Apastil Balna Warknina 20
20
Macedonia dawak Grecia yakat bikPal kiuna
1Muih kiri yaklalauna dai kidika bayak dawakat, Pal yaklauwi kulyang balna yakat uduhna yul sumalnin. Kidika usnit kat diparaswi dawi mahka Macedonia yakat kiuna. 2Kidika pāni balna awaihwi talna bitik yakat, wirah balna kidika kulninna dulauna, witing yulni balna kau, dawak kidika kaupak laih Grecia yakat kiuna, 3kidika yakat laih waiku bās watna dai. Kurih laihwi Siria yakat kiunin manah sakkauna dakana, ju muihni balna yaklauwi witing niningkauh yaklaunin kidika ridi kakalna. Kaput laih nawatwi sau kau kiuna, watwi Macedonia munah bayakna. 4Witing karak kalpakwi uina kidika laih Sópater Berea kaupak dai kidika, Pirro walanibis; dawak Aristarco, Segundo, Tesalónica kaupak kidika, Gayo, Derbe kaupak, Timoti, dawak bik Tíquico, Trófimo, kidika balna laih Asia kaupak balna dai. 5Kidika wirah balna laih tanit yakat uiwi Troas yakat tahahana. 6Yangna laih, plawar pupuhnin dini dis bubusna kat kakaswa mani kidika bayak dawakat, Filipos kaupak kuring kau alahwanayangna, ma singka bayakwak Troas yakat uitik kuihnayangna, bahang kidika pāni yakat ma tiaskaubu watnayangna.
Pal Troas yakat kiwi talna
7Wīk, ma tatuna yakat kaluduhnayangna plawar busna kidika bahna atnin, dawak Pal laih kulyang balna yakat yulbauwasakdai. Kidika mani payahwak mahka kiunin dai bahang, yulbauwa kidika baisa naini yamna pukpapus kat. 8Makau uptis yakat kaluduhna bangdai, kidika yakat laih yaringni yamni duwādai; 9dawak wahma as ayangni Eutico, witing kidika windar yakat yalahna sakdai. Pal kidika naini yulbauna bahang, minikauhna, dawak kamana, dawak kidika uptis bās kaupak bukna sau kat; bahang dulalauna dauna kat. 10Kaput laih Pal yaklakwi kiwi wahmabin minit yakat kalangna dawi wakaihna. Dawak wirah balna yakat diyulna:
—Muihsak dadauwinih, sangka ki.
11Kidika usnit kat Pal watwi kil'kiuna, plawar busna kidika bahna, dawak kakasna, kaput laih payahlawak kat yulbauna. Dawak mahka kiuna. 12Wahmabin dai kidika laih sangka duwi uina, kidika yulni laih kulninna kasak dulauna dai.
Troas kaupak Mileto kat kiuna
13Yangna tanit bayaktik yawanayangna, kuring kau Aso kat yawanayangna, Pal kidika dutik bayak'yawinikna, amput yulbautik barangni alahwanayangna kaput, kat witing laih sau munah kiunin kulna dai bahang. 14Aso yakat kalpaknayangna kat, kuring yakat kawak Mitilene yakat yawanayangna. 15Kidika kaupak alahwanayangna, payahwak Quío muhnit munah bayaknayangna, dawak ma as pukwak Samos yakat kuihnayangna.#20.15 Tingkau ulna kidika laih minitkau lakwi: Troguilio yakat watnayangna usnitkat. Kidika kaupak tanit yakat ma as bayakwak Mileto yakat yawanayangna. 16Kaput yamna, kat Pal, witing Asia yakat uba kallaihwatnin awas yulni, Efesus yakat kiunin yulwasdana; kat Jerusalén yakat sirihni kiunin kulna bahang dawak, sip kat Pentecos mani kidika yakat sak-atnin.
