Amós 1
1
King sauni balna yaihnitkau bangyakat lanina yamnin kidika
1Adika yulni kuduh Amós, Tecoa pāni kaupak sīp maintalyang as dai kidika, duwa dai Papang kaupak Israel balna yulnina kat disumalna atnin, sau isihwas tanitkau kurih bu dai yakat, Judá kingni Uzías#2 Re 15:1-7; 2 Cr 26:1-23. dawak Israel kingni Joás walanibis Jeroboam,#2 Re 14:23-29. kidika, witingna manina balna dai yakat.
2Papang yulni kidika alwana kapat yulwak dakawi,
Sayan asangni Jerusalén#Jr 25:30; Jl 3:16. kaupak,
sau kau sihrsihr balna kidika kusulawi,
dawak Carmelo asangni tuna kidika watwi buhlawi.
3Aput yulwi Papang yaklauwi:
“Damasco#Is 17:1-3; Jr 49:23-27; Zac 9:1. muihni balna kidika dutnina mahni yayamna,
bahang diwistas laih datas awaki;
kat Galaad#2 Re 10:32-33. muihni balna yakat di tataihna ayan kau.
4Kidika bahang Hazael uni kidika kuhkau buski,
dawak kidika kuhnipau yaklauwi daukalwi dis yamwarang
Ben-hadad#2 Re 13:3. kingni uni balna yakat.
5Parasni kau apahki Damasco dūrni balna kidika;
Bicat-avén#1.5 Hibru kau Bicat-avén tanka laih dutni yamna pāni langni. kau kingkawa kidika daukalpamki,
dawak Bet-edén#1.5 Hibru kau Bet-edén tanka laih muihni dukih kalawa uni. kau kingkawa kidika.
Siria muihni balna yaklauwi laihwi Kir#2 Re 16:9. pāni yakat duwi uiwarang.”
Papang yaklauwi yulwi.
6Aput Papang yaklauwi yulwi:
“Gaza muihni balna kidika dutnina mahni yayamna,
bahang witingna yakat wistas laih datas awaki;
kat witingna tawan as laihwi warau duwi uina dai,
dawak, Edom yakat warau#2 Cr 21:16-17; Jl 3:4-8. kapat dibakanmumukna.
7Kidika bahang Gaza kau daklawi awaihna yakat kuhpau kau busna awaki,
dawak kidika kuhnipau yaklauwi kingni uni balna kidika busyamna karang.
8Daukaltik dis yamki, Asdod kau kingkawa yakat,
dawak Ascalón kau kingkawa yakat bik.
¡Parasni bitik kau Ecrón niningyakat lawana awaki,
dawak filisteo#Is 14:29-31; Jr 47; Ez 25:15-17; Jl 3:4-8; Sof 2:4-7; Zac 9:5-7. muihni balna bitik dadauwarang!”
9Aput Papang yulwi:
“Tiro#Is 23; Ez 26:1—28:19; Jl 3:4-8; Zac 9:1-4; Mt 11:21-22; Lc 10:13-14. muihni balna kidika dutnina mahni palni yayamna,
witingna yakat wistas laih datas awaki;
kat witingna kidika Edom parasni dinit yakat bubukna dai,
tawan as, wirah lani kat pramis yayamna dai.
10Kidika bahang Tiro kau daklana yakat kuhpau kau buski,
dawak kidika kuhnipau yaklauwi kingnina uni balna kidika daukalwi dis yamwarang.”
11Aput Papang yulwi:
“Edom#Is 34:5-17; 63:1-6; Jr 49:7-22; Ez 25:12-14; 35:1-15; Abd 1-14; Mal 1:2-5. muihni balna kidika dutnina mahni palni yayamna,
bahang witingna yakat diwistas laih datas awaki;
kat tingnina yakat isparah duwi dawi,
minikun talnin lani dis wahainina Israel balna yakat di uhuina.
Annin kidika laihwawatwasdai,
dawakat, kulnin dutni kidika bik yudutni yayamwas dai.
12Kidika bahang Temán yakat kuhpau lakki,
dawakat kidika kuhnipau yaklauwi Bosra kingni uni balna daukalwi dis yamwarang.”
13Aput Papang yulwi:
“Amón#Jr 49:1-6; Ez 21:28-32; 25:1-7; Sof 2:8-11. balna kidika dutnina mahni yayamna,
witingna yakat diwistas laih datas awaki;
kat witingna baisa saunina nuhni dunin yulni
Galaad kau yayal muihkaruk balna yakat pipitna dai.
14Kidika bahang Rabá daklawi awaihna yakat kuhpau kau buski ki,
dawakat kidika kuhnipau yaklauwi kingni uni balna daukalwi,
sarahwa pasyakat,
dawak madah kat was alwana karak lauwa kapat yakat.
15Dawakat kingni kidika sau ūk yakat laihwi duwi uiwarang,
witing ahalni nunuhni duwa sakdai kidika balna karak.”
Currently Selected:
Amós 1: SUMU
Highlight
Copy
Compare
Share
Want to have your highlights saved across all your devices? Sign up or sign in
Biblia Sumo
Texto © Sociedad Bíblica de Nicaragua 1998
