Ezequiel 28
28
Prapit yulni yulna Tiro kingni niningyakat
1Papang yang akat kaiwi yayulna: 2“Man, muih al, Tiro kingni yakat kalyulta:
‘Papang adika yulwi:
Man ismang yakat, man manah kapat kaldakanam kidika banghna,
dawak kaldakana man dawan as witing dawan balna trunnina yakat yalahna sakkapat dawak yaihnit awaih kidika kuma manah daklana sakkapat.
Kauna man laih dawan awasman,
muih al as man dawak dawan kulnin sirihni kapat dunin kultaman.
3¿Danel#28.3 Talah sahyakna 14:14 yakat. karak dawak witing kauh sins nuhni duwa katpah?
¿Di malni balna kidika as bik amanglatas awasman katpah?
4Man sinsma tuhni dawak sirihni kidika kau ritsni balna mahni dunaman,
dawak di punin dini kidika gol dawak lalah manah bahngnaman.
5Di wauhwi bakannin sinsni lani sirihni dutaman kidika kau ritsni balna manas dunaman,
dawak kidika ritsni balna yaklauwi kulnam kidika man manah kapat kaldakanin mayamna.
6Kauna, Papang yaklauwi yulwi:
Man dawan as sinsni kapat dunin kultaman bahang,
7yamtingkat pa ūk kaupak muih aiwarang man namangyakat,
muih tanit dudutni balna kidika,
witingna isninaparah yakwi man yakat makalbabauwarang,
di nuhni yamni, dawak sins lani nuhni dutaman kidika,
man yaringni dutaman kidika sau yakat bukna karang.
8Pa kudungni tuhni yakat awayawama,
dawak kuma pasyakat daunin parasni karak kalpakta dauma.
9¿Dawak ban kulta awamayah man kidika dawan as man,
man waihmala balna muhnitna yakat sak-awama yakat?
¡Maihiwarang balna tingnina yakat laih man kidika dauh muih al as awama!
10Sau ūk muihni balna tingnina yakat dauma,
Papang yakat amangnilalawas muihni balna dadauwa kapat.
Yang, Papangyang kat yulbaunayang;
yang yulki kidika kalatik datayang.’ ”
Dauwak nunin laniwana, Tiro kingni yulni
11Papang yang akat kaiwi yayulna: 12“Man muih al, dauwak nunin laniwana unbautah, Tiro kingni yakat, dawak aput yulta:
‘Adika Papang yulwi:
Man laih barangni muihni as man bahang man muih balna yakat talwi barangni kalahna atnin,
sins lani tuhni dawak yaksinh kidika bik aitani dutaman.
13Edén yakat sakman dai, Papang pāni yakat,
kipala dahlwa satni balna kau yamna dai kidika yakat,
alahtaman balna dini kidika bitik laih gol manah dai,
ridi yamna dai mayamwi yakna mani kaupak.
14Di lawani duyang kidika as dasaknayang dai man mainmatalnin,#28.14 Di lawāni duyang...mainmatalnin: grik kau kaput ulna. Hibru kau laih amangladas ki.
Papang asangni holi yakat sakman dai,
dawak yala balna pasyakat#28.14 Yala balna pasyakat: ulna kaput yulni kat kuhpau dalhwa kinipala balna pasyakat. lapaktaman dai.
15Man kulnam lani kidika barangni dai mayamna mani kaupak man namangyakat dutni kidika kiwi kalahna kat.
16Di wauhta bakantaman dini balna kidika mahni kalna kat,
dutni lani bik mabuhngdana dai.
Kaput laih yang muhki kaupak mayakpamnayang;
Papang asangni kaupak mayakpamna yang,
dawak di lawani duyang namatdakwa dai kidika yaklauwi yala balna paskaupak mayakpamna.
17Yaksihnman kidika yaklauwi kulnam kidika man manah kapat kaldakanaman dai;
yaringni dutaman kidika dispamna dai sins lani tuhni dutaman dai kidika.
Yang sau yakat maruhmlakki, manayang namangkarinin kidika king balna muhnina tani yakat.
18Dutni mahni yamnaman,
dawak dutni kalnaman di wauhta bakantaman kidika kau,
dawak makatyulnin uni balna dutaman kidika dutni yamnaman.
Dawak kaput laih yang lawik yamnayang man muihma pasyakaupak kuhpau kalahwi mabusnin.
Muih bitik matalnin sipki sau yakat tusman kidika, wan kalna.
19Nisan matalayang balna bitik kidika,
matalwi muihsak dadauwarang.
