1 Timoti 3
3
Tunan duyang muihni balnaamput atninna kidika
1Adika laih rahm palni ki: muih as witing suts yakat tunan dunin kulwa muihni#3.1 Suts yakat tunan dunin kulwa muihni: Y.y. suts tanituna nuhni as. kidika laih, wark yamni dunin kulwi. 2Kidika bahang, angdika muihni adika warkni duwa kidika laih sip muih yakat bilwaski. Muih yal aslah maridni#3.2 Muih yal aslah maridni: wirlana ūk yakat laih aput yulwi: wat aslah marid kalahna kidika. atnin ki dawak sangnika as yamni dawak rispik lani karuk atnin ki. Ma balna bitik yakat witing agha atnin ki ūni kidika muih diawakat payahninna; sumalnin bik sip atnin ki; 3wasak diyang atnin awaski dawak kalbauyang atnin bik awaski, kaunah dalani lani, kulnin aslah lani dawak lalah kidika yakat bik kulwas atnin ki. 4Witing ūni kidika yamni tunan duna atnin ki dawak walanibis balna kidika bik yul kat dakaninna ki dawak di yayamwa balna kidika bik barangni atnin ki; 5kat muih as witing silp ūni kidika kat bik tunan duwi sip awas kat, ¿amput maintalwaranyah Papang sutsni kidika? 6Kaput bahang, tunan duyang muihni kidika laih wisam kulnin wirlana atnin awaski, witing manah kapat kaldakawi sitan bukna kidika pātni yakat buknin awas yulni. 7Kukulwas muihni balna pasyakat bik rispik kalyamninna ki, rispik dis lani yakat dawak sitan laihnin dini yakat bik bukwas atnin yulni.#Tit 1:6-9.
Suts dini yamyang balnaamput atninna kidika
8Kaput bik, suts dini yamyang balna kidika laih rispik ahalni atninna ki, alas yulwas dawak wasak bik diwas atninna ki dawak di malwi duninna bik awaski. 9Yul rahm manikingkana kat kulda kidika yakat kulninna ki, dawak kulninna bik maisihni dis yalahninna ki. 10Tatuna kidika laih wauhnin mani apis bayakninna ki, dawak usnit kat, witingna niningna kauh di as bik dis laih, suts dini yamyang atninna karangki. 11Sihm kaput bik, muih yayal balna kidika bik rispik lani, muih yulni yulwas atninna, pini karinin awas dawak di balna bitik yakat barangni atninna ki. 12Suts dini yamyang as kidika laih muih yal aslah maridni#3.12 Notas 3:2 yakat talah. atnin ki, dawak witing walanibis balna kidika dawak ūni kidika bik tunan duwi sip atnin ki. 13Kat suts dini yamyang balna witingna warknina balna yamni yayamwa kidika laih, rispik pāni as duduwi, dawak yamni kulna lani karuk witingna Jisas Krais yakat rahm kulnin lani duduwa kidika yuyulna karang.
Masutski yulni rahm manikingkana kidika
14Yang sirihni yawik matalnik kultayang; kaunah adika wauhnitaya maultayang 15sirihni yawas awaki kat, man amanglana atnam muih as kidika amput di balna yamnin kidika Papang walanibis balna pasyakat, kidika laih warmani kat Papang sutsni kidika ki, kidika yaklau di rahm yakat laihwi duwi dawak bik tanitdakwa kidika. 16Mayang rahm kuldi masutski yakat di rahm manikingkana kidika laih di as nuhni ki:
Krais laih sihm muih al kapat kalwi kalahna,
sihm spirit kapat kalwi minitbayakna#3.16 Spirit kapat kalwi minitbayakna: wirlana ūk yakat laih aput yulwi: Spirit munah la kat lāih kalahna.
dawak insal balna yaklauwi kaltatalna dai.
Nisan balna yakat diyuyulna dai,
sau akat rahm kalkukulna dai
dawak alasna yaksihni kidika duna dai.
Currently Selected:
1 Timoti 3: SUMU
Highlight
Share
Copy
Want to have your highlights saved across all your devices? Sign up or sign in
Biblia Sumo
Texto © Sociedad Bíblica de Nicaragua 1998