Apastil Balna Warknina 19
19
Pal Efeso yakat
1Apolos kidika Corinto yakat sakkat, Pal kidika asangpas munah bayakwi kiuna Efeso yakat, bahang witing kulyang balna manas kalpakna. 2Diyulwi dakana:
—¿Manna kulyang alahwanamana kat Spirit Holi kidika dunamanah?
Witingna yaklauwi nangnitlalana:
—Spirit Holi kidika yulni yuyulwak dakasyangna.
3Pal yaklauwi nangnitnalana:
—Kaput kat, ¿was manautuh'yayakna kidika amputyah?
Witingna yaklauwi nangnitlalana:
—Jan was utuh'yakna kidika.
4Pal yaklauwi diyulna:
—Papang yakat aiwa balna kidika Jan was utuh'yakwadai, kaunah diyulna dai, witing usnit yakat kaiwarang kidika yakat kulnin, yuldarang kat Jisas.#Mt 3:11; Mk 1:4,7-8; Lc 3:4,16; Jn 1:26-27.
5Kidika dakawi, Dawan Jisas ayangni kau was kalutuh'kalalahna; 6dawak Pal yaklauwi witingna minitna yakat tingni dulauwakat, witingna minitna yakat bik Spirit Holi kidika kiuna, dawak tuni satuk bik yuyulna, dawak prapit yulni bik yuyulna. 7Kidika balna laih bitikkat ahal 12 dai.
8Waiku bās, Pal witing sumamalwa ūni yakat wātna dai, kidika yakat sumalna dai yamaduwas, yulbauwādai, dawak muih balna yakat kulninna laihnin yamwādai Papang kingni lani kidika sumalwi. 9Kaunah muih balna laih tapanina dadasni bahang dakakawasdai, kaunah muih balna muhnina yakat dutni yuyulwādai, Ta Wisamni kidika yulni. Kaput dawak Pal witing dawi kalahna, dawak kulyang balna kidika Tirano skulni ūni yakat duwi kiuna. Kidika yakat laih ma bitik yakat sumalwādai, 10dawak kaput manah kurih sumalna, kaput laih Asia sauni kau yalalahwa balna kidika, ju balna dawak ju awas balna kidika bik, Dawan yulni kidika dakana atnin. 11Dawak Papang yaklauwi Pal munah di taldas dini balna kidika yamwādai, 12kidika bahang, asna balna Pal laihwa kidika balna duwi siknis balna yakat duwi uina dai, bahang kidika kau sikninanis kaupak yamni kalalahwādai, dawak spirit dutni balna kidika witingna kaupak kalalahwādai.
13Ju balna bik tapas yakat spirit dutni balna kidika muih muihnina kaupak kangwi yayakwa kidika, witingna bik, Dawan Jisas ayangni kidika yusyamnin kukulna; kaput bahang spirit yakat diyuyulwādai: “¡Jisas ayangni, Pal sumalwa kidika kau yultayangna alahwanauh!”
14Ju as ayangni Esceva, witing laih sumalyang balna taninatuna dai, bahang witing walanibis ahal tiaskaubu duwadai kidika kaput yayamwadai. 15Kaunah ma as kat spirit dutni kidika yaklauwi nangnitlana: “Jisas kidika amangnilatayang, dawak bik Pal kidika bik; kaunah manna laih, ¿waismanah?”
16Kidika minitni yakat, spirit dutni duwa muihni dai kidika niningna yakat kiuna, dawak parasni nuhni kau bitik minitna bayakna, kasak dalani diana, bahang wahdis dawak muihnina yakat didakna dai, bahang kaput kalahwi kikirana, kidika ūni kaupak. 17Efeso yakat, ju balna, dawak ju balna awas kidika bitik laih kidika yulni dakakana, dawak yamaduduna. Kaput laih Dawan Jisas ayangni kidika barakwādai.