Di wayakani dutni kalnaman;
¡disnaman kidika ban kaput karang ki!’ ”
Prapit yulni yulna Sidón niningyakat
20Papang yang kat kaiwi yayulna: 21“Man, muih al, nawatta yawah Sidón#Jl 3:4-8; Zac 9:1-2; Mt 11:21-22; Lc 10:13-14. yakat, dawak yang ayangki kau yakta Sidón niningyakat yulta. 22Kalyulta:
‘Adika Papang yulwi:
Yang man waihmala alahwayang bahang mayultayang, Sidón;
man pasmang yakat ayangki nuhni yamna karang.
Dawak man namang yakat lama yamtingkat, dawak kaput laih yang maisihni disyang kidika lāih yakna awaki,
dawak kaput laih watwi amangkilalana karang yang adika Papang yang.
23‘Man namangyakat siknis sihki ki,
dawak man āma kidika tapas yakat kirana karang;
man muihma balna kidika dauwi bubukna karang,
witing yaihnit awaihdak kidika kaupak kalahwi isparah kau ihina karang.
Kaput dawak laih amanglalana karang yang adika Papang yang.
24‘Israel kidika watwi wakal subangni maipawak dalani wauhwas karang, yaihnit kau tawan awaihdak balna yaklauwi di dauh kapat kaltatalwa kidika yulni. Kaput laih watwi amangkilalawarang yang adika Papang yang.’
25“Yang, Papang yang kat yultayang: Israel balna kidika wattik uduhki Nisan balna paskau ruhna bangkidika kaupak, dawak yang maisihni disyang kidika nisan balna yakat niningnakaki. Israel kidika witing sauni yakat kawi duwarang, sau as yang diki yamyang Jacob yakat kalanayang dai kidika. 26Kidika yakat yamadangni dis isningnalak yalalahwarang, dawak ūnina yamwi kaput bik wain yamak yayamwarang. Yang lawik la yamki Israel yaihnitkau balna niningna yakat, kat witingna kidika dauh ditalna bahang Israel tawanni yakat. Kaput laih watwi amangkilalawarang yang adika Papang yang, Israel Papangni.”
Currently Selected:
Ezequiel 28: SUMU
Highlight
Copy
Compare
Share
Want to have your highlights saved across all your devices? Sign up or sign in
Biblia Sumo
Texto © Sociedad Bíblica de Nicaragua 1998
Ezequiel 28
28
Prapit yulni yulna Tiro kingni niningyakat
1Papang yang akat kaiwi yayulna: 2“Man, muih al, Tiro kingni yakat kalyulta:
‘Papang adika yulwi:
Man ismang yakat, man manah kapat kaldakanam kidika banghna,
dawak kaldakana man dawan as witing dawan balna trunnina yakat yalahna sakkapat dawak yaihnit awaih kidika kuma manah daklana sakkapat.
Kauna man laih dawan awasman,
muih al as man dawak dawan kulnin sirihni kapat dunin kultaman.
3¿Danel#28.3 Talah sahyakna 14:14 yakat. karak dawak witing kauh sins nuhni duwa katpah?
¿Di malni balna kidika as bik amanglatas awasman katpah?
4Man sinsma tuhni dawak sirihni kidika kau ritsni balna mahni dunaman,
dawak di punin dini kidika gol dawak lalah manah bahngnaman.
5Di wauhwi bakannin sinsni lani sirihni dutaman kidika kau ritsni balna manas dunaman,
dawak kidika ritsni balna yaklauwi kulnam kidika man manah kapat kaldakanin mayamna.
6Kauna, Papang yaklauwi yulwi:
Man dawan as sinsni kapat dunin kultaman bahang,
7yamtingkat pa ūk kaupak muih aiwarang man namangyakat,
muih tanit dudutni balna kidika,
witingna isninaparah yakwi man yakat makalbabauwarang,
di nuhni yamni, dawak sins lani nuhni dutaman kidika,
man yaringni dutaman kidika sau yakat bukna karang.
8Pa kudungni tuhni yakat awayawama,
dawak kuma pasyakat daunin parasni karak kalpakta dauma.
9¿Dawak ban kulta awamayah man kidika dawan as man,
man waihmala balna muhnitna yakat sak-awama yakat?
¡Maihiwarang balna tingnina yakat laih man kidika dauh muih al as awama!
10Sau ūk muihni balna tingnina yakat dauma,
Papang yakat amangnilalawas muihni balna dadauwa kapat.
