Apastil Balna Warknina 15
15
Jerusalén yakat kalududuhna
1Kidika mani balna yakat, Judea kaupak Antioquía yakat uiwi sumamalna kulyang balna yakat, witingna sip laihwi yaknin kidika duduwas karang, Papang sainni kidika duduwaskat, Moses yaklauwi pakwak yayamwadai kaput.#Lv 12:3. 2Pal, Bernabé dawak kidika muihni balna karak parasni kalbibilna, witni kat, Bernabé dawak ūk balna karak yayakna Jerusalén yakat uiwi adika yulni apostel dawak muihbararak balna karak yulbauwi talnin, kidika tawanni nuhni sutsni yakat.
3Antioquía sutsni yaklauwi disihna, bahang witingna laih Fenicia dawak Samaria munah bayakwi diyuyulna, amput ju awas balna kidika muhnilau kulninna dai kidika dawi Papang usnit uhuiwa kidika. Kulyang balna kidika kasak alasna kalalahna adika yulni dakakawi.
4Pal dawak Bernabé karak uiwi kakana Jerusalén yakat, dawak kidika sutsni balna yamni diduduna, apostel dawak muihbararak balna bik, dawak witingna yuyulna Papang yaklauwi ais yamna kidika witingna yakat. 5Kaunah parisi muihni balna buas kulyang kakalna dai kidika balna dai kidika, yaklauwi yuyulna:
—Kulyang balna ju awas kidika laih Papang sainni dunin ki, kaput laih pakwak Moses lani kat yamnin.
6Kalududuhna apostel balna dawak muihbararak balna karak, adika yulni laihwi talna atnin. 7Wat yulbauwi tatalna usnit kat, Pita yaklauwi dawi, diyulna:
—Wirah balna, manna amanglatamana, ma mahni kiwi Papang yawalwi yakna manna pasmangna kaupak, witing yulni kidika sumalna atnin ju awas balna yakat, kaput laih witingna bik kulna atnin.#Ap.w 10:1-43. 8Dawak, Papang laih muih kulninna talwa bahang, niningnakana witingna kidika bik diduwa bahang Spirit Holi kidika witingna yakat diana,#Ap.w 10:44. mayang kau mayana kapat.#Ap.w 2:4. 9Papang yaklauwi satuk yamwas ki, mayang dawak witingna karak, witingna kulninna kidika maisihnidis yamna, kasak kukulwa kidika munah. 10Waralaih, ¿ais yamta Papang trainitalamanah, kulyang muihni balna minitna yakat tikini iltamana kidika, mayang dawak mamuihki bararak balna bik sip yayamwasdai kidika? 11Nawatkauh laih, mayang kuldi, minitdis palni mailaihwi yakna, Dawan Jisas minikun talnin duwa kidika kau, bahang witingna bik sihm kaput ki.
12Bitik ap dawi dakakana Bernabé dawi Pal karak yuyulwak amput Papang sain balna yamna dai kidika witingna munah, ju balna awas pasyakat. 13Yulwi dahn dadawak, Jims yulna:
—Wirah balna yadakanauh: 14Saiman maiyulwada, amput Papang yaklauwi yamni diyamna kidika ju balna awas yakat, dawak witingna pasyakat tawan as yakna witing dini. 15Prapit balna uhulna yakat kaiwi kalahwi, ulna yakat aput yulwa kidika:
16‘Kidika usnitkat aiwaki
Devid ūni labanni bukkiuna kidika dulautik yamki;
bahwi uhna kidika laihtik yamki
dawak wattik laihtik dulauki,
17kaput laih muih ūk bik Dawan yakat walna atnin
nisan balna bitik karak aslah
yang diki yakna kidika ayangki kau.
18Dawan yaklauwi adika dini niningkana
sara mani kaupak,
witing yulni kidika dana.’#Am 9:11-12.
19“Kidika bahang yang kultayang, truknin dini awas kidika minitna yakat ilna atnin, Ju awas balna kidika, witingna kulninna umani kidik dawi Papang usnit uhuiwa kidika. 20Wauhtaya ulwi sihnin kamanah ki, kasnin dini dawan dauh kau kalalana kidika kaupak naikau kalahnin,#Ex 34:15-17. marid lani munah kalduduwas kidika,#Lv 18:6-23. dawak tinglau dinimak wirwi bahna dawak waskau kakiwi dauna kidika balna bik kasnin awas, dawak ā bik kasnin awas ki.#Lv 17:10-16. 21Kat sara mani kaupak, tawan balna bitik yakat Moses lani kidika sumamalna, dawak bik urupnin mani balna yakat yulwi tatalwi sumamalwa ūni yakat.
