Ezequiel 27
27
Dauna laniwana unbauna Tiro tawanni nuhni yulni
1Papang yang akat kaiwi yayulna: 2“Man, muih al, dauna laniwana adika unbautah 3Tiro yulni, tawan nuhni as kuma kalahwa yakat pakkidika, dawak witing laih nisan balna yakat di wauhwi bakanwa kidika, kuma paskau sau balna yakat. Kalyulta, Papang aput yulwi:
‘Man, Tiro, kaldakaman kuma kuring#27.3 Kuma kuring: kaput ulna kidika yamni kapat ki. Hibru kau laih yang. kapat, yaksihni dawak yamni;
4man parasma nuhni kidika kuma isning papus kat kiwi,
yamyang balna kidika yaklauwi nuhni yaksihni mayayamna.
5Awas tatni kau mayayamna balna kidika bitik laih Senir kaupak duahaina;
dawak asna sitnin panani balna kidika laih líbano suhunni kau yayamna;
6dawak waihnin dini balna kidika laih Basán kau pan dadasni balna yakau duwi yayamna;
dawak ahnikau kidika bik pan dadasni kau yayamna,
panan balna kidika laih Chipre kaupak duahaina,
dawak minit yakat marfil wayani yayamna dai.
7Kumama kuring minitkau asna riwa kidika laih Egipto kaupak ki,
bahang kidika laih plakin kapat dutaman dai;
dawak kuma kuring wauhtaman pāni kau kidika laih asna pauni kau muklakna dai,
asnina kidika Elisa kaupak duahaina dai.
8Kumama kuring waihyang balna kidika laih Sidón dawak Arvad ahalni balna dai,
kuma kuring wauhyang balna kidika lan muihni balna manah dai.
9Gebal ahalni muih bararak lan balna kidika daukalna balna kidika laihwi yayamwa dai.
Kuma kau wark kalahyang balna bitik man dima kidika bakakanwa dai.
10Persia, Lidia dawak Libia muihni ahal balna kidika kalbauyang muihni balna dutaman pasyakat dai;
witingna nanitnadaknin dawak pakninna balna kau bik man yakat ayangma nuhni yayamwadai.
11‘Arvad muihni balna, dawak kalbauyang muihni balna karak kalpakwi daklanaman yakat kawi duduna dai, dawak makau kilwi talnin pāni kidika yakat laih Gamad ahalni balna bangdai. Tanitna daknin dini balna kidika daklanaman minit yakat alalahna dai, bahang kaput laih yaksinh dai talna atnin. 12Ritsma balna kidika mahni palni dai, dawak Tarsis kidika man karak kalpakwi bakanwādai, bahang kidika minit mawa dai lalah, ayan, estaño dawak lit. 13Grecia, Tubal dawak Mesec, witingna kidika man yakat di bakakanwa dai, dawak dima minit launin kidika, warau ahal balna kau manin yuyulwa dai, bras kau di yamna balna minit kidika. 14Bet-togarma muihni balna laih wark aniras dawak kilnin balna kidika kau lauwi mamawadai, dawak muyul kau bik. 15Rodas#27.15 Rodas: grik kau laih kaput ulna. Hibru kau laih Dedán. muihni balna, man yakat di bakakanwa dai, kaput laih kuma paskau nisan balna mahni yakat di dibakantaman dai, bahang man yakat minitlauwi mamawa dai marfil kau dawak pan as ayangni ébano, kidika kau bik. 16Edom kidika man karak di bakanwa dai, di mahni dutaman kidika yulni: dima balna minit duaiwi mamawa dai kipala pauni sasahn balna kidika, asna pauni balna, asna yayamni balna, coral dawak kipala dahlwa papauni balna kidika bik. 17Kaput laih Judá dawak Israel karak bik man kalpakta di bakanna man; dawak dima balna minit kidika Minit planiwar minik kau lauwimana dai, dawak pastel#27.17 Pastel: kaput wirlana kidika yamni kapatki. Hibru kau laih yulni as yulwa kidika tanka dudaski., amak, disala dawak sika walalapni balna kidika bik. 18Damasco kidika ritsma balna manas bakanwādai; dawak minitlauwi mawadai Helbón wainni kau, dawak Sahar asnina kau bik minitlauwi mawadai. 