Masalmo 69
69
Mkombelo wa m'thu wu a xaniswako
Ngu ka Dhavhidha. Ka mthangeli wa vaembeleli-ngu mpfumawulo wa “Makhoñwa”.
1Ni hanyise, Txizimu, nguko
ni hafuhi ni kubhwabhwamela.
2Na hojomela diphalani ko hokoma ka ndope,
kha ni nga ni ko kanda kona.
Ni maneka ni di mu ka mati o mita ngutu
ni mpswinga se wa ni ndinda.
3Na foma dipswi ngu kupeka huwa,
mkolo wangu omile, wa panda;
maso angu ma karala
ngu kurinzela, Txizimu txangu!
4 # Wona ni ka: Mas. 35:19; Joh. 15:25. Mbavangi vale va ni bavelako
na va si nga ni ditshuri
kupinda misisi ya ha msungo kwangu;
mbavangi ngutu valala vangu
avale va hembako ngutu ngu ngani.
Se ni na tshumeta asile ni nga mbi pa kani?
5Awe, Txizimu, wa wu ziva ta tinene wupumbu wangu;
kha ni sikoti ku kusisela siphazamo sangu.
6Va nga ve ni tingana ngu mhaka yangu
avale va kuthembako, awe Mkoma,
Mkoma wa Mabutho a Tiyimbi;
avale va ku lavako va nga thuke
ve kanganyiswa ngu mhaka yangu,
awe Txizimu txa ka Israyeli.
7Ngu mhaka ya lirando ni nawe
ni zumba ngu kuruketelwa;
khohe yangu ya thelwa tingana.
8Hagari ka vanathu no nga no va mthuyo;
kha ni ziwi ngu vanana va mame wangu.
9 # Wona ni ka: Joh. 2:17; Var. 15:3. Kukhatalela nyumba yako ka ni dya;
siruko sa vale va ku ruketelako
si wete txitimwi kwangu.
10Nguko hambi ni txi dila ni kutitona sakudya
vona va ni xowokisela;
11hambi ni txi ambala mkhwasi
vona va ni tseketsela.
12Va womba-womba ngu ngani mu tinzilani ka didhoropa
ni madevi ma embelela tindando ngu ngani.
13Aniko, ani, Mkoma, ni ta kwako ngu mkombelo;
Txizimu, ni xamule, ngako u txi ti wona i di ta tinene,
ni xamule, ngu lirando lako la hombe!
Awe u ku m'vhuneteli wo thembeka,
14ni thavise ndopeni, kasiku ni si hojomeli!
Ni hanyise ka va va ni vengako ni ka mati o mita!
15U nga ni leke ni txi ndindwa ngu mpswinga;
u nga ni leke ni mitwa ngu diphala do hokoma
u nga tumele ti to txisofu txa txisima txi vhaleka txitimwi kwangu!
16Ni xamule, awe Mkoma,
nguko lirando lako mbunene;
ni wone, ngu wumbilu wako wa hombe.
17U nga ni sisele khohe yako ani txithumi txako;
ni xamule ngu kukuluveta, nguko ni ha phangoni!
18Tshuketa hafuhi kwangu u ni hanyisa;
ni ponise ka valala vangu!
19Awe wa si ziva siruko,
tingana ni si eyiso si si nga ni xupha;
awe wa va ziva valala vangu!
20Siruko si ni bhandisete mbilu, se ni lwala.
Ni lavile wo ni pfela wusiwana,
aniko kha na mmana;
kha na mana ni wammweyo wo ni tangalisa.
21 # Wona ni ka: Mat. 27:48; Mar. 15:36; Luk. 23:36; Joh. 19:28-29. Va ni ningile nyongwa,
yi maha sakudya sangu
mbimo yi ni nga pfa ditora,
va ni ningile vhinagre.
22Mibuso yakwe yi na hinduke yi maha milawu,
yi txi daya ene ni vale a nga va ramba.
23Maso awe ma na phume, kasiku va si woni;
siwunu sawe si na zumbe si txi dhudhumela.
24Theketa txiviti txako txitimwi kwawe;
va na hokelwe ngu dikhulo da kuhenya kwako!
25 # Wona ni ka: Mith. 1:20. Wugovelo wawe wu na mahe txiwula
kambe ku nga maneke ni wammweyo
wo zumba matendani kwawe,
26nguko vona va xanisa avale u nga va peka,
va xowokisela avale u nga va tsayisa.
27Va leke ve engetela mtalo wa sionho sawe
u nga va tumetise ti to ve mana tsetselelo yako.
28Va pfhute mu ka dibhuku dako da wutomi!
U nga va veke mu ka mtengo wa vo lulama!
29Aniko ani ni pandisekako ni kuxaniseka,
ni wuse, u txi ni hanyisa, awe Txizimu.
30Ni na dhumisa Txizimu txathu ngu tindando;
ni na txi pfalisa ngu kubonga.
31Atiya ti na tsakisa ngutu ka Txizimu
kupinda timhamba, madhuna ni marole.
32Avale va ti vekako hahatshi
va na ti wone ve tsaka
ni vale va lavako Txizimu
va nave ni kutsana,
33nguko Txizimu txa engisa sikulungu
txona kha txi tsakeli vathu va txona va di kupandisekani.
34Dhumisani Mkoma anu tinzuma ni mafu,
linene ni sotshe sivangwa si si ku ka lona!
35Kha ditshuri, Txizimu txi na hanyisa Siyoni,
txi txi aketa madhoropa a Judha,
se va na wuya avale va nga ti tutumisilwe.
36Vatukulu va sithumi sa Txizimu
va na dya thomba ya Siyoni
se va na aka koneyo avale va txi randako.
Currently Selected:
Masalmo 69: BEC2016
Highlight
Copy
Compare
Share
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.