Ju awas balna yakat wauhtaya uhulna
22Apostel balna dawak muihbararak balna, suts bitik kalpakwi watwi yayakna muih as as Antioquía yakat sihna atnin, Pal dawak Bernabé balna karak libitwi. Judas kidika yayakna, ayangni ūk laih Barsabás kalatwadai, dawak Sailas, witing kidika laih kulyang balna pasyakat nuhni kalkukulna dai, 23Witingna karak adika wauhnitaya sisihna:
“Apostel balna yangna dawak muihbararak balna bik, yangna laih manna wirahmana balna yangna, bahang parasni manasihtayangna, Ju awasmana yakat, Antioquía, Siria dawak Cilicia yakat yalahtamana kidika. 24Amanglanayangna, muih as as akaupak uina, yangna lawik paktasyangna bik, bahang witingna manauhusna sumamalwa balna kidika karak, dawak bik amanglatas ta disnamana.#15.24 Tingkau ulna balna yakat yulwi: diyuyulna Papang sainni dunin ki, lā yakat yamnin ki. 25Kidika bahang, yangna bitik kulnikna aslah dutik muih yaknayangna, uiwi manatalna atnin, wirahkina dalani talayangna Pal dawak Bernabé karak kalpakwi, 26bahang witingna kuduh sangninaka kidika yamadangni yakat ahana, Dawan Jisaskrais yulni. 27Aput bahang sihdi Judas dawak Sailas bik: witingna yaklauwi lāih manayuyulwarang di bitik. 28Spirit Holi niningyakat dawak yangna nikingna yakat bik yamni talnayangna, manna mamatna yakat tikini ūk ilnin awas, adika dini yayamni balna kaupak di ūk: 29dawan dauh kau dimuihni kalalana balna kidika kakaswinih, ā, tinglau dinimak wir'bahna balna bik kakaswinih, kaput bik laih marid lani dutni kulna kidika yayamwinih. Adika dini balna yamtas awanama kat, manna laih yamni yamtanama. Parastanauh.”
30Kaput laih witingna kidika kalparaswi dadawak mahka Antioquía yakat uina, dawak muih balna kidika uduhwi wauhtaya kidika yakwi diayana. 31Wirah balna kidika yulwi tatalna kat alasna kalalahna, walaniānin yamni as diayawa kidika yulni. 32Judas dawak Sailas kidika balna bik prapit balna dai bahang, yulnina kau manas palni walanina ahana dai. 33Ma as as bayakwak, wirah balna kidika diparaswi dadawak mahka kalahwi uina kulninna aslah, nawatwi uina disisihna muihni balna yakat.#15.33 Tingkau ulna kidika minityakat lakwi S.d. 34 yakat: Kauna Silas laih watna dai. 35Kaunah Pal dawak Bernabé karak laih Antioquía yakat wawatna dai, muih ūk balna kidika karak, kaput laih Dawan yulni wisam kidika sumamalna.
Pal laih Bernabé kaupak dakwi kalahwi
36Ma as as bayakwak, pal yaklauwi Bernabé yakat kalyulna:
—Watdi mawi taldang wirah as balna yakat, tawan nunuhni bitik kau Dawan yulni sumalnamayang kidika balna yakat, ampat bangpa talnin.
37Bernabé laih Jan bik duwi kiunin kulna, ayangni ūk laih Mark kalatwadai kidika; 38kaunah Pal laih kulwasdai duwi kiunin, kat Mark kidika laih Panfilia yakat didamukna dai bahang,#Ap.w 13:13. dawak witingna karak wark yamwasdana dai kidika yulni. 39Parasni kalna dai, sip kulninna aslah kukulwas kidika, bahang kaldakwi kalalahna: Bernabé laih Mark kidika duwi kiuna Chipre yakat, kuring kau kawi, 40dawak Pal laih, Sailas kidika duwi kiuna, wirah balna yakat Dawan dalani lani duwa kidika diawi dawi, kidika kaupak kalahwi kiuna 41dawak Siria, Cilicia kidika pāni balna munah bayakwi kiuna, kidika sutsni balna yakat kulninna dulauwi dawi.
