Ndando ya Tindando 8
8
1Oh! I ti ku wo va ndiyangu,
wule a nga mama tshumbu ya mame wangu,
ni ndi no mbimo yi hi tshanganako ruwani, ni ku pswompswa,
ni si solwi ngu m'thu.
2Ni ndi na kuteka,
ni kuyisa nyumbani ka mwamwangu,
se awe u ndi na ni gondisa ta lirando,
Ni ndi na kuninga vhinya yo lombela
ni vhinya ya maromani u txi sela.
3Dianza dakwe da txibhabha di nave hahatshi ka msungo wangu,
se da txinene di na ni khutarele.
4Anu vanana vamahorana a Jerusalema,
na mi xambanyela tito, mi nga wuseni hambi kuvhumukisa lirando langu, kala kuza li ti lava li pune.
Ndando ya wutxhanu ni yimweyo
Vaembeleli
5I mani wule a tako ngu didhawa da txiwulani,
a di khutarete txirandwa txakwe kani?
Muhorana
Ni ku wusile u di hahatshi ka mndonga wa mahapula,
aha mwamwako a nga lumwa a di kona,
ahawa a nga kuvelekela kona.
6Ni veke nga txitambu mbiluni kwako,
ni txi nga txitambu diwokoni kwako,
nguko lirando li ni mtamo kufana ni lifo,
ni wukwele wu karata kufana ni dithitha
dituro da kona di fana ni dituro da mndilo,
di hisa kufana ni titshatsha ta Mkoma.
7Kha ku na mati a ma nga sikotako ku tima lirando,
kambe kha ku na mnambo
wu wu nga sikotako ku li bhwabhwanetisa.
Hambi ku ngako m'thu a txo ningele thomba yotshe ya nyumbani kwakwe
ngu mhaka ya lirando,
magwito a kona ngu kunyenywa dwe.
Tindiya ta mtekiwa
8Hi ni ndiya ya yidotho,
yi sanziko kuva ni titshumbu;
Hi na maha txani ngu yona,
ditshiku di yi nota wutwa kani?
9I tiku ova diguma,
hi ndi na aka txidingililelo txa silivhela
txitimwi yona,
i tiku ova ditimba,
hi ndi na m'biyela ngu mapulango a mikedhari.
Muhorana
10Ani ni diguma,
titshumbu tangu, ti fana ni sidingililelo sa dona;
masoni kwakwe ni fana ni wule a manako kudikha.
11Solomoni a ti ti ni thembwe ya mivhinya Bahali-Hamoni;
A to yi ningela manzani ka vawoneleli;
se mmweyo ni mmweyo wawe a to neha 1.000 wa tisilivhele ngu mihando yakwe.
12M'vhinya wangu na ti xayisela nipune,
awe Solomoni u na va ni tisilivhele ta 1.000,
se vawoneleli va mihando va na mana 200.
Dijaha
13Awe u zumbako thembweni kwangu,
vangana vangu va navela kupfa
dipswi dako,
ni nani na di lava ku dipfa.
Muhorana
14Ngono ngu kukuluveta txirandwa txangu,
tutuma kufana ni txipene mwendo mbavala,
txitimwi ka mimango ya so bhumulisa.
Currently Selected:
Ndando ya Tindando 8: BEC2016
Highlight
Share
Compare
Copy
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.
