukalnayangkidika muihni balna yakat,
dawak yulnayang:
‘Witingna pirini yakat ki isningna kidika,
dawak dukih diawaski taki balna kidikaamanglanin.’
11Kidika yulni ayangki kauyaktik yulnayang,kultik daukalwak
urupdinik yakat uiwi kakawas karang.”#Sal 95:7-11.
12Wirah balna, amungtalnauh manna as bik ismangna kaput dutni dunin awaski, dawak bik kultasdata Papang sangka kidika kaupak naikau lawanamna. 13Nawatkauh laih, biri biri kulnamna dulautanauh ma balna bitik yakat, Ulna yakat “warmani” yulni yulwa kidika bayakkiwas yakat, kaput laih manna kaupak as bik dutni kidika yaklauwi alas kalyulwas karang, dawak kulnamna kidika anyang kalnamna. 14Kat mayang laih Krais yakat madiki dunin karang kat, barangni malawinin ki witni kat muhnilau kau yamni kuldadai kidika yakat.
15Kidika aput yulwi:
“Manna warmani dakanama kat Papang yulwa kidika,
ismangna dadasni yayamwinih,kidika balna niningkauhyaklalauna kapat.”#Sal 95:7-8.
16¿Dawak wais balna kidika niningkauh yaklalauna daih, Papang dinit kidika yulwa dakakana usnit kat? Kidika balna laih Moses yaklauwi Egipto sauni kaupak yakna balna dai kidika bitik. 17¿Dawak Papang wais balna niningna yakat kulnin daukalna daih kurih 40, kauhmak wanilang pasyakat? Dutni yayamna balna kidika yakat, kauhmak wanilang yakat dadauna kidika. 18¿Dawak Papang wais balna yakat diyulna daih, urupnin pāni yakat kakawaskarang atna dai kidika? Yulni dakawas balna dai yakat diyulna.#Nm 14:1-35. 19Dawak, rahm bik, talnamayang sip kawasdadana, kat rahm kukulwasdai bahang.
Currently Selected:
Hibru 3: SUMU
Highlight
Copy
Compare
Share
Want to have your highlights saved across all your devices? Sign up or sign in
Biblia Sumo
Texto © Sociedad Bíblica de Nicaragua 1998
