Apastil Balna Warknina 16
16
Timoti kidika kalpakwi kiunaPal dawak Sailas karak
1Pal witing kiwi kana Derbe dawak Listra yakat bik, bahang kidika yakat kulyang alni as kalpakna, ayangni laih Timoti, witingna nanangni laih ju yal as dai, kulyang muihni, dawak papangni laih grik dai. 2Dawak wirah balna Listra dawak Iconio kau balna kidika bitik laih Timoti ayangni kidika yamni yuyulwādai. 3Pal dukih kalana Timoti kidika witing karak kiwarang, kaunah kiwas tanitkauh pakwak Papang sainni duna, kaput laih ju balna kidika kulninna daukalnin awas yulni, kidik pāni yakat yalalahwa balna kidika, kat witingna bitik amanglalawadai, Timoti papangni laih grik dai kidika. 4Tawan balna bayakwa kidika bitik yakat, apostel balna dawak muihbararak balna Jerusalén sutsni kaupak la ahana kidika diyuyulna. 5Kaput laih suts balna kasak kukulwa kidika parasni yayamna, dawak kulyang balna kidika ma payahwa yakauna baisa mahni kalna.
Pal yakat amana kapat kau niningkana
6Spirit Holi yaklauwi kalawasdai bahang Asia yakat Dawan yulni sumalna atnin, Frigia dawak Galacia sauni yakat bayakwi uina, 7dawak Misia sauni kiwi watwa yakat uina. Kidika munah Bitinia yakat kanin kukulna, kaunah Jisas Spiritni kidika didawasdai kiuna atnin. 8Kaput bahang, Misia kaupak naikau bayayakna, dawak Troas wasnita yakat yaklakwi uina. 9Kidika yakat Pal amana kapat as talna pukta; talna Macedonia sauni yakat al as sakdai yaklauna, bahang Pal kalni dinit yakat bukwi yulna: “Macedonia akat aiwa ilp yanatah.” 10Pal kidika talna kat, ridi kalalahna mahka kiuna atnin, rahm palni laih Papang maiyulna yakat kiuna atnin ki, yul yamni kidika sumalnin.
Filipos yakat sumalna
11Kaput laih kuring kau āwik Troas yakat yawanayangna, bahang barangni yawanayangna Samotracia kalangnisah yakat, dawak payahwak Neápolis yakat yawik āwanayangna. 12Kidika kaupak Filipos yakat yawanayangna, kidika laih Roman tawanni as ki, dawak bik Macedonia sauni yakat tawan as nuhni kalkulna ki. Kidika yakat ma as as watnayangna dai. 13Urupnin mani#16.13 Urupnin mani: kidika laih satadi mani. kat yangna tawan nuhni kidika kaupak ahni yakat alahwanayangna, waskung yakat, kulnayangna laih ju balna minitnayuyulwa pāni as yaktanaki. Dawak yalahtik Dawan yulni sumalnayangna, yayal kaluduhna balna dai yakat. 14Yal as ayangni Lidia; witing laih Tiatira tawanni nuhni kaupak dai, bahang witing laih asna paisawa balna kidika wauhwi bakanwādai. Kidika yalni, Papang yakat minityulwādai, bahang dakawasakdai, kaput bik laih Dawan yaklauwi kalyamwak Pal yulwa yakat yamni palni dakawasakdai. 15Was kalutuh'yakna, witing walanibis balna bitik libitwi, kidika usnit kat kalnina dinit yakat bukwi yulna:
—Manna rahm kultamana kat, yang adika Dawan yakat kulyang yang, kaput kat ūki akat aiwa -awanauh.
Dawak witing yangna akat yanataihwi kapat yamna, watnikna.
16Ma as kat di as kalahna, makatyulnin pāni yakat yawiningkat, kalpaknayangna siraubin as sakdai, witing laih di malnikau balna lāih yakwi yulnin spirit duwādai. Kaput laih, di malnikau balna kidika lāih yakwi diyulwak muih balna yakat, lalah manas diawadai daniwan balna kidika. 17Siraubin adika Pal dawak yangna akat bik uskitna uina, sarahwinah:
—¡Adika alni balna laih Papang makau sakkidika dini yamyang balna, manayuyulwa kidika, laihwi yaknin tani!
18Ma manas laih witing kaput yamna dai, bahang Pal, witing yamni kaldakawasdai, bahang wiryaklawi kidika spiritni siraubin muihni yakat duwa kidika yakat kalyulna:
—Jisaskrais ayangni kau mayultayang, witing kaupak data alahwah.
