Masalmo 89
89
Kukhozela awu wa Mtamo-wotshe
Txirhokozelo txa Etani, muezira
1Awe Mkoma, ni na embelela lirando lako, kala kupinduka;
ni na huwelela kuthembeka kwako
ka liveleko ni liveleko.
2Ni na huwelela ti to lirando lako
kha li nga ni magwito, ni ti to kuthembeka kwako
kha ku nga ni magwito, kufana ni nzuma.
3Awe u ti khawe: “Ni mahile txitumelelano
ni msawuleki wangu,
ni thembisile ka txithumi txangu Dhavhidha:
4 # Wona ni ka: 2 Sam. 7:12-16; 1 Mak. 17:11-14; Mas. 132:11; Mith. 2:30. Liveleko lako li na simama li fuma yotshe mbimo
ni na tsanisa wukoma wako ka liveleko ni liveleko.”
5Tinzuma ta dhumisa sidiwukiso sako, Mkoma,
ni msengeletano wo sawuleka
wa dhumisa kuthembeka kwako.
6I mani a ku nzumani a dinganako ni nawe, kani Mkoma?
I mani, hagari ka sivangwa sa nzumani,
a dinganako ni nawe, kani Mkoma?
7Txizimu njo dingana kuthaviseka,
ngutu msengeletanoni ka vasawuleki;
txona nja hombe ni kuguletwa ngutu ngu votshe va txi randelako.
8 Mkoma, Txizimu txa mtamo wotshe,
kuwalo wo fana ni nawe!
Mtamo ni kuthembeka kwako si ku randete.
9Awe wa fuma linene, ngako li txi kukumuka
u txi tengisa mavimbi a lona, ngako ma txi vhiluka.
10U ganyatete Rahabhi txingongongo txa lineneni, u txi daya;
ngu mtamo wako wa hombe u hangalasile valala vako.
11Awe u Mkoma wa nzuma ni mafu,
u vangile ditiko ni sotshe si si manekako ka dona.
12U vangile Wuphemba ni Wulambwe;
mimango ya Tabhori ni Hermoni ya embelela ditina dako.
13Diwoko dako di ni mtamo, dianza dako di tsani,
dianza dako da txinene di ni wurena!
14Mfumo wako wu tsanisilwe
ngu kululama ni ditshuri,
lirando ni ditshuri si ni nawe masoni kwako.
15Va katekile vathu vale va zivako ku kudhumisa, Mkoma,
avale va hanyako kuwonekelani ka khohe yako.
16Otshe masiku va tsaka ngu ngawe
va nengela ngu mhaka ya wunene wako.
Txithembiso txa Txizimu ka Dhavhidha
17Kha ditshuri, awe u mtamo wathu ni wudhumo wathu;
wurena wathu wa tsaniswa ngu wunene wako.
18Nguko Mkoma m'vhikeli wathu.
Kambe Msawuleki wa ka Israyeli,
i ku ene Mfumeli wathu!
19Kale u wombawombile ngu siwoniso
ka sithumi sako so thembeka u txi khawe:
“Ni ningile mtamo dizambi da ndena;
ni fumisile dijaha, ni ngadi sawula hagari ka vathu vangu.”
20Ni mani Dhavhidha txithumi txangu;
ni mmahile mfumeli ngu ku mtota mafura o sawuleka.
21Mtamo wangu yotshe mbimo wu na va ni nene
ni wukoma wangu wu na mtsanisa.
22Valala kha va na mbi mkanganyisa
hambi sigevenga kha si na mbi mxula.
23Ni na mbembemelisa valala vakwe masoni kwakwe;
ni na lovisa avale va mrandelako!
24Kuthembeka kwangu ni lirando langu si na va ni nene;
ngu ditina dangu wu na tsana wukoma wakwe.
25Ni na andisa wukoma wakwe txitimwi ka linene
ni mfumo wakwe txitimwi ka minambo.
26Ene a na ni dhana, a txi khene:
“Awe u tate wangu, u Txizimu txangu,
txi txi ni hanyisako ni ku ni vhikela.”
27 # Wona ni ka: Mtu. 1:5. “Ani ni na mninga tifanelo
ta mwanana wa matiwula;
a na fuma txitimwi ka vafumeli va ditiko.
28Wumbilu wangu ni nene wu na simama kala kupinduka
ni txitumelelano txangu
txi na tsana yotshe mbimo.
29Ni na maha ti to lihunzu lakwe
li simama kala kupinduka,
li txi fuma ngu malembe ni malembe kufana ni nzuma.
30Ngako liveleko lakwe li txi leka mlayo wangu,
ngako va si tsimbili madingano ni sileleto sangu,
31ngako va txi ndaka mithetho yangu
va si vekisi sirumo sangu,
32koneko, ni na tsayisa sionho sawe ngu ndonga,
ni txi va khawulisa wubihi wawe ngu sisephu.
33Aniko kha ni na mbi leka kuranda Dhavhidha,
kha ni na mbi leka kumaha sithembiso sangu kwakwe.