Currently Selected:
Apastil Balna Warknina 15: SUMU
Highlight
Copy
Compare
Share
Want to have your highlights saved across all your devices? Sign up or sign in
Biblia Sumo
Texto © Sociedad Bíblica de Nicaragua 1998
Apastil Balna Warknina 15
15
Jerusalén yakat kalududuhna
1Kidika mani balna yakat, Judea kaupak Antioquía yakat uiwi sumamalna kulyang balna yakat, witingna sip laihwi yaknin kidika duduwas karang, Papang sainni kidika duduwaskat, Moses yaklauwi pakwak yayamwadai kaput.#Lv 12:3. 2Pal, Bernabé dawak kidika muihni balna karak parasni kalbibilna, witni kat, Bernabé dawak ūk balna karak yayakna Jerusalén yakat uiwi adika yulni apostel dawak muihbararak balna karak yulbauwi talnin, kidika tawanni nuhni sutsni yakat.
3Antioquía sutsni yaklauwi disihna, bahang witingna laih Fenicia dawak Samaria munah bayakwi diyuyulna, amput ju awas balna kidika muhnilau kulninna dai kidika dawi Papang usnit uhuiwa kidika. Kulyang balna kidika kasak alasna kalalahna adika yulni dakakawi.
4Pal dawak Bernabé karak uiwi kakana Jerusalén yakat, dawak kidika sutsni balna yamni diduduna, apostel dawak muihbararak balna bik, dawak witingna yuyulna Papang yaklauwi ais yamna kidika witingna yakat. 5Kaunah parisi muihni balna buas kulyang kakalna dai kidika balna dai kidika, yaklauwi yuyulna:
—Kulyang balna ju awas kidika laih Papang sainni dunin ki, kaput laih pakwak Moses lani kat yamnin.
6Kalududuhna apostel balna dawak muihbararak balna karak, adika yulni laihwi talna atnin. 7Wat yulbauwi tatalna usnit kat, Pita yaklauwi dawi, diyulna:
—Wirah balna, manna amanglatamana, ma mahni kiwi Papang yawalwi yakna manna pasmangna kaupak, witing yulni kidika sumalna atnin ju awas balna yakat, kaput laih witingna bik kulna atnin.#Ap.w 10:1-43. 8Dawak, Papang laih muih kulninna talwa bahang, niningnakana witingna kidika bik diduwa bahang Spirit Holi kidika witingna yakat diana,#Ap.w 10:44. mayang kau mayana kapat.#Ap.w 2:4. 9Papang yaklauwi satuk yamwas ki, mayang dawak witingna karak, witingna kulninna kidika maisihnidis yamna, kasak kukulwa kidika munah. 10Waralaih, ¿ais yamta Papang trainitalamanah, kulyang muihni balna minitna yakat tikini iltamana kidika, mayang dawak mamuihki bararak balna bik sip yayamwasdai kidika? 11Nawatkauh laih, mayang kuldi, minitdis palni mailaihwi yakna, Dawan Jisas minikun talnin duwa kidika kau, bahang witingna bik sihm kaput ki.
12Bitik ap dawi dakakana Bernabé dawi Pal karak yuyulwak amput Papang sain balna yamna dai kidika witingna munah, ju balna awas pasyakat. 13Yulwi dahn dadawak, Jims yulna:
—Wirah balna yadakanauh: 14Saiman maiyulwada, amput Papang yaklauwi yamni diyamna kidika ju balna awas yakat, dawak witingna pasyakat tawan as yakna witing dini. 15Prapit balna uhulna yakat kaiwi kalahwi, ulna yakat aput yulwa kidika:
16‘Kidika usnitkat aiwaki
Devid ūni labanni bukkiuna kidika dulautik yamki;
bahwi uhna kidika laihtik yamki
dawak wattik laihtik dulauki,
17kaput laih muih ūk bik Dawan yakat walna atnin
nisan balna bitik karak aslah
yang diki yakna kidika ayangki kau.
18Dawan yaklauwi adika dini niningkana
sara mani kaupak,
witing yulni kidika dana.’#Am 9:11-12.
19“Kidika bahang yang kultayang, truknin dini awas kidika minitna yakat ilna atnin, Ju awas balna kidika, witingna kulninna umani kidik dawi Papang usnit uhuiwa kidika. 20Wauhtaya ulwi sihnin kamanah ki, kasnin dini dawan dauh kau kalalana kidika kaupak naikau kalahnin,#Ex 34:15-17. marid lani munah kalduduwas kidika,#Lv 18:6-23. dawak tinglau dinimak wirwi bahna dawak waskau kakiwi dauna kidika balna bik kasnin awas, dawak ā bik kasnin awas ki.#Lv 17:10-16. 21Kat sara mani kaupak, tawan balna bitik yakat Moses lani kidika sumamalna, dawak bik urupnin mani balna yakat yulwi tatalwi sumamalwa ūni yakat.