Efesus muihnibararak balna yakatPal sumalna
17Mileto yakat sakkauna, Pal yaklauwi yulwak uina Efesus sutsni muihnibararak balna. 18Uiwak diyulna: “Manna amanglatamana, Asia akat aiwanayang kaupak yang amputyang kidika. 19Ma balna bitik yakat pasmangna yakat sakyang Dawan dini yamtik, kulnin minikunni lani karak, kaidinin manas karak, traitalnin manas yang akat kaina dai kidika, ju balna yang akat dutni yayamnin kukulna dai kidika. 20Kaunah manna yakat manasumaltayang kidika laih datasyang dai, yamni atnamna yulni, muih muhnina yakat sumalnayang dawak ūnina kat bik sumalnayang. 21Ju balna, dawak ju awas kidika balna bik diyulnayang Papang yakat nawatwi uinin, dawak bik Dawan Jisas yakat bik kulnin. 22Waradika laih Jerusalén yakat yawayang, Spirit Holi yaklauwi yadukiwi, amanglatasyang takit yakat ais sakpa. 23Yang amanglatayang kidika laih, tawan balna bitik yawayang yakat, Spirit Holi yayulwi silak ūni kidika takit yakat tahawi, dawak wauhnin bik manas. 24Yang laih kaput kaunah, sangkika kidika yang diki awaski, kaunah irayang kidika alasna witni kat yawaki,#2 Tim 4:7. Dawan Jisas yana kidika yul yamni muih kau sumalnin, Papang dalani lani kidika.
25“Dawak waralaih amanglatayang manna asbik, Papang kingni lani manasumalnayang kidika balna mana, watta yatalnama. 26Adika manayulkih yawi, yang pāt dis kaldakayang, 27kat Papang warkni balna kidika bitik manayulnayang bahang, di as bik manamaltas. 28Kaput bahang ismangnapuk awanauh, kalududuhwa muihni balna kidika maintalnauh, kidika pasyakat Spirit Holi yaklauwi manaāna sīp maintalyang as, kaput laih Papang sutsni kidika#20.28 Tingkau ulna kidika laih minit kau lakwi: Dawan sutsni kidika. maintalnin, witing āni kau bakanna kidika. 29Amanglatayang, yawingkat paki yakat ūk aiwarang, nawah anyang kapat, suts kidika dahnyamna atnin. 30Manna pasyakaupak bik kalalahwi alas lani sumamalwarang, kaput laih kulyang balna kidika usnit uina atnin yulni. 31Ismangnapuk awanauh; dawak ismangnakattanauh, kurih bās, pukta madah, makwas karuk manasumalnayang, manna bitik kau.
32“Waralaih, wirah balna, Papang tingni yakat manaātayang dawak, witing dalani talwa yulni balna kidika bik. Witing parasni duwi, manawak baraknamna spiritmana, kaput bik bitik mananin, witing tawanni holi yakat kalanin pramis yamna kidika. 33Di balna kidika yang manah dunik kulnik yakat disdai, lalah dawak muih asninana kidika bik; 34nawatkauh laih, manna yamni amanglatamana yang tingki warkni yamting dukihyawa balna kidika yaktik dunayang, dawak yangkarak dai kidika balna bik. 35Yang nining sumalnayang, kaput wark kalahnin, dawak di dis balna kidika ilp dianin, Dawan Jisas sumalna balna kidika ban makulnik yakat dunin: ‘Tanit alasna ki muih kau di kalanin kidika, dawakat dunin kidika karak.’ ”
36Kidika yulna usnit kat, Pal limbabahwi witingna bitik kalpakwi minitna yuyulna. 37Bitik kakaidana, dawak Pal yakat wakaihwi uhumna. 38Dawak kulninna bukna dai, kat diyulna dai bahang, watwi witingna karak kaltatalwas karang. Kidika usnit kat kalpakwi kuring kat duwi uina.
