Mtuletelo 9
9
1Se ngelozi ya wutxhanu yi to veta mpundu wa yona. Konako ni to wona nyeleti yi nga wa ngu nzumani yi wela ha mafuni: Yi to ningwa khiya ya txisofu txa diphala do hokoma, 2#Wona ni ka: Gen. 19:28. se yona yi to tula txisofu txa diphala do hokoma, se konaho ku to tuvika wutshi, wo fana ni mdhikila wa hombe wa mndilo, ahawa koza ditambo ni ndengelenga si phumaliswa ngu mhaka ya wutshi wu humako ngu txisofuni ka diphala. 3#Wona ni ka: Eks. 10:12-15. Se ku to huma humbi ngu wutshini mule yi txi ta ha mafuni, yi ningwa mtamo wo nga wa tinhume ta ha mafuni. 4Humbi yiya yi to gelwa ti to yi si dyi mwasi wa ha mafuni, hambi tximilwa txihi ni txihi txi hanyako, hambi mindonga; tsena kuyela vathu va va nga mbi vekwa txixambanyo txa Txizimu timbanzani kwawe. 5Humbi yiya yi to laywa ti to yi si va dayi, aniko yi na va xanise, txipimo txa mtxhanu wa mitxima ngu maxaniselo o nga ya hume, ngako yi txi luma m'thu. 6Ka oneyo masiku, vathu va na lava lifo, kambe va si li mani; va na navela kufa, kambe lifo li na tutuma li va siya.
7Mazumbelo a humbi ya kona ma ti fana ni mahantxhi o longiselwa kuya yimbini; ha misungoni ka yona humbiyo ku ti ni so fana ni mibhoti yo nga ya nzalama, ni tikhohe ta yona ti txi nga tikhohe ta vathu. 8Yi ti ni misisi yo nga misisi ya vavasikati, ni makwasa o nga a ngonyamo. 9Yi ti ni sikatawu sa tisimbi ha tikhana. Diguwa da mabhapi di ti fana ni diguwa da sikotxikani so ndindwa ngu mahantxhi amangi ma tutumelako kulwani: 10Humbiyo yi ti ni mikila yo nga mikila ya ngume ni tituna mikilani ka yona; se ka mikila yiya ku ti ni mtamo wo sikota kuxanisa vathu txipimo txa mtxhanu wa mitxima, 11Humbiyo yi ti fumwa ngu ngelozi ya diphala do hokoma, ditina da yona yi dhanwako ku i “Abhadhoni” ngu Txihebheru ni ku i “Apoliyoni” ngu Txigriki. 12Dikhombo do khata di phindile. Aniko, wonani, ku ngadi ni makhombo mamwani a mambidi ma ku ngadi ma txi ta.
13Se ngelozi ya wutxhanu ni yimweyo yi to veta mpundu wa yona. Konako ni to engisa dipswi di txi huma ngu ka titxheho ta mune ta txiluvelo txa nzalama, atxi txi ku masoni ka Txizimu. 14Dona dipswi di to gela ngelozi ya wutxhanu ni yimweyo, yi nga ti ni mpundu, di txi kha dona: “Thusa tingelozi ta mune ti ti nga sungwa mnamboni ka hombe ka Ewufrate.” 15Ku to thuswa tingelozi ta mune ti nga ti lulamisetwe txikhati, ni mtxima ni dilembe kasiku ti daya didhawa da wuraru da vathu.
16Mtengo wa mtxawa wa vagadhi va mahantxhi i ti 200.000.000, ni wu engisile ta tinene mtengo wa kona.
17Amu ka txiwoniso txangu, ntengo wa mahantxhi ni vagadhi va ona, ni si wonisile tiya: Va ti ambate sikatawu so vhika ngu sona, so bhilivila nga mndilo, ni nkuxe nga jakinta ni halandi nga txivavula, misungo ya mahantxhi yi ti fana ni ya tingonyamo, se ngu mkanani ka ona ku txi huma mndilo ni wutshi ni txivavula. 18Didhawa da wuraru da vathu, va datwe ngu mhaka ya sitsayiso siya sa siraru: Mndilo ni wutshi ni txivavula, asi si nga txi huma ngu sisofuni ka mahantxhi. 19Nguko mtamo wa mahantxhi wu ti sisofuni ka ona ni mikilani ka ona; nguko mikila ya ona yi ti fana ni minyoka: Yi na ni misungo ya wulala. 20#Wona ni ka: Mas. 115:4-7; 135:15-17; Dhan. 5:23. Vamwani vathu va nga mbi dawa ngu sixaniso siya, kha va nga hunduluka ka mithumo ya manza awe, ti to ve leka kukhozela madhimoni, ni sithombe sa nzalama ni silivela ni simbi ya disotxe ni sa dirigwi ni sa mindonga, asi si sikotiko kuwona, hambi kuengisa mwendo kutsimbila. 21Kha va hunduluka kambe ka wugevenga wawe, ni ka matiloti awe ni ka wugelegele wawe ni ka wukhamba wawe.
Currently Selected:
Mtuletelo 9: BEC2016
Highlight
Copy
Compare
Share
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.