18Dawak muih manas bik kulyang kalalahwa kidika, muhnilau kau ais yayamna balna kidika bitik muih muhnina yakat yuyulna, 19dawak sukyah warkni yayamna muihni balna kidika wauhninataya balna bik duwi uina, dawak muih balna muhnina yakat uduhwi bubusna. Kidika wauhnitaya minit kidika kulwi tatalwak, bitik kat lalah tausin manah 50 kapātdai. 20Kaput laih Dawan yulni kidika baisa muih balna yakat kiuna, dawak bik parasni kidika niningnakana.
21Adika kalahna usnit kat, Pal witing kulna Macedonia yakat kiunin dawak Acaya yakat bik, dawak ban tanit yakat kiunin Jerusalén kat. Dawak bik yulna dai Jerusalén yakat kiwarang kat, Roman yakat bik kiwarang ki. 22Kaput laih Macedonia yakat sihna tingnisut laihyang bu dau kidika balna, Timoti dawak Erasto karak, dawak witing laih baisa apis watnin Asia yakat.
Efesus yakat kiri yaklalauna
23Kidika mani balna, Efesus yakat, muih balna kidika kiri yaklalauna dai, Ta Wisamni kidika yulni, 24kidika laih Demetrio yaklauwi yamna dai, witing laih lalah kau di yamyang dai. Kidika alni laih lalah binina wayani yamwādai, kidika laih dawan yal dauh as Artemisa#19.24 Artemisa. Ayangni ūk laih Diana, kaunah satukki, wayani dawak kulnin lani kalanin kidika, Diana, grik balna di iyang duduwa dai kidika. kidika prinias ūni, bahang lalah manas yamwadai witing karak wark kalalahwa muihni balna kidika. 25Kidika balna uduhna, dawak muih ūk balna sihm kidika warkni kapatnah kalalahwa balna kidika karak uduhwi diyulna: “Manna amanglatamana, mayang yamni atnin kidika laih adika warkni kaupak yamni mayang. 26Kaunah manna talamana, dawak bik dakamana, Pal yulwalikki, dawan dauh balna muih al yamna kidika laih dawan awaski; kaput laih muih manas kulninna laihna, Efesus akat manah awaski, kaunah Asia sauni bitik yakat kaput yamna. 27Kidika laih yamadangni ki, kat mayang mawarkki adika laih dauh kalnin sipki, dawan dauh Artemisa prinias ūni ayangni nuhni kulna kidika sau yakat bukwarang, dawak bik, dauh kulnin sipki kidika dawan yal kau minitna yuyulwa kidika, Asia sauni yakat dawak sau bitik witing yakat minitna yuyulwa kidika.”
28Kidika dakawi, kulninna daukakalna, dawak sararahna: “¡Artemisa sangka karang Efesus akat!”
29Tawan nuhni kidika bitik, pini amanglalawasdai. Gayo dawak Aristarco minitna yakat uina, Macedonia muihni balna bu Pal karakdai kidika, laihwi murwi duwi uina yakikisda ūni nuhni yakat. 30Pal witing kidika yakat kanin kulna, muih balna yakat yuldibaunin, kaunah kulyang balna yaklauwi dadawasdai. 31Lā muihni balna Asia kaupak dai kidika pasyakat, Pal karak kaltalyang yamni balna kidika bik bangdai, bahang kalyuyulna, witing sip awaski kidika pasyakat kanin. 32Kidika kaluduhna pasyakat, buas sararahwi yuyulna kulnin lani as, dawak ūk balna kidika satuk yuyulna, kat muih balna kidika pini manah kakalna, muih mahni kauh aslah kalalahna kidika amanglalawasdai ais yulni aslah kalalahnapa. 33Kaunah muih as as laih Alejandro yakat kidika yulni kalyuyulna, wais yaklauwi ju balna niningna yakat aput yayamna kidika. Alejandro, tingni dulauna ap danin yulni, ju balna ilpnina yulnin tawan muhni yakat. 34Kaunah witingna tatalwak witing palni kidika ju bahang, awar bu kapat sararahwi yuyulna: “¡Artemisa sangka kawang Efesus akat!”