Currently Selected:
Apastil Balna Warknina 20: SUMU
Highlight
Copy
Compare
Share
Want to have your highlights saved across all your devices? Sign up or sign in
Biblia Sumo
Texto © Sociedad Bíblica de Nicaragua 1998
Apastil Balna Warknina 20
20
Macedonia dawak Grecia yakat bikPal kiuna
1Muih kiri yaklalauna dai kidika bayak dawakat, Pal yaklauwi kulyang balna yakat uduhna yul sumalnin. Kidika usnit kat diparaswi dawi mahka Macedonia yakat kiuna. 2Kidika pāni balna awaihwi talna bitik yakat, wirah balna kidika kulninna dulauna, witing yulni balna kau, dawak kidika kaupak laih Grecia yakat kiuna, 3kidika yakat laih waiku bās watna dai. Kurih laihwi Siria yakat kiunin manah sakkauna dakana, ju muihni balna yaklauwi witing niningkauh yaklaunin kidika ridi kakalna. Kaput laih nawatwi sau kau kiuna, watwi Macedonia munah bayakna. 4Witing karak kalpakwi uina kidika laih Sópater Berea kaupak dai kidika, Pirro walanibis; dawak Aristarco, Segundo, Tesalónica kaupak kidika, Gayo, Derbe kaupak, Timoti, dawak bik Tíquico, Trófimo, kidika balna laih Asia kaupak balna dai. 5Kidika wirah balna laih tanit yakat uiwi Troas yakat tahahana. 6Yangna laih, plawar pupuhnin dini dis bubusna kat kakaswa mani kidika bayak dawakat, Filipos kaupak kuring kau alahwanayangna, ma singka bayakwak Troas yakat uitik kuihnayangna, bahang kidika pāni yakat ma tiaskaubu watnayangna.
Pal Troas yakat kiwi talna
7Wīk, ma tatuna yakat kaluduhnayangna plawar busna kidika bahna atnin, dawak Pal laih kulyang balna yakat yulbauwasakdai. Kidika mani payahwak mahka kiunin dai bahang, yulbauwa kidika baisa naini yamna pukpapus kat. 8Makau uptis yakat kaluduhna bangdai, kidika yakat laih yaringni yamni duwādai; 9dawak wahma as ayangni Eutico, witing kidika windar yakat yalahna sakdai. Pal kidika naini yulbauna bahang, minikauhna, dawak kamana, dawak kidika uptis bās kaupak bukna sau kat; bahang dulalauna dauna kat. 10Kaput laih Pal yaklakwi kiwi wahmabin minit yakat kalangna dawi wakaihna. Dawak wirah balna yakat diyulna:
—Muihsak dadauwinih, sangka ki.
11Kidika usnit kat Pal watwi kil'kiuna, plawar busna kidika bahna, dawak kakasna, kaput laih payahlawak kat yulbauna. Dawak mahka kiuna. 12Wahmabin dai kidika laih sangka duwi uina, kidika yulni laih kulninna kasak dulauna dai.
Troas kaupak Mileto kat kiuna
13Yangna tanit bayaktik yawanayangna, kuring kau Aso kat yawanayangna, Pal kidika dutik bayak'yawinikna, amput yulbautik barangni alahwanayangna kaput, kat witing laih sau munah kiunin kulna dai bahang. 14Aso yakat kalpaknayangna kat, kuring yakat kawak Mitilene yakat yawanayangna. 15Kidika kaupak alahwanayangna, payahwak Quío muhnit munah bayaknayangna, dawak ma as pukwak Samos yakat kuihnayangna.#20.15 Tingkau ulna kidika laih minitkau lakwi: Troguilio yakat watnayangna usnitkat. Kidika kaupak tanit yakat ma as bayakwak Mileto yakat yawanayangna. 16Kaput yamna, kat Pal, witing Asia yakat uba kallaihwatnin awas yulni, Efesus yakat kiunin yulwasdana; kat Jerusalén yakat sirihni kiunin kulna bahang dawak, sip kat Pentecos mani kidika yakat sak-atnin.