Kidika minitni spirit kidika mahka dawi kalahna.
19Daniwan balna kidika tatalwak kidika siraubin kaupak watwi lalah as yaknin sip-awas kat, Pal dawak Sailas karak laihwi duwi uina la muihni balna muhnina yakat, muih kalududuhwa pāni yakat. 20Wihta balna yakat duwi uiwi yuyulna:
—Adika ju balna laih matawanki nuhni akat muih kulninna kidika pini manah yamwabangki, 21sumamalwa kidika sip mayang yamdaski, kat mayang laih Roma muihni mayang bahang.
22Kaput laih muih balna kidika yaklalauna witingna niningna yakat, dawak wihta balna yaklauwi papakna praknina yakwi dawi pan kau wisnin. 23Kasak wiwisna usnitkat, silak ahana, dawak silak ūni maintalyang balna yakat papakna yamni maintalnin. 24Kidika dipapakna usnit kat, silak ūni maintalyang kidika yaklauwi baisa pasyakau āmukna, dawi kalnina yakat pan sulihni yakat ahana.
25Dawak pukpapus kat Pal dawak Sailas karak minitna yulwi, dawak bik lawana unbabauna Papang yakat, dawak silak muihni ūk balna kidika dakawa bangdai, 26sirihni kaupak sau parasni yukna, dawak silak ūni rahni balna kidika bik isihna. Kidika minitni yakat silak ūni dūrni balna kidika apahna, kaput bik laih silak muihni balna tingnina kau sīn sitna dai kidika bik uluhna, bitik kau. 27Silak ūni maintalyang kidika sahmuhwakat, dūr balna kidika bitik apahni bangdai, dawak isniparah yakwi kalinin yamna, witing kulna kidika laih, silak muihni balna kidika bitik kalahwi kikirana. 28Kaunah Pal sarahwi kalyulna:
—¡Man muihma kidika daukalwinih, yangna bitik bangyangna akat!
29Kaput laih silak ūni maintalyang kidika awas as yulwak kalalana, dawak kiri kakiuna, yamaduwak kalyukna, dawak Pal, Sailas kidika balna kalnina yakat kiwi bukna. 30Kidika usnit kat yakwi dawi, diyulwi dakana:
—Dawan balna, ¿ais yamtik kallaihtik yakkiyah?
31Witingna yaklauwi nangnitlalana:
—Dawan Jisas yakat kultah, laihwi yaknin kidika duma, dawak man walamabis balna bitik.
32Dawak witing yakat Dawan yulni kidika sumamalna, dawak ūni yakat muih bangkidika balna bitik yakat bik. 33Sihm kidika puknita yakat, silak ūni maintalyang kidika yaklauwi suhwi diana dai, muihnina dakna kidika, kaput laih witing dawak walanibis balna bitik was utuh'yakna dai. 34Kidika usnitkat ūni yakat dukiwi di bayahna, witing, dawak walanibis balna bitik laih isningnalak dai Papang yakat kukulna kidika yulni.
35Mapiris, wihta balna yaklauwi guardia sisihna silak ūni maintalyang yakat kalyuyulwak Pal dawak Sailas karak uluhmuknin. 36Silak ūni maintalyang yaklauwi Pal yakat kalyulna:
—Wihta balna yaklauwi yapapakna manauluhnik; kaput bahang sipki yawanamna ismangnalak ki.
37Kaunah Pal yaklauwi guardia balna yakat diyulna:
—Yangna, Roman yangna bik, yanawiwisna muih bitik muhnina yakat, baisa lakina yayamwas tanitkauh, dawak silak yakat bik yana-ahana; ¿dawak waralaih malnikau yanauluhnin yayamwih? ¡Kaput laih awaski! Witingna palni aiwi yanayayakwang.
38Guardia balna yaklauwi wihta balna yakat diyuyulna, wihta balna kidika dakawi muihsakdadauna, kat Roma muihni mayang atwa bahang. 39Kaput laih wihta balna kidika uiwi yakwi dawi, Pal dawak Sailas kidika balna yakat diyuyulna, pātnina dadawak disna atnin, dawak yakmumukna dai dawak kalnina dinit bubukna dai tawan nunuhni balna kaupak kalahna atninna. 40Pal dawak Sailas karak silak kaupak kalahwi uina Lidia ūni yakat, dawak wirah balna yakat kulninna dulauwi dawi mahka uina kidika kaupak.