35Kidika tawanni nuhni yakat ulyang muihni kidika yaklauwi diyulwak ap dadawak yulna: “Efesus muihni balna, muih bitik amanglalawi adika tawanni nuhni tingni yakat ki, dawan yal Artemisa kau makatyulnin ūni kidika maintalnin kidika, dawak witing wayani kidik makau kisang kaupak kaiwi bukna kidika.#19.35 Kidika kulnin kalalawa kidika bahang kukulwa dai dawan dauh wayani Efesus yakat duduwadai kidika laih makaupak kipala kaiwi bukwak kidika kau yayamna kukulwadai. 36Muih as bik kidika kulwas atnin sip-awas bahang, manna ismangna aitanauh, yamni kulta talas laih yayamwinih. 37Adika alni balna duainamana adika, witingna makatyulnin ūni kidika yakat dutni yayamwas ki, dawak bik dawan yak niningyakat dutni bik yuyulwas ki. 38Demetrio dawak, witing karak wark kalalahwa balna kidika muih as kau niningyakat yaklalauwakat, kidika yakat wihta bangki; kaput laih lā muihni balna muhnina yakat uiwi yuyulwang, witingna rahmnina kidika yuyulwang. 39Dawak manna di ūk yultamana laih, kaluduhna yamni as kau yulwi talnin karang. 40Warmani kalahwada adika laih yamadangni ki maiyulnin, mayang yamdak muih balna adika pini kiri yaklalauna, kat kaput palni yamnin dini laih diski, bahang maiyulwi dakakawarang kat muih balna pini kiri yaklalauwa adika.” 41Kidika diyulwi dawi, sihmukwak uina mahka.
Currently Selected:
Apastil Balna Warknina 19: SUMU
Highlight
Copy
Compare
Share
Want to have your highlights saved across all your devices? Sign up or sign in
Biblia Sumo
Texto © Sociedad Bíblica de Nicaragua 1998
Apastil Balna Warknina 19
19
Pal Efeso yakat
1Apolos kidika Corinto yakat sakkat, Pal kidika asangpas munah bayakwi kiuna Efeso yakat, bahang witing kulyang balna manas kalpakna. 2Diyulwi dakana:
—¿Manna kulyang alahwanamana kat Spirit Holi kidika dunamanah?
Witingna yaklauwi nangnitlalana:
—Spirit Holi kidika yulni yuyulwak dakasyangna.
3Pal yaklauwi nangnitnalana:
—Kaput kat, ¿was manautuh'yayakna kidika amputyah?
Witingna yaklauwi nangnitlalana:
—Jan was utuh'yakna kidika.
4Pal yaklauwi diyulna:
—Papang yakat aiwa balna kidika Jan was utuh'yakwadai, kaunah diyulna dai, witing usnit yakat kaiwarang kidika yakat kulnin, yuldarang kat Jisas.#Mt 3:11; Mk 1:4,7-8; Lc 3:4,16; Jn 1:26-27.
5Kidika dakawi, Dawan Jisas ayangni kau was kalutuh'kalalahna; 6dawak Pal yaklauwi witingna minitna yakat tingni dulauwakat, witingna minitna yakat bik Spirit Holi kidika kiuna, dawak tuni satuk bik yuyulna, dawak prapit yulni bik yuyulna. 7Kidika balna laih bitikkat ahal 12 dai.