Efesus muihnibararak balna yakatPal sumalna
17Mileto yakat sakkauna, Pal yaklauwi yulwak uina Efesus sutsni muihnibararak balna. 18Uiwak diyulna: “Manna amanglatamana, Asia akat aiwanayang kaupak yang amputyang kidika. 19Ma balna bitik yakat pasmangna yakat sakyang Dawan dini yamtik, kulnin minikunni lani karak, kaidinin manas karak, traitalnin manas yang akat kaina dai kidika, ju balna yang akat dutni yayamnin kukulna dai kidika. 20Kaunah manna yakat manasumaltayang kidika laih datasyang dai, yamni atnamna yulni, muih muhnina yakat sumalnayang dawak ūnina kat bik sumalnayang. 21Ju balna, dawak ju awas kidika balna bik diyulnayang Papang yakat nawatwi uinin, dawak bik Dawan Jisas yakat bik kulnin. 22Waradika laih Jerusalén yakat yawayang, Spirit Holi yaklauwi yadukiwi, amanglatasyang takit yakat ais sakpa. 23Yang amanglatayang kidika laih, tawan balna bitik yawayang yakat, Spirit Holi yayulwi silak ūni kidika takit yakat tahawi, dawak wauhnin bik manas. 24Yang laih kaput kaunah, sangkika kidika yang diki awaski, kaunah irayang kidika alasna witni kat yawaki,#2 Tim 4:7. Dawan Jisas yana kidika yul yamni muih kau sumalnin, Papang dalani lani kidika.
25“Dawak waralaih amanglatayang manna asbik, Papang kingni lani manasumalnayang kidika balna mana, watta yatalnama. 26Adika manayulkih yawi, yang pāt dis kaldakayang, 27kat Papang warkni balna kidika bitik manayulnayang bahang, di as bik manamaltas. 28Kaput bahang ismangnapuk awanauh, kalududuhwa muihni balna kidika maintalnauh, kidika pasyakat Spirit Holi yaklauwi manaāna sīp maintalyang as, kaput laih Papang sutsni kidika#20.28 Tingkau ulna kidika laih minit kau lakwi: Dawan sutsni kidika. maintalnin, witing āni kau bakanna kidika. 29Amanglatayang, yawingkat paki yakat ūk aiwarang, nawah anyang kapat, suts kidika dahnyamna atnin. 30Manna pasyakaupak bik kalalahwi alas lani sumamalwarang, kaput laih kulyang balna kidika usnit uina atnin yulni. 31Ismangnapuk awanauh; dawak ismangnakattanauh, kurih bās, pukta madah, makwas karuk manasumalnayang, manna bitik kau.
32“Waralaih, wirah balna, Papang tingni yakat manaātayang dawak, witing dalani talwa yulni balna kidika bik. Witing parasni duwi, manawak baraknamna spiritmana, kaput bik bitik mananin, witing tawanni holi yakat kalanin pramis yamna kidika. 33Di balna kidika yang manah dunik kulnik yakat disdai, lalah dawak muih asninana kidika bik; 34nawatkauh laih, manna yamni amanglatamana yang tingki warkni yamting dukihyawa balna kidika yaktik dunayang, dawak yangkarak dai kidika balna bik. 35Yang nining sumalnayang, kaput wark kalahnin, dawak di dis balna kidika ilp dianin, Dawan Jisas sumalna balna kidika ban makulnik yakat dunin: ‘Tanit alasna ki muih kau di kalanin kidika, dawakat dunin kidika karak.’ ”
36Kidika yulna usnit kat, Pal limbabahwi witingna bitik kalpakwi minitna yuyulna. 37Bitik kakaidana, dawak Pal yakat wakaihwi uhumna. 38Dawak kulninna bukna dai, kat diyulna dai bahang, watwi witingna karak kaltatalwas karang. Kidika usnit kat kalpakwi kuring kat duwi uina.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Biblia Sumo
Texto © Sociedad Bíblica de Nicaragua 1998