Currently Selected:
Apastil Balna Warknina 16: SUMU
Highlight
Copy
Compare
Share
Want to have your highlights saved across all your devices? Sign up or sign in
Biblia Sumo
Texto © Sociedad Bíblica de Nicaragua 1998
Apastil Balna Warknina 16
16
Timoti kidika kalpakwi kiunaPal dawak Sailas karak
1Pal witing kiwi kana Derbe dawak Listra yakat bik, bahang kidika yakat kulyang alni as kalpakna, ayangni laih Timoti, witingna nanangni laih ju yal as dai, kulyang muihni, dawak papangni laih grik dai. 2Dawak wirah balna Listra dawak Iconio kau balna kidika bitik laih Timoti ayangni kidika yamni yuyulwādai. 3Pal dukih kalana Timoti kidika witing karak kiwarang, kaunah kiwas tanitkauh pakwak Papang sainni duna, kaput laih ju balna kidika kulninna daukalnin awas yulni, kidik pāni yakat yalalahwa balna kidika, kat witingna bitik amanglalawadai, Timoti papangni laih grik dai kidika. 4Tawan balna bayakwa kidika bitik yakat, apostel balna dawak muihbararak balna Jerusalén sutsni kaupak la ahana kidika diyuyulna. 5Kaput laih suts balna kasak kukulwa kidika parasni yayamna, dawak kulyang balna kidika ma payahwa yakauna baisa mahni kalna.
Pal yakat amana kapat kau niningkana
6Spirit Holi yaklauwi kalawasdai bahang Asia yakat Dawan yulni sumalna atnin, Frigia dawak Galacia sauni yakat bayakwi uina, 7dawak Misia sauni kiwi watwa yakat uina. Kidika munah Bitinia yakat kanin kukulna, kaunah Jisas Spiritni kidika didawasdai kiuna atnin. 8Kaput bahang, Misia kaupak naikau bayayakna, dawak Troas wasnita yakat yaklakwi uina. 9Kidika yakat Pal amana kapat as talna pukta; talna Macedonia sauni yakat al as sakdai yaklauna, bahang Pal kalni dinit yakat bukwi yulna: “Macedonia akat aiwa ilp yanatah.” 10Pal kidika talna kat, ridi kalalahna mahka kiuna atnin, rahm palni laih Papang maiyulna yakat kiuna atnin ki, yul yamni kidika sumalnin.
Filipos yakat sumalna
11Kaput laih kuring kau āwik Troas yakat yawanayangna, bahang barangni yawanayangna Samotracia kalangnisah yakat, dawak payahwak Neápolis yakat yawik āwanayangna. 12Kidika kaupak Filipos yakat yawanayangna, kidika laih Roman tawanni as ki, dawak bik Macedonia sauni yakat tawan as nuhni kalkulna ki. Kidika yakat ma as as watnayangna dai. 13Urupnin mani#16.13 Urupnin mani: kidika laih satadi mani. kat yangna tawan nuhni kidika kaupak ahni yakat alahwanayangna, waskung yakat, kulnayangna laih ju balna minitnayuyulwa pāni as yaktanaki. Dawak yalahtik Dawan yulni sumalnayangna, yayal kaluduhna balna dai yakat. 14Yal as ayangni Lidia; witing laih Tiatira tawanni nuhni kaupak dai, bahang witing laih asna paisawa balna kidika wauhwi bakanwādai. Kidika yalni, Papang yakat minityulwādai, bahang dakawasakdai, kaput bik laih Dawan yaklauwi kalyamwak Pal yulwa yakat yamni palni dakawasakdai. 15Was kalutuh'yakna, witing walanibis balna bitik libitwi, kidika usnit kat kalnina dinit yakat bukwi yulna:
—Manna rahm kultamana kat, yang adika Dawan yakat kulyang yang, kaput kat ūki akat aiwa -awanauh.
Dawak witing yangna akat yanataihwi kapat yamna, watnikna.
16Ma as kat di as kalahna, makatyulnin pāni yakat yawiningkat, kalpaknayangna siraubin as sakdai, witing laih di malnikau balna lāih yakwi yulnin spirit duwādai. Kaput laih, di malnikau balna kidika lāih yakwi diyulwak muih balna yakat, lalah manas diawadai daniwan balna kidika. 17Siraubin adika Pal dawak yangna akat bik uskitna uina, sarahwinah:
—¡Adika alni balna laih Papang makau sakkidika dini yamyang balna, manayuyulwa kidika, laihwi yaknin tani!
18Ma manas laih witing kaput yamna dai, bahang Pal, witing yamni kaldakawasdai, bahang wiryaklawi kidika spiritni siraubin muihni yakat duwa kidika yakat kalyulna:
—Jisaskrais ayangni kau mayultayang, witing kaupak data alahwah.
