Ndando ya Tindando 2
2
1Ani ni txiluva txa Saroni,
dikhoñwa da mikovani.
Dijaha
2Mndoni wangu a fana ni dikhoñwa, a hagari ka mipa,
a di hagari ka vanana vamahorana .
Muhorana
3Hagari ka vanana, txirandwa txangu txi fanana ni mndonga wa mahapula
awu wu ku hagari ka mindonga ya txitinga;
ngu kutsaka ka hombe, ni khalahatshile mtsudini kwakwe;
mihando ya wona ya tshamba mkanani kwangu.
4A ni yisile#2:4 Vaheb. Nyumbani ka vhinya. muhubheni ka m'buso wa hombe,
m'jeke wakwe txitimwi kwangu, lirando.
5Ni busiseni ngu tximbwanda txa mauvha,
mi ni tsanisa ngu mahapula,
nguko na fa ngu lirando.
6Dianza dakwe da txibhabha di nave hahatshi ka msungo wangu,
se dianza dakwe da txinene di na ni khutarele.
7Anu vanana vamahorana a Jerusalema,
na mi xambanyela ngu timhoti
ni timbavala ta txitinga,
ti to mi nga wuseni lirando langu, kala kuza li ti lava.
Ndando ya wumbidi
Muhorana
8Adiya dipswi da txirandwa txangu;
nditxele txata, txa kwelela txitimwi ka mimango,
txa ndaka-ndaka txitimwi ka simangwana.
9Txirandwa txangu txi fanana ni txipene,
mwendo mwanana wa mhoti;
wonani, nditxele, txi emile msana ka diguma dathu,
txa solelela ngu mu ka mafasitela,
txa hi wona ngu mu ka tisimbi.
10Txirandwa txangu txi kha txona kwangu:
Dijaha
Wuka, awe mndoni wangu, ngono,
ngono nyakutshurawe wangu.
11Nguko wona taku wuxika wu pindile:
Nzuma yi txite, yi hangalakile.
12Siluva sa humelela ditikoni,
mbimo ya kuembelela ya hoka,
se dipswi da dituva da pfala ditikoni kwathu.
13Mkuwu wu velekile makuwu a wona,
se mivhinya yile yi pfepfako,
ya pfalisa kubhumula ka yona.
Khukha u txi ema awe mndoni wangu,
awe mburi yangu, se ngono.
14Awe dituva dangu, u tsimbila mu ka tifa ta marigwi,
awe u ku ka madhawa a kusisalani,
ni kombe khohe yako,
ni mahe nipfa dipswi dako,
nguko dipswi dako da tshamba, ni khohe yako yi tshurile.
15Ni ñoleleni va nyapwe,
ni sinyampwana, si onhako mivhinya,
nguko mivhinya yathu yi humile siluva.
Muhorana
16Txirandwa txangu njangu, nani ni wa txona;
mtxhambi wakwe a wu dyisa hagari ka makhoñwa.
17An'ze kuza ditxa, ni mitsudi yi mwalala,
txirandwa txangu wuya;
u fana ni txipene mwendo mbavala
txitimwi ka mmango wa Bheteri.
Currently Selected:
Ndando ya Tindando 2: BEC2016
Highlight
Share
Copy
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.
Ndando ya Tindando 2
2
1Ani ni txiluva txa Saroni,
dikhoñwa da mikovani.
Dijaha
2Mndoni wangu a fana ni dikhoñwa, a hagari ka mipa,
a di hagari ka vanana vamahorana .
Muhorana
3Hagari ka vanana, txirandwa txangu txi fanana ni mndonga wa mahapula
awu wu ku hagari ka mindonga ya txitinga;
ngu kutsaka ka hombe, ni khalahatshile mtsudini kwakwe;
mihando ya wona ya tshamba mkanani kwangu.
4A ni yisile#2:4 Vaheb. Nyumbani ka vhinya. muhubheni ka m'buso wa hombe,
m'jeke wakwe txitimwi kwangu, lirando.
5Ni busiseni ngu tximbwanda txa mauvha,
mi ni tsanisa ngu mahapula,
nguko na fa ngu lirando.
6Dianza dakwe da txibhabha di nave hahatshi ka msungo wangu,
se dianza dakwe da txinene di na ni khutarele.
7Anu vanana vamahorana a Jerusalema,
na mi xambanyela ngu timhoti
ni timbavala ta txitinga,
ti to mi nga wuseni lirando langu, kala kuza li ti lava.
Ndando ya wumbidi
Muhorana
8Adiya dipswi da txirandwa txangu;
nditxele txata, txa kwelela txitimwi ka mimango,
txa ndaka-ndaka txitimwi ka simangwana.
9Txirandwa txangu txi fanana ni txipene,
mwendo mwanana wa mhoti;
wonani, nditxele, txi emile msana ka diguma dathu,
txa solelela ngu mu ka mafasitela,
txa hi wona ngu mu ka tisimbi.
10Txirandwa txangu txi kha txona kwangu:
Dijaha
Wuka, awe mndoni wangu, ngono,
ngono nyakutshurawe wangu.
11Nguko wona taku wuxika wu pindile:
Nzuma yi txite, yi hangalakile.
12Siluva sa humelela ditikoni,
mbimo ya kuembelela ya hoka,
se dipswi da dituva da pfala ditikoni kwathu.
13Mkuwu wu velekile makuwu a wona,
se mivhinya yile yi pfepfako,
ya pfalisa kubhumula ka yona.
Khukha u txi ema awe mndoni wangu,
awe mburi yangu, se ngono.
14Awe dituva dangu, u tsimbila mu ka tifa ta marigwi,
awe u ku ka madhawa a kusisalani,
ni kombe khohe yako,
ni mahe nipfa dipswi dako,
nguko dipswi dako da tshamba, ni khohe yako yi tshurile.
15Ni ñoleleni va nyapwe,
ni sinyampwana, si onhako mivhinya,
nguko mivhinya yathu yi humile siluva.
Muhorana
16Txirandwa txangu njangu, nani ni wa txona;
mtxhambi wakwe a wu dyisa hagari ka makhoñwa.
17An'ze kuza ditxa, ni mitsudi yi mwalala,
txirandwa txangu wuya;
u fana ni txipene mwendo mbavala
txitimwi ka mmango wa Bheteri.
Currently Selected:
:
Highlight
Share
Copy
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.