Masalmo 96
96
Kudhumisa Txizimu, i ku Mfumeli
(1 Makronika 16:23-33)
1Embelelani ka Mkoma ndando ya yiphya;
vathu va dotshe ditiko, embelelani ka Mkoma;
2embelelani ka Mkoma, mi dhumisa ditina dakwe;
ditshiku ni ditshiku dhumisani kuhanyisa kwakwe.
3Huwelelani nduma yakwe ka yotshe mifumo
mi rurutela sidiwukiso sakwe
ka totshe tixaka ta vathu,
4nguko Mkoma mbwa hombe,
ana ni fanelo ya kudhumiswa,
a fanete kuthawa kupinda sotshe sizimu!
5Sotshe sizimu sa vamatiko kha si vhuni txilo;
Mkoma ngene a nga va nga tinzuma.
6Wudhumo ni wuhombe si masoni kwakwe;
nyumba yakwe yo sawuleka yi ni mtamo ni kutshura.
7 # Wona ni ka: Mas. 29:1-2. Motshenu vathu va ha mafuni, dhumisani Mkoma
dhumisani Mkoma ngu konaho ka wuhombe wakwe ni mtamo wakwe!
8Vekelani Mkoma txithavo txi txi fanelako ditina dakwe;
wuyisani miningelo, mi ta luva siluveloni kwakwe!
9Khozelani Mkoma, na mi di ambate wusawuleki,
mkombeni txithavo masoni kwakwe,
anu vathu va ha mafuni!
10Gelani vathu va dotshe ditiko mi txi khanu: “Mkoma wa mfumeli!”
Ngu toneto, mafu ma tsani, kha ma na kudekadekiswa;
ene a fuma vathu ngu nzila yo lulama.
11Yi na tsake nzuma, ma na tsake mafu;
li na dhume linene ni sotshe si si ku mndani ka lona!
12Tithembwe ti na tsake, ni yotshe mihando ya tona!
Mindonga ya txitinga, yi na kwangule ngu litsako,
13tsakani masoni ka Mkoma, nguko wata
nguko a tela ku ta vhuna mafu;
a na lamula ditiko ngu kululama, ni vathu ngu ditshuri dakwe.
Currently Selected:
Masalmo 96: BEC2016
Highlight
Copy
Compare
Share
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.
Masalmo 96
96
Kudhumisa Txizimu, i ku Mfumeli
(1 Makronika 16:23-33)
1Embelelani ka Mkoma ndando ya yiphya;
vathu va dotshe ditiko, embelelani ka Mkoma;
2embelelani ka Mkoma, mi dhumisa ditina dakwe;
ditshiku ni ditshiku dhumisani kuhanyisa kwakwe.
3Huwelelani nduma yakwe ka yotshe mifumo
mi rurutela sidiwukiso sakwe
ka totshe tixaka ta vathu,
4nguko Mkoma mbwa hombe,
ana ni fanelo ya kudhumiswa,
a fanete kuthawa kupinda sotshe sizimu!
5Sotshe sizimu sa vamatiko kha si vhuni txilo;
Mkoma ngene a nga va nga tinzuma.
6Wudhumo ni wuhombe si masoni kwakwe;
nyumba yakwe yo sawuleka yi ni mtamo ni kutshura.
7 # Wona ni ka: Mas. 29:1-2. Motshenu vathu va ha mafuni, dhumisani Mkoma
dhumisani Mkoma ngu konaho ka wuhombe wakwe ni mtamo wakwe!
8Vekelani Mkoma txithavo txi txi fanelako ditina dakwe;
wuyisani miningelo, mi ta luva siluveloni kwakwe!
9Khozelani Mkoma, na mi di ambate wusawuleki,
mkombeni txithavo masoni kwakwe,
anu vathu va ha mafuni!
10Gelani vathu va dotshe ditiko mi txi khanu: “Mkoma wa mfumeli!”
Ngu toneto, mafu ma tsani, kha ma na kudekadekiswa;
ene a fuma vathu ngu nzila yo lulama.
11Yi na tsake nzuma, ma na tsake mafu;
li na dhume linene ni sotshe si si ku mndani ka lona!
12Tithembwe ti na tsake, ni yotshe mihando ya tona!
Mindonga ya txitinga, yi na kwangule ngu litsako,
13tsakani masoni ka Mkoma, nguko wata
nguko a tela ku ta vhuna mafu;
a na lamula ditiko ngu kululama, ni vathu ngu ditshuri dakwe.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.