Yang, Papangyang kat yulbaunayang;
yang yulki kidika kalatik datayang.’ ”
Dauwak nunin laniwana, Tiro kingni yulni
11Papang yang akat kaiwi yayulna: 12“Man muih al, dauwak nunin laniwana unbautah, Tiro kingni yakat, dawak aput yulta:
‘Adika Papang yulwi:
Man laih barangni muihni as man bahang man muih balna yakat talwi barangni kalahna atnin,
sins lani tuhni dawak yaksinh kidika bik aitani dutaman.
13Edén yakat sakman dai, Papang pāni yakat,
kipala dahlwa satni balna kau yamna dai kidika yakat,
alahtaman balna dini kidika bitik laih gol manah dai,
ridi yamna dai mayamwi yakna mani kaupak.
14Di lawani duyang kidika as dasaknayang dai man mainmatalnin,#28.14 Di lawāni duyang...mainmatalnin: grik kau kaput ulna. Hibru kau laih amangladas ki.
Papang asangni holi yakat sakman dai,
dawak yala balna pasyakat#28.14 Yala balna pasyakat: ulna kaput yulni kat kuhpau dalhwa kinipala balna pasyakat. lapaktaman dai.
15Man kulnam lani kidika barangni dai mayamna mani kaupak man namangyakat dutni kidika kiwi kalahna kat.
16Di wauhta bakantaman dini balna kidika mahni kalna kat,
dutni lani bik mabuhngdana dai.
Kaput laih yang muhki kaupak mayakpamnayang;
Papang asangni kaupak mayakpamna yang,
dawak di lawani duyang namatdakwa dai kidika yaklauwi yala balna paskaupak mayakpamna.
17Yaksihnman kidika yaklauwi kulnam kidika man manah kapat kaldakanaman dai;
yaringni dutaman kidika dispamna dai sins lani tuhni dutaman dai kidika.
Yang sau yakat maruhmlakki, manayang namangkarinin kidika king balna muhnina tani yakat.
18Dutni mahni yamnaman,
dawak dutni kalnaman di wauhta bakantaman kidika kau,
dawak makatyulnin uni balna dutaman kidika dutni yamnaman.
Dawak kaput laih yang lawik yamnayang man muihma pasyakaupak kuhpau kalahwi mabusnin.
Muih bitik matalnin sipki sau yakat tusman kidika, wan kalna.
19Nisan matalayang balna bitik kidika,
matalwi muihsak dadauwarang.
Di wayakani dutni kalnaman;
¡disnaman kidika ban kaput karang ki!’ ”
Prapit yulni yulna Sidón niningyakat
20Papang yang kat kaiwi yayulna: 21“Man, muih al, nawatta yawah Sidón#Jl 3:4-8; Zac 9:1-2; Mt 11:21-22; Lc 10:13-14. yakat, dawak yang ayangki kau yakta Sidón niningyakat yulta. 22Kalyulta:
‘Adika Papang yulwi:
Yang man waihmala alahwayang bahang mayultayang, Sidón;
man pasmang yakat ayangki nuhni yamna karang.
Dawak man namang yakat lama yamtingkat, dawak kaput laih yang maisihni disyang kidika lāih yakna awaki,
dawak kaput laih watwi amangkilalana karang yang adika Papang yang.
23‘Man namangyakat siknis sihki ki,
dawak man āma kidika tapas yakat kirana karang;
man muihma balna kidika dauwi bubukna karang,
witing yaihnit awaihdak kidika kaupak kalahwi isparah kau ihina karang.
Kaput dawak laih amanglalana karang yang adika Papang yang.
24‘Israel kidika watwi wakal subangni maipawak dalani wauhwas karang, yaihnit kau tawan awaihdak balna yaklauwi di dauh kapat kaltatalwa kidika yulni. Kaput laih watwi amangkilalawarang yang adika Papang yang.’
25“Yang, Papang yang kat yultayang: Israel balna kidika wattik uduhki Nisan balna paskau ruhna bangkidika kaupak, dawak yang maisihni disyang kidika nisan balna yakat niningnakaki. Israel kidika witing sauni yakat kawi duwarang, sau as yang diki yamyang Jacob yakat kalanayang dai kidika. 26Kidika yakat yamadangni dis isningnalak yalalahwarang, dawak ūnina yamwi kaput bik wain yamak yayamwarang. Yang lawik la yamki Israel yaihnitkau balna niningna yakat, kat witingna kidika dauh ditalna bahang Israel tawanni yakat. Kaput laih watwi amangkilalawarang yang adika Papang yang, Israel Papangni.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Biblia Sumo
Texto © Sociedad Bíblica de Nicaragua 1998