Masalmo 90
90
DIBHUKU DA WUMUNE
(Disalmo 90--106)
Txizimu ni vathu
Mkombelo wa Mosi, m'thu wa Txizimu
1 Mkoma, awe u wuthavelo wathu ka liveleko ni liveleko.
2Na ku sinzi kuhumelela mimango,
ku sinzi kumaheka mafu ni ditiko dotshe,
kukhukhela ka kale, kala kupinduka, awe u Txizimu!
3Awe wa sikota kutshumeta vathu ve maha lithulu,
ngu ku va gela ku khawe:
“Tshumelani mi txi maha lithulu anu vanana va vathu!”
4 # Wona ni ka: 2 Ped. 3:8. Kha ditshuri, digumi da mazana a malembe, kwako
ma fana ni ditshiku da nyam'nova, di nga pinda;
mwendo txikhatyana txa wusiku.
5Awe wa hiyela vathu hagari ka wukohe;
ni mixo va fana ni mwasi wu nga gangwa,
6va fana ni mwasi wu thungako, wu gangwa ni mixo
se ni minova wa wuna, wu txi oma.
7Kha ditshuri, ha sotelwa ngu txiviti txako;
ha xaniswa ngu dikhulo dako!
8Awe u vekile sionho sathu masoni kwako
wa landula sionho si hi nga si maha kusisalani.
9Otshe masiku a kuhanya kwathu ma komiswa
ngu mhaka ya kuhenya kwako;
malembe a kuhanya kwathu ma pinda nga kufuteta ka mihefemulo.
10Masiku a kuhanya kwathu
nga mtxhanu wa magumi ni magumi mambidi a malembe;
avale va ku ni mtamo va hoka ka
mtxhanu wa magumi ni magumi mararu a malembe,
aniko i malembe a sikarato ni kupandiseka.
Nguko ma pinda ngu kukuluveta, se athu hi mwalala.
11I mani a sikotako kuziva mtamo wa kuhenya kwako kani?
I mani asi thaviko wurena wa kuhenya kwako kani?
12Hi gondise kubala masiku athu,
kasiku timbilu tathu ti mana wutxhari.
13Wuya kwathu, Mkoma!
U na henya kala mbimo muni?
Telwa ngu wumbilu ngu vathu vako!
14Hi khurise ngu lirando lako i di ngadi mixo
kasiku hi na tsaka, hi embelela
ka otshe masiku a kuhanya kwathu.
15Hihe masiku a kutsaka madingano ni masiku awa
u nga hi wonisa sixaniso
ni malembe awa u nga hi wonisa makhombo.
16Komba mtamo wako wa hombe ka sithumi sako
ni wudhumo wako wa hombe ka vanana vawe!
17Wu nate txitimwi kwathu
wunene wa Mkoma, Txizimu txathu.
Tsanisa Mkoma, mithumo ya manza athu,
ina, tsanisa mithumo ya manza athu!
Currently Selected:
Masalmo 90: BEC2016
Highlight
Copy
Compare
Share
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.
Masalmo 90
90
DIBHUKU DA WUMUNE
(Disalmo 90--106)
Txizimu ni vathu
Mkombelo wa Mosi, m'thu wa Txizimu
1 Mkoma, awe u wuthavelo wathu ka liveleko ni liveleko.
2Na ku sinzi kuhumelela mimango,
ku sinzi kumaheka mafu ni ditiko dotshe,
kukhukhela ka kale, kala kupinduka, awe u Txizimu!
3Awe wa sikota kutshumeta vathu ve maha lithulu,
ngu ku va gela ku khawe:
“Tshumelani mi txi maha lithulu anu vanana va vathu!”
4 # Wona ni ka: 2 Ped. 3:8. Kha ditshuri, digumi da mazana a malembe, kwako
ma fana ni ditshiku da nyam'nova, di nga pinda;
mwendo txikhatyana txa wusiku.
5Awe wa hiyela vathu hagari ka wukohe;
ni mixo va fana ni mwasi wu nga gangwa,
6va fana ni mwasi wu thungako, wu gangwa ni mixo
se ni minova wa wuna, wu txi oma.
7Kha ditshuri, ha sotelwa ngu txiviti txako;
ha xaniswa ngu dikhulo dako!
8Awe u vekile sionho sathu masoni kwako
wa landula sionho si hi nga si maha kusisalani.
9Otshe masiku a kuhanya kwathu ma komiswa
ngu mhaka ya kuhenya kwako;
malembe a kuhanya kwathu ma pinda nga kufuteta ka mihefemulo.
10Masiku a kuhanya kwathu
nga mtxhanu wa magumi ni magumi mambidi a malembe;
avale va ku ni mtamo va hoka ka
mtxhanu wa magumi ni magumi mararu a malembe,
aniko i malembe a sikarato ni kupandiseka.
Nguko ma pinda ngu kukuluveta, se athu hi mwalala.
11I mani a sikotako kuziva mtamo wa kuhenya kwako kani?
I mani asi thaviko wurena wa kuhenya kwako kani?
12Hi gondise kubala masiku athu,
kasiku timbilu tathu ti mana wutxhari.
13Wuya kwathu, Mkoma!
U na henya kala mbimo muni?
Telwa ngu wumbilu ngu vathu vako!
14Hi khurise ngu lirando lako i di ngadi mixo
kasiku hi na tsaka, hi embelela
ka otshe masiku a kuhanya kwathu.
15Hihe masiku a kutsaka madingano ni masiku awa
u nga hi wonisa sixaniso
ni malembe awa u nga hi wonisa makhombo.
16Komba mtamo wako wa hombe ka sithumi sako
ni wudhumo wako wa hombe ka vanana vawe!
17Wu nate txitimwi kwathu
wunene wa Mkoma, Txizimu txathu.
Tsanisa Mkoma, mithumo ya manza athu,
ina, tsanisa mithumo ya manza athu!
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.