Masalmo 97
97
Txizimu, Mkoma wa ditiko
1 Mkoma wa fuma. Ma na tsake mafu!
Si na tsake sitondolo ngu wungi wa sona!
2 Mkoma a randetwe ngu marefu ni txidema;
ditshina da mfumo wakwe ngu kululama ni fanelo.
3Mndilo wu thangela masoni kwakwe
wu txi hisa valala va va mrandelako.
4Kukeluka ka singwalangwanda sakwe kuwoninga ditiko;
mafu ma si wona, me tsekatseka!
5Mimango ya nyivilika nga phula,
masoni ka Mkoma Txizimu
i ku nyamne wa otshe mafu.
6Tinzuma ta huwelela kululama kwakwe
ni vathu votshe va wona wudhumo wakwe.
7Va na wiswa tingana votshe vale va khozelako sithombe,
votshe vale va ti guletako
ngu sizimu so mbi vhuna txilo;
ni sotshe sizimu si na khizamele Mkoma Txizimu!
8Vathu va Siyoni va ti engisile ve tsaka;
madhoropa a Judha ma nengela,
nguko u nga lamula ngu kululama, awe Mkoma.
9Nguko awe, Mkoma,
u mfumeli wa otshe mafu,
u txitimwi ngutu ka sotshe sizimu.
10 Mkoma wa randa avale va nyenyako kubiha
wa vhikela wutomi wa vale va mthembako,
wa va hulukisa manzani ka vabihi.
11Kuwonekela kuwoninga vathu vavanene,
ni litsako li rinzela ava va timbilu to lulama.
12Anu vathu vo lulama, tsakani ka Mkoma,
mi txi dhumisa ditina dakwe do sawuleka!
Currently Selected:
Masalmo 97: BEC2016
Highlight
Copy
Compare
Share
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.
Masalmo 97
97
Txizimu, Mkoma wa ditiko
1 Mkoma wa fuma. Ma na tsake mafu!
Si na tsake sitondolo ngu wungi wa sona!
2 Mkoma a randetwe ngu marefu ni txidema;
ditshina da mfumo wakwe ngu kululama ni fanelo.
3Mndilo wu thangela masoni kwakwe
wu txi hisa valala va va mrandelako.
4Kukeluka ka singwalangwanda sakwe kuwoninga ditiko;
mafu ma si wona, me tsekatseka!
5Mimango ya nyivilika nga phula,
masoni ka Mkoma Txizimu
i ku nyamne wa otshe mafu.
6Tinzuma ta huwelela kululama kwakwe
ni vathu votshe va wona wudhumo wakwe.
7Va na wiswa tingana votshe vale va khozelako sithombe,
votshe vale va ti guletako
ngu sizimu so mbi vhuna txilo;
ni sotshe sizimu si na khizamele Mkoma Txizimu!
8Vathu va Siyoni va ti engisile ve tsaka;
madhoropa a Judha ma nengela,
nguko u nga lamula ngu kululama, awe Mkoma.
9Nguko awe, Mkoma,
u mfumeli wa otshe mafu,
u txitimwi ngutu ka sotshe sizimu.
10 Mkoma wa randa avale va nyenyako kubiha
wa vhikela wutomi wa vale va mthembako,
wa va hulukisa manzani ka vabihi.
11Kuwonekela kuwoninga vathu vavanene,
ni litsako li rinzela ava va timbilu to lulama.
12Anu vathu vo lulama, tsakani ka Mkoma,
mi txi dhumisa ditina dakwe do sawuleka!
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.