Ndando ya Tindando 3
3
1Ni wusiku ha m'bhedhuni kwangu,
ni to lava wule muhefemulo wangu wu mrandako,
ni mlavile, aniko kha na mmana.
2Ni na khukha koko, ni horolokela didhoropa,
ni horolokela amu ka tinzila ta hombe ni mitendelani,
ni lava awu muhefemulo wangu wu mrandako;
nguko ni m'lavile, se kha na mmana.
3Va to ni mana vawoneleli,
vale va nga ti horolokela didhoropa;
ni to va wotisa ni txi khani:
Ina mi woni awule muhefemulo wangu wu mrandako kani?
4Ni di hambunyetani navo,
koneko ni to mana wule muhefemulo wangu wu mtsakelako;
Ni to mñola, kala kuza ni mwuleta nyumbani ka mame,
txibhiyani ka wule a nga ni veleka.
5Anu vanana vamahorana a Jerusalema, na mi xambanyela
ngu timhoti ni timbavala ta txitinga,
ti to mi nga wuseni hambi kuvhumukisa lirando langu,
kala kuza li ti lava li pune.
Ndando ya wuraru
Muhorana
6I mani wu a kwelelako ngu txiwulani,
kufana ni tiphande ta wutshi, a bhumulako mira ni dibaselo,
ni tixaka ta totshe tipowa to bhumula kani?
7Wonani, msingo wa Solomoni,
wu randetwe ngu mtxhanu wa magumi ni dimwendo a tindena,
ti ti humako hagari ka tindena ta Israyeli.
8Votshe va di xomile matxhari,
ni mitamo ya yimbi;
mmweyo ni mmweyo ni ditxhari dakwe txiwununi,
ngu mhaka ya dizowa da wusiku.
9Mfumeli Solomoni a to ti mahela txithathe
ngu mapulango a Libhanoni.
10Tiphande ta txona nda silivhela,
txikhigelo txa kona i nzalama,
ni txikhalo txa disilika, mndani ka txona ku tshurisetwe ngu lirando
ngu vanana vamahorana a Jerusalema.
11Anu vanana vamahorana a Siyoni,
humani mi ya wona mfumeli Solomoni,
ni m'bhoti wu a nga ambekwa ngu mwamwakwe,
ditshiku dile a nga ya lowola ngu dona,
ngu ditshiku da kutsaka ka hombe ka mbilu yakwe.
Currently Selected:
Ndando ya Tindando 3: BEC2016
Highlight
Share
Copy
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.
Ndando ya Tindando 3
3
1Ni wusiku ha m'bhedhuni kwangu,
ni to lava wule muhefemulo wangu wu mrandako,
ni mlavile, aniko kha na mmana.
2Ni na khukha koko, ni horolokela didhoropa,
ni horolokela amu ka tinzila ta hombe ni mitendelani,
ni lava awu muhefemulo wangu wu mrandako;
nguko ni m'lavile, se kha na mmana.
3Va to ni mana vawoneleli,
vale va nga ti horolokela didhoropa;
ni to va wotisa ni txi khani:
Ina mi woni awule muhefemulo wangu wu mrandako kani?
4Ni di hambunyetani navo,
koneko ni to mana wule muhefemulo wangu wu mtsakelako;
Ni to mñola, kala kuza ni mwuleta nyumbani ka mame,
txibhiyani ka wule a nga ni veleka.
5Anu vanana vamahorana a Jerusalema, na mi xambanyela
ngu timhoti ni timbavala ta txitinga,
ti to mi nga wuseni hambi kuvhumukisa lirando langu,
kala kuza li ti lava li pune.
Ndando ya wuraru
Muhorana
6I mani wu a kwelelako ngu txiwulani,
kufana ni tiphande ta wutshi, a bhumulako mira ni dibaselo,
ni tixaka ta totshe tipowa to bhumula kani?
7Wonani, msingo wa Solomoni,
wu randetwe ngu mtxhanu wa magumi ni dimwendo a tindena,
ti ti humako hagari ka tindena ta Israyeli.
8Votshe va di xomile matxhari,
ni mitamo ya yimbi;
mmweyo ni mmweyo ni ditxhari dakwe txiwununi,
ngu mhaka ya dizowa da wusiku.
9Mfumeli Solomoni a to ti mahela txithathe
ngu mapulango a Libhanoni.
10Tiphande ta txona nda silivhela,
txikhigelo txa kona i nzalama,
ni txikhalo txa disilika, mndani ka txona ku tshurisetwe ngu lirando
ngu vanana vamahorana a Jerusalema.
11Anu vanana vamahorana a Siyoni,
humani mi ya wona mfumeli Solomoni,
ni m'bhoti wu a nga ambekwa ngu mwamwakwe,
ditshiku dile a nga ya lowola ngu dona,
ngu ditshiku da kutsaka ka hombe ka mbilu yakwe.
Currently Selected:
:
Highlight
Share
Copy
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.