Hibru 1
1
Papang, witing Walanibis munah yulbauna
1Tanit mani kau Papang yulbauna mamuihkibararak balna munah wat wat, dawak tanka sat sat karak prapit balna munah. 2Kaunah waradika mani witni balna kat, Walanibis munah yulmaibauwi, witing munah di balna kidika yamna, dawak witing yakat di balna kidika bitik kalana. 3Witing kuduh Papang yaksihni yaringni kidika, sihm kidika laih Papang ampat kidika wayani, dawak di balna bitik witing yulni parasni nuhni karak laihwi duwa kidika.#Jn 1:1-3; Col 1:15-17. Madutki kaupak klin maiyamna usnitkat, makau kisang yakat kilwi yalahna, Papang trunni tingni palni yakat, 4dawak insal balna karak tanit nuhni kalna, kat witing laih dipahni kapat wauhtaya tanit nuhni kulna kidika duna bahang witingna duduwa kidika karak dawakat.
Papang Walanibis al kidikainsal balna karak tanit nuhni ki
5Kat Papang wat as bik yulwas ki insal as kau:
“Man laih yang Walakibis;#Sal 2:7.
warmani yang mayaknayang.”
Dawak insal as bik yulni yulwasdai:
“Yang laih witing papangni awaki,
dawak witing laih yang walakbis karang.”#2 Sam 7:14; 1 Cr 17:13.
6Kaunah pis ūk yakat, sau muihni balna muhnina yakat yakwi yulwi:
“Papang innisal balna bitik
witing yakat mamatna yultanauh.”#Dt 32:43; Sal 97:7.
7Insal balna yulnina, Papang yulwi:
“Witing yamwi, innisal balna kidikawing kapat atnin,
dawak kuh dahlwa kapat atnindini yamyang balna kidik.”#Sal 104:4.
8Kaunah Walanibis yulni laih yulwi:
“Man kingma āwaman kidika laih,Papang,ban kaput karang,
dawak kingkawa lāni kidikalā kat karang.
9Di yamni kidika dalani talna,
dawak dutni kidika waihla talna;
kidika bahang Papang mayakwi duna,man Papangma,
dawak alasna manah mabahngna
kaltalyang yamni mana kidika karaktanit.”#Sal 45:6-7.
10Dawak bik yulwi:
“Papang, tatuna kaupak sau adikayamnaman;
dawak makau kisang kidika man yamnaman.
11Kidika balna bitik dis kalwarang,
kaunah man laih ban sak-awama,
kidika bitik laih asna kapat witwarang;
12¡sip lamtas awama asna kapat,
yakpamta ūk āma, muih as asnina ūk āwa kapat!
Kaunah man laih ban man;
sangmaka bik witwaski.”#Sal 102:25-27.
13Papang, insal balna kidika as kau bik diyulwasdai:
“Tingkipal yak yalahtah,
man waihmala balna bitik
kalma dinit yakat āki kat.”#Sal 110:1.
14Kat insal balna bitik laih spirit,#1.14 Laih spirit: yulni kidika yakisdi 1:7 karak: Grik dawak Hibru kau bik kidika yulni tanka laih sihm kapat ki, spirit kidika awaskat wing. Papang dini yamyang balna, disihna laihwi yakwarang balna yakat ilp diana atnin.#Mt 4:11; Lc 1:19.
Currently Selected:
Hibru 1: SUMU
Highlight
Copy
Compare
Share
Want to have your highlights saved across all your devices? Sign up or sign in
Biblia Sumo
Texto © Sociedad Bíblica de Nicaragua 1998