19Uzal kaupak wain#27.19 Wain: kaput ulna kidika yamni kapat ki. Hibru kau, Dan dawak Javán. duaiwi mamawadai, ayan yamna ridi, pan unitak walapni balna (canela) man dima minit kidika kau lauwi mamawadai. 20Dedán kidika man karak di bakannin warkni kidika yamwadai, aras kilnin dini balna. 21Arabia dawak Cedar tunan muihni balna kidika bitik man dima bakanyang balna dai: minitlauwi mamawadai sīp kau, kuts kau, dawak kuts almuk kau bik. 22Sabá muihni di wauhwi bakanyang balna kidika man dima bakanyang balna dai, dawak dima minitlauwi mamawadai di walapni balna kau, kipala minit nunuhni balna kau dawak gol kau bik. 23Man karak wark kalalahwa dai Harán, Cane, Edén dawak Sabá muihni diwauhwi bakanyang balna karak, Asiria dawak Media muihni balna bitik;#27.23 Media muihni balna bitik: kaput ulna kidika yamni kapat ki. Hibru kau laih Quilmad. 24asna yayamni balna kidika mabakakanwadai, asna papauni balna, ataknin dini balna, dawak wah labuna yayamni balna kidika. 25Tarsis kumanikuring balna kidika di duahaiwadai.
‘Man kidika kuma kuring as kuma papusyakat kapatman dai,
ritsni balna bitik puna likkapat.
26Waihyang muihni balna kidika was tuhni yakat maduwi uinadai,
kauna makilwa wingni kidika yaklauwi madakpamna.
27Man ritsma balna, dima balna,
kumama kuring waihyang balna, wauhyang balna,
kumama kuring ahlwak yamyang balna, di wauhwi bakanyang balna,
war kalbauyang muihni balna dawak kumama kuring paskau muih bangkidika bitik laih kuma tuhni yakat auiwarang,
man kumama kuring kidika bulwarang mani kat.
28Kuma yakat wark kalahyang ahalni balna kidika sararahwak lalamwa balna#27.28 Lalamwa balna: kaput kidika yamni wirlana kapatki. Hibru kau laih yulwi sirh sirh yanimak. kidika diyukwarang.
29Kumakuring waihyang muihni balna kidika dawi yaklalakwarang;
dawak kuma kuring wauhyang balna kidika bitik laih sau yakat sutwi bubukwarang.
30Yulnina parasni yulwi kakaidarang tapalhni palni man yulma.
Tunanina yakat wan uhuwarang dawak wan pasyakat kalangwi piraramwarang.
31Man yulma tunanina kakahrwarang,
dawak kulnin bukna asnina kakawarang dawak tapalhni palni kakaidarang.
32Man yulma dauwak sau-ū yakat nunuwa laniwana unbabauwarang,
bahang witingna kulninna bukna karuk aput yuyulwarang:
¿Wais sipdaih Tiro kapat atnnin kidika,
tawan nuhni as kuma pasyakat pakdai kidika?#27.32 ¿Wais sipdaih...kuma pasyakat pakdai kidika? aput, satuk wirlanin sipki: ¿Tiro, man madaukalna kapat, angdika yakat kaput daukalnaya?
33Man dima balna kidika kuma munah kiwak dutaman dai,
dawak nisan balna manas dukih diawa kidika dibahngwadai.
Man ritsma balna mahni kidika kau sau kingni balna di duyang diyamtaman dai.
34Waralaih di dauh kalnaman kuma yaklauwi mayamwakat,
was tuhni yakat áwa yawanaman.
Man dima balna dawak muih balna dutalikman dai kidika balna bitik laih man karak kuma tuhni yakat āwi uina.
35Kuma paskau tawan balna bangkidika bitik laih muihsak dadauna man yulma;
kingni balna bik muihsak dadauna,
muhnina yakat lāihki yamaduduwa kidika.
36Sau ūk muihni balna, di wauhwi bakanyang balna kidika matalwi muihsak dadauwi.
Di wayakani dutni kalnaman;
man disnaman ban kaput atnin yakat.’ ”#Rib 18:11-19.