8Waiku bās, Pal witing sumamalwa ūni yakat wātna dai, kidika yakat sumalna dai yamaduwas, yulbauwādai, dawak muih balna yakat kulninna laihnin yamwādai Papang kingni lani kidika sumalwi. 9Kaunah muih balna laih tapanina dadasni bahang dakakawasdai, kaunah muih balna muhnina yakat dutni yuyulwādai, Ta Wisamni kidika yulni. Kaput dawak Pal witing dawi kalahna, dawak kulyang balna kidika Tirano skulni ūni yakat duwi kiuna. Kidika yakat laih ma bitik yakat sumalwādai, 10dawak kaput manah kurih sumalna, kaput laih Asia sauni kau yalalahwa balna kidika, ju balna dawak ju awas balna kidika bik, Dawan yulni kidika dakana atnin. 11Dawak Papang yaklauwi Pal munah di taldas dini balna kidika yamwādai, 12kidika bahang, asna balna Pal laihwa kidika balna duwi siknis balna yakat duwi uina dai, bahang kidika kau sikninanis kaupak yamni kalalahwādai, dawak spirit dutni balna kidika witingna kaupak kalalahwādai.
13Ju balna bik tapas yakat spirit dutni balna kidika muih muihnina kaupak kangwi yayakwa kidika, witingna bik, Dawan Jisas ayangni kidika yusyamnin kukulna; kaput bahang spirit yakat diyuyulwādai: “¡Jisas ayangni, Pal sumalwa kidika kau yultayangna alahwanauh!”
14Ju as ayangni Esceva, witing laih sumalyang balna taninatuna dai, bahang witing walanibis ahal tiaskaubu duwadai kidika kaput yayamwadai. 15Kaunah ma as kat spirit dutni kidika yaklauwi nangnitlana: “Jisas kidika amangnilatayang, dawak bik Pal kidika bik; kaunah manna laih, ¿waismanah?”
16Kidika minitni yakat, spirit dutni duwa muihni dai kidika niningna yakat kiuna, dawak parasni nuhni kau bitik minitna bayakna, kasak dalani diana, bahang wahdis dawak muihnina yakat didakna dai, bahang kaput kalahwi kikirana, kidika ūni kaupak. 17Efeso yakat, ju balna, dawak ju balna awas kidika bitik laih kidika yulni dakakana, dawak yamaduduna. Kaput laih Dawan Jisas ayangni kidika barakwādai.
18Dawak muih manas bik kulyang kalalahwa kidika, muhnilau kau ais yayamna balna kidika bitik muih muhnina yakat yuyulna, 19dawak sukyah warkni yayamna muihni balna kidika wauhninataya balna bik duwi uina, dawak muih balna muhnina yakat uduhwi bubusna. Kidika wauhnitaya minit kidika kulwi tatalwak, bitik kat lalah tausin manah 50 kapātdai. 20Kaput laih Dawan yulni kidika baisa muih balna yakat kiuna, dawak bik parasni kidika niningnakana.
21Adika kalahna usnit kat, Pal witing kulna Macedonia yakat kiunin dawak Acaya yakat bik, dawak ban tanit yakat kiunin Jerusalén kat. Dawak bik yulna dai Jerusalén yakat kiwarang kat, Roman yakat bik kiwarang ki. 22Kaput laih Macedonia yakat sihna tingnisut laihyang bu dau kidika balna, Timoti dawak Erasto karak, dawak witing laih baisa apis watnin Asia yakat.
Efesus yakat kiri yaklalauna
23Kidika mani balna, Efesus yakat, muih balna kidika kiri yaklalauna dai, Ta Wisamni kidika yulni, 24kidika laih Demetrio yaklauwi yamna dai, witing laih lalah kau di yamyang dai. Kidika alni laih lalah binina wayani yamwādai, kidika laih dawan yal dauh as Artemisa#19.24 Artemisa. Ayangni ūk laih Diana, kaunah satukki, wayani dawak kulnin lani kalanin kidika, Diana, grik balna di iyang duduwa dai kidika. kidika prinias ūni, bahang lalah manas yamwadai witing karak wark kalalahwa muihni balna kidika. 25Kidika balna uduhna, dawak muih ūk balna sihm kidika warkni kapatnah kalalahwa balna kidika karak uduhwi diyulna: “Manna amanglatamana, mayang yamni atnin kidika laih adika warkni kaupak yamni mayang. 26Kaunah manna talamana, dawak bik dakamana, Pal yulwalikki, dawan dauh balna muih al yamna kidika laih dawan awaski; kaput laih muih manas kulninna laihna, Efesus akat manah awaski, kaunah Asia sauni bitik yakat kaput yamna. 27Kidika laih yamadangni ki, kat mayang mawarkki adika laih dauh kalnin sipki, dawan dauh Artemisa prinias ūni ayangni nuhni kulna kidika sau yakat bukwarang, dawak bik, dauh kulnin sipki kidika dawan yal kau minitna yuyulwa kidika, Asia sauni yakat dawak sau bitik witing yakat minitna yuyulwa kidika.”