Mtuletelo 9
9
1Se ngelozi ya wutxhanu yi to veta mpundu wa yona. Konako ni to wona nyeleti yi nga wa ngu nzumani yi wela ha mafuni: Yi to ningwa khiya ya txisofu txa diphala do hokoma, 2#Wona ni ka: Gen. 19:28. se yona yi to tula txisofu txa diphala do hokoma, se konaho ku to tuvika wutshi, wo fana ni mdhikila wa hombe wa mndilo, ahawa koza ditambo ni ndengelenga si phumaliswa ngu mhaka ya wutshi wu humako ngu txisofuni ka diphala. 3#Wona ni ka: Eks. 10:12-15. Se ku to huma humbi ngu wutshini mule yi txi ta ha mafuni, yi ningwa mtamo wo nga wa tinhume ta ha mafuni. 4Humbi yiya yi to gelwa ti to yi si dyi mwasi wa ha mafuni, hambi tximilwa txihi ni txihi txi hanyako, hambi mindonga; tsena kuyela vathu va va nga mbi vekwa txixambanyo txa Txizimu timbanzani kwawe. 5Humbi yiya yi to laywa ti to yi si va dayi, aniko yi na va xanise, txipimo txa mtxhanu wa mitxima ngu maxaniselo o nga ya hume, ngako yi txi luma m'thu. 6Ka oneyo masiku, vathu va na lava lifo, kambe va si li mani; va na navela kufa, kambe lifo li na tutuma li va siya.
7Mazumbelo a humbi ya kona ma ti fana ni mahantxhi o longiselwa kuya yimbini; ha misungoni ka yona humbiyo ku ti ni so fana ni mibhoti yo nga ya nzalama, ni tikhohe ta yona ti txi nga tikhohe ta vathu. 8Yi ti ni misisi yo nga misisi ya vavasikati, ni makwasa o nga a ngonyamo. 9Yi ti ni sikatawu sa tisimbi ha tikhana. Diguwa da mabhapi di ti fana ni diguwa da sikotxikani so ndindwa ngu mahantxhi amangi ma tutumelako kulwani: 10Humbiyo yi ti ni mikila yo nga mikila ya ngume ni tituna mikilani ka yona; se ka mikila yiya ku ti ni mtamo wo sikota kuxanisa vathu txipimo txa mtxhanu wa mitxima, 11Humbiyo yi ti fumwa ngu ngelozi ya diphala do hokoma, ditina da yona yi dhanwako ku i “Abhadhoni” ngu Txihebheru ni ku i “Apoliyoni” ngu Txigriki. 12Dikhombo do khata di phindile. Aniko, wonani, ku ngadi ni makhombo mamwani a mambidi ma ku ngadi ma txi ta.
13Se ngelozi ya wutxhanu ni yimweyo yi to veta mpundu wa yona. Konako ni to engisa dipswi di txi huma ngu ka titxheho ta mune ta txiluvelo txa nzalama, atxi txi ku masoni ka Txizimu. 14Dona dipswi di to gela ngelozi ya wutxhanu ni yimweyo, yi nga ti ni mpundu, di txi kha dona: “Thusa tingelozi ta mune ti ti nga sungwa mnamboni ka hombe ka Ewufrate.” 15Ku to thuswa tingelozi ta mune ti nga ti lulamisetwe txikhati, ni mtxima ni dilembe kasiku ti daya didhawa da wuraru da vathu.
16Mtengo wa mtxawa wa vagadhi va mahantxhi i ti 200.000.000, ni wu engisile ta tinene mtengo wa kona.
17Amu ka txiwoniso txangu, ntengo wa mahantxhi ni vagadhi va ona, ni si wonisile tiya: Va ti ambate sikatawu so vhika ngu sona, so bhilivila nga mndilo, ni nkuxe nga jakinta ni halandi nga txivavula, misungo ya mahantxhi yi ti fana ni ya tingonyamo, se ngu mkanani ka ona ku txi huma mndilo ni wutshi ni txivavula. 18Didhawa da wuraru da vathu, va datwe ngu mhaka ya sitsayiso siya sa siraru: Mndilo ni wutshi ni txivavula, asi si nga txi huma ngu sisofuni ka mahantxhi. 19Nguko mtamo wa mahantxhi wu ti sisofuni ka ona ni mikilani ka ona; nguko mikila ya ona yi ti fana ni minyoka: Yi na ni misungo ya wulala. 20#Wona ni ka: Mas. 115:4-7; 135:15-17; Dhan. 5:23. Vamwani vathu va nga mbi dawa ngu sixaniso siya, kha va nga hunduluka ka mithumo ya manza awe, ti to ve leka kukhozela madhimoni, ni sithombe sa nzalama ni silivela ni simbi ya disotxe ni sa dirigwi ni sa mindonga, asi si sikotiko kuwona, hambi kuengisa mwendo kutsimbila. 21Kha va hunduluka kambe ka wugevenga wawe, ni ka matiloti awe ni ka wugelegele wawe ni ka wukhamba wawe.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.