Masalmo 69
69
Mkombelo wa m'thu wu a xaniswako
Ngu ka Dhavhidha. Ka mthangeli wa vaembeleli-ngu mpfumawulo wa “Makhoñwa”.
1Ni hanyise, Txizimu, nguko
ni hafuhi ni kubhwabhwamela.
2Na hojomela diphalani ko hokoma ka ndope,
kha ni nga ni ko kanda kona.
Ni maneka ni di mu ka mati o mita ngutu
ni mpswinga se wa ni ndinda.
3Na foma dipswi ngu kupeka huwa,
mkolo wangu omile, wa panda;
maso angu ma karala
ngu kurinzela, Txizimu txangu!
4 # Wona ni ka: Mas. 35:19; Joh. 15:25. Mbavangi vale va ni bavelako
na va si nga ni ditshuri
kupinda misisi ya ha msungo kwangu;
mbavangi ngutu valala vangu
avale va hembako ngutu ngu ngani.
Se ni na tshumeta asile ni nga mbi pa kani?
5Awe, Txizimu, wa wu ziva ta tinene wupumbu wangu;
kha ni sikoti ku kusisela siphazamo sangu.
6Va nga ve ni tingana ngu mhaka yangu
avale va kuthembako, awe Mkoma,
Mkoma wa Mabutho a Tiyimbi;
avale va ku lavako va nga thuke
ve kanganyiswa ngu mhaka yangu,
awe Txizimu txa ka Israyeli.
7Ngu mhaka ya lirando ni nawe
ni zumba ngu kuruketelwa;
khohe yangu ya thelwa tingana.
8Hagari ka vanathu no nga no va mthuyo;
kha ni ziwi ngu vanana va mame wangu.
9 # Wona ni ka: Joh. 2:17; Var. 15:3. Kukhatalela nyumba yako ka ni dya;
siruko sa vale va ku ruketelako
si wete txitimwi kwangu.
10Nguko hambi ni txi dila ni kutitona sakudya
vona va ni xowokisela;
11hambi ni txi ambala mkhwasi
vona va ni tseketsela.
12Va womba-womba ngu ngani mu tinzilani ka didhoropa
ni madevi ma embelela tindando ngu ngani.
13Aniko, ani, Mkoma, ni ta kwako ngu mkombelo;
Txizimu, ni xamule, ngako u txi ti wona i di ta tinene,
ni xamule, ngu lirando lako la hombe!
Awe u ku m'vhuneteli wo thembeka,
14ni thavise ndopeni, kasiku ni si hojomeli!
Ni hanyise ka va va ni vengako ni ka mati o mita!
15U nga ni leke ni txi ndindwa ngu mpswinga;
u nga ni leke ni mitwa ngu diphala do hokoma
u nga tumele ti to txisofu txa txisima txi vhaleka txitimwi kwangu!
16Ni xamule, awe Mkoma,
nguko lirando lako mbunene;
ni wone, ngu wumbilu wako wa hombe.
17U nga ni sisele khohe yako ani txithumi txako;
ni xamule ngu kukuluveta, nguko ni ha phangoni!
18Tshuketa hafuhi kwangu u ni hanyisa;
ni ponise ka valala vangu!
19Awe wa si ziva siruko,
tingana ni si eyiso si si nga ni xupha;
awe wa va ziva valala vangu!
20Siruko si ni bhandisete mbilu, se ni lwala.
Ni lavile wo ni pfela wusiwana,
aniko kha na mmana;
kha na mana ni wammweyo wo ni tangalisa.
21 # Wona ni ka: Mat. 27:48; Mar. 15:36; Luk. 23:36; Joh. 19:28-29. Va ni ningile nyongwa,
yi maha sakudya sangu
mbimo yi ni nga pfa ditora,
va ni ningile vhinagre.
22Mibuso yakwe yi na hinduke yi maha milawu,
yi txi daya ene ni vale a nga va ramba.
23Maso awe ma na phume, kasiku va si woni;
siwunu sawe si na zumbe si txi dhudhumela.
24Theketa txiviti txako txitimwi kwawe;
va na hokelwe ngu dikhulo da kuhenya kwako!
25 # Wona ni ka: Mith. 1:20. Wugovelo wawe wu na mahe txiwula
kambe ku nga maneke ni wammweyo
wo zumba matendani kwawe,
26nguko vona va xanisa avale u nga va peka,
va xowokisela avale u nga va tsayisa.
27Va leke ve engetela mtalo wa sionho sawe
u nga va tumetise ti to ve mana tsetselelo yako.
28Va pfhute mu ka dibhuku dako da wutomi!
U nga va veke mu ka mtengo wa vo lulama!
29Aniko ani ni pandisekako ni kuxaniseka,
ni wuse, u txi ni hanyisa, awe Txizimu.
30Ni na dhumisa Txizimu txathu ngu tindando;
ni na txi pfalisa ngu kubonga.
31Atiya ti na tsakisa ngutu ka Txizimu
kupinda timhamba, madhuna ni marole.
32Avale va ti vekako hahatshi
va na ti wone ve tsaka
ni vale va lavako Txizimu
va nave ni kutsana,
33nguko Txizimu txa engisa sikulungu
txona kha txi tsakeli vathu va txona va di kupandisekani.
34Dhumisani Mkoma anu tinzuma ni mafu,
linene ni sotshe sivangwa si si ku ka lona!
35Kha ditshuri, Txizimu txi na hanyisa Siyoni,
txi txi aketa madhoropa a Judha,
se va na wuya avale va nga ti tutumisilwe.
36Vatukulu va sithumi sa Txizimu
va na dya thomba ya Siyoni
se va na aka koneyo avale va txi randako.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.