34Kha ni na mbi funya txitumelelano txangu,
hambi kutshumeta sixambanyo si ni nga si maha.
35Ni xambanyile kumweko
ngu wusawuleki wangu
kha ni na mbi m'dyelela Dhavhidha.
36Situkulwana sakwe si na fuma kala kupinduka,
txikhalo txakwe txa wukoma
txi na simama masoni kwangu nga ditambo;
37txi na zumba txi di tsani yotshe mbimo,
nga mtxima, i ku fakazi
ya kuthembeka yi ku nzumani.”
Kuxulwa ka mfumeli
38Hambi keto, awe Mkoma,
u henyete msawulwa wako;
u karate ngu ngene u txi mtsukula.
39U tshotshile txitumelelano
txi u nga ti natxo ni txithumi txako;
u tshotshile hahatshi m'bhoti wakwe.
40U khundumusile otshe maguma a didhoropa;
u mahile marumbi mikhokhola ya kona.
41Votshe vapindi va nzila
va wulela ve handa;
vaakelani vakwe va mxowokisela.
42U ningile wudhundo ka diwoko da txinene da valala vakwe,
u tsakisile valala vakwe votshe.
43U pinyetile kuhinda ka ditxhari dakwe
kambe khwa mtsanisa kulwani.
44U txhipisile wudhumo wakwe;
u txi wisa hahatshi txikhalo txakwe txa wukoma.
45U komisile masiku a wuphya wakwe;
u mfenengetile ngu tingana.
Kukombela kutxhatxhiswa
46 Mkoma, kala mbimo muni,
u na ti sisa kala kupinduka kani?
Txiviti txako txi na tura nga mndilo yotshe mbimo kani?
47Alakanya, Mkoma, ti to wutomi wangu wu komile!
Votshe vathu, u nga va va nga,
va pinda ngu kukuluveta.
48Ina waho m'thu wo mbi fa kani?
I mani a no sikota kuhuluka
ka mtamo wa lifo kani?
49 Mkoma, li hani lirando lako la kale,
lirando li u nga xambanyela Dhavhidha
ngu kuthembeka kwako kani?
50Alakanya, Mkoma, siruko so wukela txithumi txako;
ni rwate hakhana kwangu
siruko sa yotshe mifumo,
51asi valala vako va hi onhelako ngu sona, Mkoma!
Hani ni hani a yako kona
msawulwa wako, va mruka!
52A na dhumiswe Mkoma kala kupinduka.
Amen! Ni Amen!
Currently Selected:
Masalmo 89: BEC2016
Highlight
Copy
Compare
Share
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.
Masalmo 89
89
Kukhozela awu wa Mtamo-wotshe
Txirhokozelo txa Etani, muezira
1Awe Mkoma, ni na embelela lirando lako, kala kupinduka;
ni na huwelela kuthembeka kwako
ka liveleko ni liveleko.
2Ni na huwelela ti to lirando lako
kha li nga ni magwito, ni ti to kuthembeka kwako
kha ku nga ni magwito, kufana ni nzuma.
3Awe u ti khawe: “Ni mahile txitumelelano
ni msawuleki wangu,
ni thembisile ka txithumi txangu Dhavhidha:
4 # Wona ni ka: 2 Sam. 7:12-16; 1 Mak. 17:11-14; Mas. 132:11; Mith. 2:30. Liveleko lako li na simama li fuma yotshe mbimo
ni na tsanisa wukoma wako ka liveleko ni liveleko.”
5Tinzuma ta dhumisa sidiwukiso sako, Mkoma,
ni msengeletano wo sawuleka
wa dhumisa kuthembeka kwako.
6I mani a ku nzumani a dinganako ni nawe, kani Mkoma?
I mani, hagari ka sivangwa sa nzumani,
a dinganako ni nawe, kani Mkoma?
7Txizimu njo dingana kuthaviseka,
ngutu msengeletanoni ka vasawuleki;
txona nja hombe ni kuguletwa ngutu ngu votshe va txi randelako.
8 Mkoma, Txizimu txa mtamo wotshe,
kuwalo wo fana ni nawe!
Mtamo ni kuthembeka kwako si ku randete.
9Awe wa fuma linene, ngako li txi kukumuka
u txi tengisa mavimbi a lona, ngako ma txi vhiluka.
10U ganyatete Rahabhi txingongongo txa lineneni, u txi daya;
ngu mtamo wako wa hombe u hangalasile valala vako.
11Awe u Mkoma wa nzuma ni mafu,
u vangile ditiko ni sotshe si si manekako ka dona.
12U vangile Wuphemba ni Wulambwe;
mimango ya Tabhori ni Hermoni ya embelela ditina dako.
13Diwoko dako di ni mtamo, dianza dako di tsani,
dianza dako da txinene di ni wurena!
14Mfumo wako wu tsanisilwe
ngu kululama ni ditshuri,
lirando ni ditshuri si ni nawe masoni kwako.
15Va katekile vathu vale va zivako ku kudhumisa, Mkoma,
avale va hanyako kuwonekelani ka khohe yako.