Currently Selected:
Ezequiel 27: SUMU
Highlight
Copy
Compare
Share
Want to have your highlights saved across all your devices? Sign up or sign in
Biblia Sumo
Texto © Sociedad Bíblica de Nicaragua 1998
Ezequiel 27
27
Dauna laniwana unbauna Tiro tawanni nuhni yulni
1Papang yang akat kaiwi yayulna: 2“Man, muih al, dauna laniwana adika unbautah 3Tiro yulni, tawan nuhni as kuma kalahwa yakat pakkidika, dawak witing laih nisan balna yakat di wauhwi bakanwa kidika, kuma paskau sau balna yakat. Kalyulta, Papang aput yulwi:
‘Man, Tiro, kaldakaman kuma kuring#27.3 Kuma kuring: kaput ulna kidika yamni kapat ki. Hibru kau laih yang. kapat, yaksihni dawak yamni;
4man parasma nuhni kidika kuma isning papus kat kiwi,
yamyang balna kidika yaklauwi nuhni yaksihni mayayamna.
5Awas tatni kau mayayamna balna kidika bitik laih Senir kaupak duahaina;
dawak asna sitnin panani balna kidika laih líbano suhunni kau yayamna;
6dawak waihnin dini balna kidika laih Basán kau pan dadasni balna yakau duwi yayamna;
dawak ahnikau kidika bik pan dadasni kau yayamna,
panan balna kidika laih Chipre kaupak duahaina,
dawak minit yakat marfil wayani yayamna dai.
7Kumama kuring minitkau asna riwa kidika laih Egipto kaupak ki,
bahang kidika laih plakin kapat dutaman dai;
dawak kuma kuring wauhtaman pāni kau kidika laih asna pauni kau muklakna dai,
asnina kidika Elisa kaupak duahaina dai.
8Kumama kuring waihyang balna kidika laih Sidón dawak Arvad ahalni balna dai,
kuma kuring wauhyang balna kidika lan muihni balna manah dai.
9Gebal ahalni muih bararak lan balna kidika daukalna balna kidika laihwi yayamwa dai.
Kuma kau wark kalahyang balna bitik man dima kidika bakakanwa dai.
10Persia, Lidia dawak Libia muihni ahal balna kidika kalbauyang muihni balna dutaman pasyakat dai;
witingna nanitnadaknin dawak pakninna balna kau bik man yakat ayangma nuhni yayamwadai.
11‘Arvad muihni balna, dawak kalbauyang muihni balna karak kalpakwi daklanaman yakat kawi duduna dai, dawak makau kilwi talnin pāni kidika yakat laih Gamad ahalni balna bangdai. Tanitna daknin dini balna kidika daklanaman minit yakat alalahna dai, bahang kaput laih yaksinh dai talna atnin. 12Ritsma balna kidika mahni palni dai, dawak Tarsis kidika man karak kalpakwi bakanwādai, bahang kidika minit mawa dai lalah, ayan, estaño dawak lit. 13Grecia, Tubal dawak Mesec, witingna kidika man yakat di bakakanwa dai, dawak dima minit launin kidika, warau ahal balna kau manin yuyulwa dai, bras kau di yamna balna minit kidika. 14Bet-togarma muihni balna laih wark aniras dawak kilnin balna kidika kau lauwi mamawadai, dawak muyul kau bik. 15Rodas#27.15 Rodas: grik kau laih kaput ulna. Hibru kau laih Dedán. muihni balna, man yakat di bakakanwa dai, kaput laih kuma paskau nisan balna mahni yakat di dibakantaman dai, bahang man yakat minitlauwi mamawa dai marfil kau dawak pan as ayangni ébano, kidika kau bik. 16Edom kidika man karak di bakanwa dai, di mahni dutaman kidika yulni: dima balna minit duaiwi mamawa dai kipala pauni sasahn balna kidika, asna pauni balna, asna yayamni balna, coral dawak kipala dahlwa papauni balna kidika bik. 17Kaput laih Judá dawak Israel karak bik man kalpakta di bakanna man; dawak dima balna minit kidika Minit planiwar minik kau lauwimana dai, dawak pastel#27.17 Pastel: kaput wirlana kidika yamni kapatki. Hibru kau laih yulni as yulwa kidika tanka dudaski., amak, disala dawak sika walalapni balna kidika bik. 18Damasco kidika ritsma balna manas bakanwādai; dawak minitlauwi mawadai Helbón wainni kau, dawak Sahar asnina kau bik minitlauwi mawadai. 