Ju awas balna yakat wauhtaya uhulna
22Apostel balna dawak muihbararak balna, suts bitik kalpakwi watwi yayakna muih as as Antioquía yakat sihna atnin, Pal dawak Bernabé balna karak libitwi. Judas kidika yayakna, ayangni ūk laih Barsabás kalatwadai, dawak Sailas, witing kidika laih kulyang balna pasyakat nuhni kalkukulna dai, 23Witingna karak adika wauhnitaya sisihna:
“Apostel balna yangna dawak muihbararak balna bik, yangna laih manna wirahmana balna yangna, bahang parasni manasihtayangna, Ju awasmana yakat, Antioquía, Siria dawak Cilicia yakat yalahtamana kidika. 24Amanglanayangna, muih as as akaupak uina, yangna lawik paktasyangna bik, bahang witingna manauhusna sumamalwa balna kidika karak, dawak bik amanglatas ta disnamana.#15.24 Tingkau ulna balna yakat yulwi: diyuyulna Papang sainni dunin ki, lā yakat yamnin ki. 25Kidika bahang, yangna bitik kulnikna aslah dutik muih yaknayangna, uiwi manatalna atnin, wirahkina dalani talayangna Pal dawak Bernabé karak kalpakwi, 26bahang witingna kuduh sangninaka kidika yamadangni yakat ahana, Dawan Jisaskrais yulni. 27Aput bahang sihdi Judas dawak Sailas bik: witingna yaklauwi lāih manayuyulwarang di bitik. 28Spirit Holi niningyakat dawak yangna nikingna yakat bik yamni talnayangna, manna mamatna yakat tikini ūk ilnin awas, adika dini yayamni balna kaupak di ūk: 29dawan dauh kau dimuihni kalalana balna kidika kakaswinih, ā, tinglau dinimak wir'bahna balna bik kakaswinih, kaput bik laih marid lani dutni kulna kidika yayamwinih. Adika dini balna yamtas awanama kat, manna laih yamni yamtanama. Parastanauh.”
30Kaput laih witingna kidika kalparaswi dadawak mahka Antioquía yakat uina, dawak muih balna kidika uduhwi wauhtaya kidika yakwi diayana. 31Wirah balna kidika yulwi tatalna kat alasna kalalahna, walaniānin yamni as diayawa kidika yulni. 32Judas dawak Sailas kidika balna bik prapit balna dai bahang, yulnina kau manas palni walanina ahana dai. 33Ma as as bayakwak, wirah balna kidika diparaswi dadawak mahka kalahwi uina kulninna aslah, nawatwi uina disisihna muihni balna yakat.#15.33 Tingkau ulna kidika minityakat lakwi S.d. 34 yakat: Kauna Silas laih watna dai. 35Kaunah Pal dawak Bernabé karak laih Antioquía yakat wawatna dai, muih ūk balna kidika karak, kaput laih Dawan yulni wisam kidika sumamalna.
Pal laih Bernabé kaupak dakwi kalahwi
36Ma as as bayakwak, pal yaklauwi Bernabé yakat kalyulna:
—Watdi mawi taldang wirah as balna yakat, tawan nunuhni bitik kau Dawan yulni sumalnamayang kidika balna yakat, ampat bangpa talnin.
37Bernabé laih Jan bik duwi kiunin kulna, ayangni ūk laih Mark kalatwadai kidika; 38kaunah Pal laih kulwasdai duwi kiunin, kat Mark kidika laih Panfilia yakat didamukna dai bahang,#Ap.w 13:13. dawak witingna karak wark yamwasdana dai kidika yulni. 39Parasni kalna dai, sip kulninna aslah kukulwas kidika, bahang kaldakwi kalalahna: Bernabé laih Mark kidika duwi kiuna Chipre yakat, kuring kau kawi, 40dawak Pal laih, Sailas kidika duwi kiuna, wirah balna yakat Dawan dalani lani duwa kidika diawi dawi, kidika kaupak kalahwi kiuna 41dawak Siria, Cilicia kidika pāni balna munah bayakwi kiuna, kidika sutsni balna yakat kulninna dulauwi dawi.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Biblia Sumo
Texto © Sociedad Bíblica de Nicaragua 1998