Kidika minitni spirit kidika mahka dawi kalahna.
19Daniwan balna kidika tatalwak kidika siraubin kaupak watwi lalah as yaknin sip-awas kat, Pal dawak Sailas karak laihwi duwi uina la muihni balna muhnina yakat, muih kalududuhwa pāni yakat. 20Wihta balna yakat duwi uiwi yuyulna:
—Adika ju balna laih matawanki nuhni akat muih kulninna kidika pini manah yamwabangki, 21sumamalwa kidika sip mayang yamdaski, kat mayang laih Roma muihni mayang bahang.
22Kaput laih muih balna kidika yaklalauna witingna niningna yakat, dawak wihta balna yaklauwi papakna praknina yakwi dawi pan kau wisnin. 23Kasak wiwisna usnitkat, silak ahana, dawak silak ūni maintalyang balna yakat papakna yamni maintalnin. 24Kidika dipapakna usnit kat, silak ūni maintalyang kidika yaklauwi baisa pasyakau āmukna, dawi kalnina yakat pan sulihni yakat ahana.
25Dawak pukpapus kat Pal dawak Sailas karak minitna yulwi, dawak bik lawana unbabauna Papang yakat, dawak silak muihni ūk balna kidika dakawa bangdai, 26sirihni kaupak sau parasni yukna, dawak silak ūni rahni balna kidika bik isihna. Kidika minitni yakat silak ūni dūrni balna kidika apahna, kaput bik laih silak muihni balna tingnina kau sīn sitna dai kidika bik uluhna, bitik kau. 27Silak ūni maintalyang kidika sahmuhwakat, dūr balna kidika bitik apahni bangdai, dawak isniparah yakwi kalinin yamna, witing kulna kidika laih, silak muihni balna kidika bitik kalahwi kikirana. 28Kaunah Pal sarahwi kalyulna:
—¡Man muihma kidika daukalwinih, yangna bitik bangyangna akat!
29Kaput laih silak ūni maintalyang kidika awas as yulwak kalalana, dawak kiri kakiuna, yamaduwak kalyukna, dawak Pal, Sailas kidika balna kalnina yakat kiwi bukna. 30Kidika usnit kat yakwi dawi, diyulwi dakana:
—Dawan balna, ¿ais yamtik kallaihtik yakkiyah?
31Witingna yaklauwi nangnitlalana:
—Dawan Jisas yakat kultah, laihwi yaknin kidika duma, dawak man walamabis balna bitik.
32Dawak witing yakat Dawan yulni kidika sumamalna, dawak ūni yakat muih bangkidika balna bitik yakat bik. 33Sihm kidika puknita yakat, silak ūni maintalyang kidika yaklauwi suhwi diana dai, muihnina dakna kidika, kaput laih witing dawak walanibis balna bitik was utuh'yakna dai. 34Kidika usnitkat ūni yakat dukiwi di bayahna, witing, dawak walanibis balna bitik laih isningnalak dai Papang yakat kukulna kidika yulni.
35Mapiris, wihta balna yaklauwi guardia sisihna silak ūni maintalyang yakat kalyuyulwak Pal dawak Sailas karak uluhmuknin. 36Silak ūni maintalyang yaklauwi Pal yakat kalyulna:
—Wihta balna yaklauwi yapapakna manauluhnik; kaput bahang sipki yawanamna ismangnalak ki.
37Kaunah Pal yaklauwi guardia balna yakat diyulna:
—Yangna, Roman yangna bik, yanawiwisna muih bitik muhnina yakat, baisa lakina yayamwas tanitkauh, dawak silak yakat bik yana-ahana; ¿dawak waralaih malnikau yanauluhnin yayamwih? ¡Kaput laih awaski! Witingna palni aiwi yanayayakwang.
38Guardia balna yaklauwi wihta balna yakat diyuyulna, wihta balna kidika dakawi muihsakdadauna, kat Roma muihni mayang atwa bahang. 39Kaput laih wihta balna kidika uiwi yakwi dawi, Pal dawak Sailas kidika balna yakat diyuyulna, pātnina dadawak disna atnin, dawak yakmumukna dai dawak kalnina dinit bubukna dai tawan nunuhni balna kaupak kalahna atninna. 40Pal dawak Sailas karak silak kaupak kalahwi uina Lidia ūni yakat, dawak wirah balna yakat kulninna dulauwi dawi mahka uina kidika kaupak.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Biblia Sumo
Texto © Sociedad Bíblica de Nicaragua 1998