19Uzal kaupak wain#27.19 Wain: kaput ulna kidika yamni kapat ki. Hibru kau, Dan dawak Javán. duaiwi mamawadai, ayan yamna ridi, pan unitak walapni balna (canela) man dima minit kidika kau lauwi mamawadai. 20Dedán kidika man karak di bakannin warkni kidika yamwadai, aras kilnin dini balna. 21Arabia dawak Cedar tunan muihni balna kidika bitik man dima bakanyang balna dai: minitlauwi mamawadai sīp kau, kuts kau, dawak kuts almuk kau bik. 22Sabá muihni di wauhwi bakanyang balna kidika man dima bakanyang balna dai, dawak dima minitlauwi mamawadai di walapni balna kau, kipala minit nunuhni balna kau dawak gol kau bik. 23Man karak wark kalalahwa dai Harán, Cane, Edén dawak Sabá muihni diwauhwi bakanyang balna karak, Asiria dawak Media muihni balna bitik;#27.23 Media muihni balna bitik: kaput ulna kidika yamni kapat ki. Hibru kau laih Quilmad. 24asna yayamni balna kidika mabakakanwadai, asna papauni balna, ataknin dini balna, dawak wah labuna yayamni balna kidika. 25Tarsis kumanikuring balna kidika di duahaiwadai.
‘Man kidika kuma kuring as kuma papusyakat kapatman dai,
ritsni balna bitik puna likkapat.
26Waihyang muihni balna kidika was tuhni yakat maduwi uinadai,
kauna makilwa wingni kidika yaklauwi madakpamna.
27Man ritsma balna, dima balna,
kumama kuring waihyang balna, wauhyang balna,
kumama kuring ahlwak yamyang balna, di wauhwi bakanyang balna,
war kalbauyang muihni balna dawak kumama kuring paskau muih bangkidika bitik laih kuma tuhni yakat auiwarang,
man kumama kuring kidika bulwarang mani kat.
28Kuma yakat wark kalahyang ahalni balna kidika sararahwak lalamwa balna#27.28 Lalamwa balna: kaput kidika yamni wirlana kapatki. Hibru kau laih yulwi sirh sirh yanimak. kidika diyukwarang.
29Kumakuring waihyang muihni balna kidika dawi yaklalakwarang;
dawak kuma kuring wauhyang balna kidika bitik laih sau yakat sutwi bubukwarang.
30Yulnina parasni yulwi kakaidarang tapalhni palni man yulma.
Tunanina yakat wan uhuwarang dawak wan pasyakat kalangwi piraramwarang.
31Man yulma tunanina kakahrwarang,
dawak kulnin bukna asnina kakawarang dawak tapalhni palni kakaidarang.
32Man yulma dauwak sau-ū yakat nunuwa laniwana unbabauwarang,
bahang witingna kulninna bukna karuk aput yuyulwarang:
¿Wais sipdaih Tiro kapat atnnin kidika,
tawan nuhni as kuma pasyakat pakdai kidika?#27.32 ¿Wais sipdaih...kuma pasyakat pakdai kidika? aput, satuk wirlanin sipki: ¿Tiro, man madaukalna kapat, angdika yakat kaput daukalnaya?
33Man dima balna kidika kuma munah kiwak dutaman dai,
dawak nisan balna manas dukih diawa kidika dibahngwadai.
Man ritsma balna mahni kidika kau sau kingni balna di duyang diyamtaman dai.
34Waralaih di dauh kalnaman kuma yaklauwi mayamwakat,
was tuhni yakat áwa yawanaman.
Man dima balna dawak muih balna dutalikman dai kidika balna bitik laih man karak kuma tuhni yakat āwi uina.
35Kuma paskau tawan balna bangkidika bitik laih muihsak dadauna man yulma;
kingni balna bik muihsak dadauna,
muhnina yakat lāihki yamaduduwa kidika.
36Sau ūk muihni balna, di wauhwi bakanyang balna kidika matalwi muihsak dadauwi.
Di wayakani dutni kalnaman;
man disnaman ban kaput atnin yakat.’ ”#Rib 18:11-19.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Biblia Sumo
Texto © Sociedad Bíblica de Nicaragua 1998