Masalmo 7
7
Mkombelo wo kombela wululamo
Ndando yi Dhavhidha a nga embelela ka Mkoma ngu mhaka ya Kuxe, wa ka Bhenjamini
1 Mkoma, Txizimu txangu, ni thavela kwako;
ni hulukise ka votshe vale va ni xanisako,
u txi ni hanyisa!
2Va nga thuka va txi ni vharulela nga ngonyamo,
va txi ni bhenulela, ku txi pwateka
ni wammweyo wa ku ni vhuna.
3Awe Mkoma, Txizimu txangu,
ngako ni di mahile to biha,
ngako manza angu ma di mahile txionho,
4ngako ni di tshumetete mndoni wangu wunene ngu wubihi,
ngako ni di xanisile mlala wangu ti si nga ni fanelo,
5konaho mlala wangu a na ni hinge a txi ni ñola,
a na ni wise hahatshi a txi ni phwarasela.
6Khukha u txi ema, ngu kuhenya kwako, Mkoma,
u txi ni vhikela ka tshofu ya valala vangu.
Wuka, Txizimu txangu, u txi womba awu a ku ni mnandu.
7Tshanganisa otshe matiko mata kurandela
u txi ma fuma u di txitimwi ka txikhalo txako txa wukoma.
8 Mkoma, ngawe u lamulako vathu.
Ni lamule, Mkoma, madingano ni fanelo yangu
ni lamule madingano ni hawa
ni ku si nga ni mnandu, awe Nyatxitimwi.
9 # Wona ni ka: Mtu. 2:23. Fuvisa wubihi wa vabihi
tsanisa avale i ku vavanene,
awe u wonisisako timbilu ni mialakanyo,
awe u ku Txizimu txa kululama.
10Txitxhavangu txangu txi ni vhikelako i Txizimu,
Muhanyisi wa timbilu to lulama.
11Txizimu i mlamuli wo lulama,
txona txa nyenyana ni txionho yotshe mbimo.
12Ngako m'thu asi hinduki,
Txizimu txi na lota ditxhari da txona;
txona txi kungile wulaho wa txona, txi wu riya
13txa xungameta tingove ta txona to tura.
Txi lulamisile matxhari a txona o daya.
14Wonani m'thu wo soholoka wa lumwa ngu txionho,
ana ni txirumbu txa wubihi
se a na veleka makuhu.
15A kete diphala a txi di hokomisa
kambe a tshumete a txi wela ka dona.
16Wubihi wakwe ni tshofu yakwe
si na wele txitimwi ka msungo wakwe.
17Ni na dhumisa Mkoma
ngu mhaka ya kululama kwakwe:
Ni na embelela ni dhumisa
Mkoma Nyatxitimwi.
Currently Selected:
Masalmo 7: BEC2016
Highlight
Copy
Compare
Share
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.
