Mtuletelo 10
10
Ta ngelozi ni txibhukwana
1Msana keto, ni to wona yimwani ngelozi ya mtamo, yi txi txhika ngu nzumani. Yi ti ambate direfu; ni wulaho wa nzumani wu di ha msungo ka yona; khohe ya yona yi ti fana ni ditambo, minenge ya yona yi ti fana ni tiphande ta mndilo, 2manzani yi ti ñote txibhukwana, txo tulwa. Se yi to veka mkondo wa txinene txitimwi ka linene, ani wa txibhabha yi di wu vekile txitimwi ka mafu. 3Se yi kwangula ngu dipswi da hombe, nga kubhonga ka ngonyamo. Mbimo yi yi nga bhonga, ku to pfala kudhinda ka singwalangwanda sa mtxhanu ni simbidi. 4Mbimo yi si nga dhinda singwalangwanda sa mtxhanu ni simbidi, ani ni ti ti lava kubhala, aniko ni to engisa dipswi da kuta ngu nzumani di txi kha dona: “Veketa malengo a tile ti nga wombwa ngu mtxhanu wa singwalangwanda ni simbidi, u nga ma bhale.”
5 # Wona ni ka: Eks. 20:11; Dhewut. 32:40; Dhan. 12:7. Konako, ngelozi, yi ni nga yi wona yi di emile txitimwi ka linene ni mafu, yi to guleta diwoko da txinene, yi di komba nzumani. 6Yi txi xambanya ngu wule a hanyako ka kwa mbi na magwito, a nga vanga nzuma ni sotshe siya si ku ka yona; mafu ni sotshe siya si ku ka ona; linene ni sotshe si si ku ka lona, yi txi kha yona: “Kha ku nga ngadi ni mbimo! 7Aniko ka masiku yawa ku no engiswa dipswi da ngelozi ya wutxhanu ni timbidi, mbimo yi ngelozi yi no veta mpundu wa yona, konako msisalo wa Txizimu wu na va wu di hetisekile, madingano ni ti txona txi nga zivisa ka sithumi sa txona, i ku vaprofeti.”
8Dipswi di da kuta ngu nzumani ni nga ti di engisile, di to engeta di womba-womba ni nani di txi kha dona: “Tsula, inda ya teka txibhukwana txo tulwa, manzani ka ngelozi yi nga ema txitimwi ka linene ni mafu.” 9Ngu konaho, ni to tsula ka ngelozi ni ya yi kombela ti to yi ni ninga txibhukwana. Yona yi to ni gela yi txi kha yona: “Txi teke u txi dya; txona txi na bava mndani kwako, kambe mkanani kwako txi na lombela nga wulombe.” 10Ni to teka txibhukwana manzani ka ngelozi, ni txi dya; mkanani txi to lombela nga wulombe; aniko mbimo yi ni nga mita, mndani kwangu ku to bava. 11Konako va to ni gela va txi kha vona: “Ta fanela kuengeta u txi profeta masoni ka vathu va tixaka to tala, ni ka matiko o tala ni tidimi to tala ni ka vafumeli votala.”
Currently Selected:
Mtuletelo 10: BEC2016
Highlight
Copy
Compare
Share
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.
Mtuletelo 10
10
Ta ngelozi ni txibhukwana
1Msana keto, ni to wona yimwani ngelozi ya mtamo, yi txi txhika ngu nzumani. Yi ti ambate direfu; ni wulaho wa nzumani wu di ha msungo ka yona; khohe ya yona yi ti fana ni ditambo, minenge ya yona yi ti fana ni tiphande ta mndilo, 2manzani yi ti ñote txibhukwana, txo tulwa. Se yi to veka mkondo wa txinene txitimwi ka linene, ani wa txibhabha yi di wu vekile txitimwi ka mafu. 3Se yi kwangula ngu dipswi da hombe, nga kubhonga ka ngonyamo. Mbimo yi yi nga bhonga, ku to pfala kudhinda ka singwalangwanda sa mtxhanu ni simbidi. 4Mbimo yi si nga dhinda singwalangwanda sa mtxhanu ni simbidi, ani ni ti ti lava kubhala, aniko ni to engisa dipswi da kuta ngu nzumani di txi kha dona: “Veketa malengo a tile ti nga wombwa ngu mtxhanu wa singwalangwanda ni simbidi, u nga ma bhale.”
5 # Wona ni ka: Eks. 20:11; Dhewut. 32:40; Dhan. 12:7. Konako, ngelozi, yi ni nga yi wona yi di emile txitimwi ka linene ni mafu, yi to guleta diwoko da txinene, yi di komba nzumani. 6Yi txi xambanya ngu wule a hanyako ka kwa mbi na magwito, a nga vanga nzuma ni sotshe siya si ku ka yona; mafu ni sotshe siya si ku ka ona; linene ni sotshe si si ku ka lona, yi txi kha yona: “Kha ku nga ngadi ni mbimo! 7Aniko ka masiku yawa ku no engiswa dipswi da ngelozi ya wutxhanu ni timbidi, mbimo yi ngelozi yi no veta mpundu wa yona, konako msisalo wa Txizimu wu na va wu di hetisekile, madingano ni ti txona txi nga zivisa ka sithumi sa txona, i ku vaprofeti.”
8Dipswi di da kuta ngu nzumani ni nga ti di engisile, di to engeta di womba-womba ni nani di txi kha dona: “Tsula, inda ya teka txibhukwana txo tulwa, manzani ka ngelozi yi nga ema txitimwi ka linene ni mafu.” 9Ngu konaho, ni to tsula ka ngelozi ni ya yi kombela ti to yi ni ninga txibhukwana. Yona yi to ni gela yi txi kha yona: “Txi teke u txi dya; txona txi na bava mndani kwako, kambe mkanani kwako txi na lombela nga wulombe.” 10Ni to teka txibhukwana manzani ka ngelozi, ni txi dya; mkanani txi to lombela nga wulombe; aniko mbimo yi ni nga mita, mndani kwangu ku to bava. 11Konako va to ni gela va txi kha vona: “Ta fanela kuengeta u txi profeta masoni ka vathu va tixaka to tala, ni ka matiko o tala ni tidimi to tala ni ka vafumeli votala.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.