16Otshe masiku va tsaka ngu ngawe
va nengela ngu mhaka ya wunene wako.
Txithembiso txa Txizimu ka Dhavhidha
17Kha ditshuri, awe u mtamo wathu ni wudhumo wathu;
wurena wathu wa tsaniswa ngu wunene wako.
18Nguko Mkoma m'vhikeli wathu.
Kambe Msawuleki wa ka Israyeli,
i ku ene Mfumeli wathu!
19Kale u wombawombile ngu siwoniso
ka sithumi sako so thembeka u txi khawe:
“Ni ningile mtamo dizambi da ndena;
ni fumisile dijaha, ni ngadi sawula hagari ka vathu vangu.”
20Ni mani Dhavhidha txithumi txangu;
ni mmahile mfumeli ngu ku mtota mafura o sawuleka.
21Mtamo wangu yotshe mbimo wu na va ni nene
ni wukoma wangu wu na mtsanisa.
22Valala kha va na mbi mkanganyisa
hambi sigevenga kha si na mbi mxula.
23Ni na mbembemelisa valala vakwe masoni kwakwe;
ni na lovisa avale va mrandelako!
24Kuthembeka kwangu ni lirando langu si na va ni nene;
ngu ditina dangu wu na tsana wukoma wakwe.
25Ni na andisa wukoma wakwe txitimwi ka linene
ni mfumo wakwe txitimwi ka minambo.
26Ene a na ni dhana, a txi khene:
“Awe u tate wangu, u Txizimu txangu,
txi txi ni hanyisako ni ku ni vhikela.”
27 # Wona ni ka: Mtu. 1:5. “Ani ni na mninga tifanelo
ta mwanana wa matiwula;
a na fuma txitimwi ka vafumeli va ditiko.
28Wumbilu wangu ni nene wu na simama kala kupinduka
ni txitumelelano txangu
txi na tsana yotshe mbimo.
29Ni na maha ti to lihunzu lakwe
li simama kala kupinduka,
li txi fuma ngu malembe ni malembe kufana ni nzuma.
30Ngako liveleko lakwe li txi leka mlayo wangu,
ngako va si tsimbili madingano ni sileleto sangu,
31ngako va txi ndaka mithetho yangu
va si vekisi sirumo sangu,
32koneko, ni na tsayisa sionho sawe ngu ndonga,
ni txi va khawulisa wubihi wawe ngu sisephu.
33Aniko kha ni na mbi leka kuranda Dhavhidha,
kha ni na mbi leka kumaha sithembiso sangu kwakwe.
34Kha ni na mbi funya txitumelelano txangu,
hambi kutshumeta sixambanyo si ni nga si maha.
35Ni xambanyile kumweko
ngu wusawuleki wangu
kha ni na mbi m'dyelela Dhavhidha.
36Situkulwana sakwe si na fuma kala kupinduka,
txikhalo txakwe txa wukoma
txi na simama masoni kwangu nga ditambo;
37txi na zumba txi di tsani yotshe mbimo,
nga mtxima, i ku fakazi
ya kuthembeka yi ku nzumani.”
Kuxulwa ka mfumeli
38Hambi keto, awe Mkoma,
u henyete msawulwa wako;
u karate ngu ngene u txi mtsukula.
39U tshotshile txitumelelano
txi u nga ti natxo ni txithumi txako;
u tshotshile hahatshi m'bhoti wakwe.
40U khundumusile otshe maguma a didhoropa;
u mahile marumbi mikhokhola ya kona.
41Votshe vapindi va nzila
va wulela ve handa;
vaakelani vakwe va mxowokisela.
42U ningile wudhundo ka diwoko da txinene da valala vakwe,
u tsakisile valala vakwe votshe.
43U pinyetile kuhinda ka ditxhari dakwe
kambe khwa mtsanisa kulwani.
44U txhipisile wudhumo wakwe;
u txi wisa hahatshi txikhalo txakwe txa wukoma.
45U komisile masiku a wuphya wakwe;
u mfenengetile ngu tingana.
Kukombela kutxhatxhiswa
46 Mkoma, kala mbimo muni,
u na ti sisa kala kupinduka kani?
Txiviti txako txi na tura nga mndilo yotshe mbimo kani?
47Alakanya, Mkoma, ti to wutomi wangu wu komile!
Votshe vathu, u nga va va nga,
va pinda ngu kukuluveta.
48Ina waho m'thu wo mbi fa kani?
I mani a no sikota kuhuluka
ka mtamo wa lifo kani?
49 Mkoma, li hani lirando lako la kale,
lirando li u nga xambanyela Dhavhidha
ngu kuthembeka kwako kani?
50Alakanya, Mkoma, siruko so wukela txithumi txako;
ni rwate hakhana kwangu
siruko sa yotshe mifumo,
51asi valala vako va hi onhelako ngu sona, Mkoma!
Hani ni hani a yako kona
msawulwa wako, va mruka!
52A na dhumiswe Mkoma kala kupinduka.
Amen! Ni Amen!
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.