28Kidika dakawi, kulninna daukakalna, dawak sararahna: “¡Artemisa sangka karang Efesus akat!”
29Tawan nuhni kidika bitik, pini amanglalawasdai. Gayo dawak Aristarco minitna yakat uina, Macedonia muihni balna bu Pal karakdai kidika, laihwi murwi duwi uina yakikisda ūni nuhni yakat. 30Pal witing kidika yakat kanin kulna, muih balna yakat yuldibaunin, kaunah kulyang balna yaklauwi dadawasdai. 31Lā muihni balna Asia kaupak dai kidika pasyakat, Pal karak kaltalyang yamni balna kidika bik bangdai, bahang kalyuyulna, witing sip awaski kidika pasyakat kanin. 32Kidika kaluduhna pasyakat, buas sararahwi yuyulna kulnin lani as, dawak ūk balna kidika satuk yuyulna, kat muih balna kidika pini manah kakalna, muih mahni kauh aslah kalalahna kidika amanglalawasdai ais yulni aslah kalalahnapa. 33Kaunah muih as as laih Alejandro yakat kidika yulni kalyuyulna, wais yaklauwi ju balna niningna yakat aput yayamna kidika. Alejandro, tingni dulauna ap danin yulni, ju balna ilpnina yulnin tawan muhni yakat. 34Kaunah witingna tatalwak witing palni kidika ju bahang, awar bu kapat sararahwi yuyulna: “¡Artemisa sangka kawang Efesus akat!”
35Kidika tawanni nuhni yakat ulyang muihni kidika yaklauwi diyulwak ap dadawak yulna: “Efesus muihni balna, muih bitik amanglalawi adika tawanni nuhni tingni yakat ki, dawan yal Artemisa kau makatyulnin ūni kidika maintalnin kidika, dawak witing wayani kidik makau kisang kaupak kaiwi bukna kidika.#19.35 Kidika kulnin kalalawa kidika bahang kukulwa dai dawan dauh wayani Efesus yakat duduwadai kidika laih makaupak kipala kaiwi bukwak kidika kau yayamna kukulwadai. 36Muih as bik kidika kulwas atnin sip-awas bahang, manna ismangna aitanauh, yamni kulta talas laih yayamwinih. 37Adika alni balna duainamana adika, witingna makatyulnin ūni kidika yakat dutni yayamwas ki, dawak bik dawan yak niningyakat dutni bik yuyulwas ki. 38Demetrio dawak, witing karak wark kalalahwa balna kidika muih as kau niningyakat yaklalauwakat, kidika yakat wihta bangki; kaput laih lā muihni balna muhnina yakat uiwi yuyulwang, witingna rahmnina kidika yuyulwang. 39Dawak manna di ūk yultamana laih, kaluduhna yamni as kau yulwi talnin karang. 40Warmani kalahwada adika laih yamadangni ki maiyulnin, mayang yamdak muih balna adika pini kiri yaklalauna, kat kaput palni yamnin dini laih diski, bahang maiyulwi dakakawarang kat muih balna pini kiri yaklalauwa adika.” 41Kidika diyulwi dawi, sihmukwak uina mahka.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Biblia Sumo
Texto © Sociedad Bíblica de Nicaragua 1998