Masalmo 68
68
Txizimu txa ninga kuxula
Ka mthangeli wa vaembeleli. Disalmo ni ndando ya wuembeleli wa Dhavhidha
1Mbimo yi Txizimu txi wukako,
valala va txona va hangalaka;
avale va txi zondako va txi thava;
2va mwalala nga wutshi hagari ka mpfhuka,
va nyivilika nga phula ha mndiloni.
Ngu tonti vathu vo biha
va fisako tona, masoni ka Txizimu!
3Aniko vavanene va tsaka masoni ka Txizimu,
va maha migiyo, va giringa ngu kutsaka!
4Embelelani ka Txizimu, embelelani tindando
mi dhumisa ditina da txona,
dhumisani awule a tsimbilako txitimwi ka marefu.
Ditina dakwe i Txizimu!
Tsakani masoni kwakwe!
5Txizimu txi zumbako mu Dithepeleni ka txona ko sawuleka,
i tate wa sikulungu, kambe m'vhikeli wa tinoni.
6Txizimu txa komba ka txikulungu
wukhalo wa kuhanya ka wona
txa txhatxhisa avale i ku vo sungwa;
aniko vakanganyisi va na hanyela ditikoni ko oma.
7Txizimu, mbimo yi u nga huma u txi thangela masoni ka vathu vako,
u txi tshawunyeta navo txiwula,
8 # Wona ni ka: Eks. 19:18. mafu ma to dekadeka, se mati me wa ngu nzumani,
ngu mhaka ya kuva txi diho Txizimu txa Sinayi,
ngukuva a diho Mkoma, Txizimu txa Israyeli.
9Awe Txizimu, awe u mahile ma txi na mati ngu mtalo;
u wusetile mafu awa i ku ako.
10Vathu vako va akile kona ha mafuni;
se awe, Txizimu, u tsanisile txisiwana ngu wunene wako.
11 Mkoma a leletile dipswi,
se vavasikati vavangi ve huwelela mahungu awa:
12“Vafumeli ni mabutho awe ndivale va thava,
m'tini vavasikati va phakelana
sile si nga honyolwa ka mlala.”
13Hambi mi di otete sibalani ka sifuyo sanu.
Mabhapi a situvani ma pometwe ngu silivhela
ni mitenga ya sona ya phatima nga nzalama.
14Ngako awule wa Mtamo-wotshe
a txi hangalasa wukoma,
konako hunguva yi ti ti wa mmangoni ka Salmoni.
15Mimango ya Bhasani yi laphile ngutu!
Titshoka ta yona ti gulekile ngutu!
16Anu mimango yo demba,
ngu kutxani mi wona ngu kubavela
mmango wu Txizimu txi nga wu sawula
kasi kumaha dizumbo da txona kani?
Mkoma a na zumba ka wona kala kupinduka!
17Sikotxikani sa Txizimu magumi mambidi
a ma 1.000 a ma 1.000 ni ma 1.000;
Mkoma a tile ngu Sinayi a txi ta wukhaloni ko sawuleka.
18Awe u kwete txitimwi u tsulisile khumbi wukhumbini,
u amukete nduwo ka vathu;
hambi ni vaeyisi va khozile kwako, Mkoma!
19A na dhumiswe Mkoma, ditshiku ni ditshiku;
ene a hi ponisile; Txizimu i muhanyisi wathu!
20Txizimu txathu, Njizimu txa kuhanyisa;
se ka Mkoma Txizimu ku ni mtamo wo hulukisa ka lifo.
21Kambe Txizimu txi na fayetela ngutu misungo ya valala va txona
ni sikwakwa sa didzidzi,
sa vale va omelelako minanduni kwawe.
22 Mkoma a wombile a txi khene:
“Ni na tisa ngu Bhasani valala vako,
ni na va tisa ngu hahatshi ka linene.
23Ngu toneto, u na nakanisa mikondo mu ka mnoha wawe
se sirumbi sawe si na va i di sakudya sa timbwa tako.”
24Txizimu, va ku woni kutsimbila kwako,
kutsimbila ka Txizimu txangu ni mfumeli wangu,
mbimo yi a wulelako txiluveloni kwakwe ko sawuleka.
25Vaembeleli va thangela masoni
ni vaveti va sivetaveta msana;
hagari ka vona ku ni mahorana,
ma vetako singomana.
26Dhumisani Txizimu misengeletanoni!
Vathu votshe va ka Israyeli
va na dhumise Mkoma!
27Wonani! Masoni kuthangela Bhenjamini, wa lihunzu la lidotho;
ngu msana, tinduna ta Judha kumweko ni vathu vawe,
va londetelwako ngu tinduna ta Zebhuloni ni ta Naftali.
28Txizimu, komba mtamo wako,
mtamo wu u nga hi vhuna ngu wona athu.
29Dithepele dako di maneka Jerusalema;
vafumeli va tsula koneyo va txi ya ku mahela siningo.
30Kawuka mawuti a titshavani,
mtxhambi wa hombe wa tikuzi
ni marole a kona a vathu
va ganyatelako siya sawe sa silivhela ngu mikondo
ve hangalasa vathu va va dhundako yimbi!
31Ngu Egipta ku nata tinganakana;
Vaetiyopiya va na guleta manza
ve khongela ka Txizimu.
32Embelelani ka Txizimu, vathu va mafu,
embelelani tindando ka Mkoma.
33Ka wule tsimbilatsimbilako a di gadhile tinzuma ta tinzuma, kukhukhela kaleko!
Wona taku wa rumela dipswi dakwe
ni kuninga kudhinda ko thisa ngutu.
34Zivani mtamo wa Txizimu.
Wuhombe wa txona wa tshanganisa
ditiko da ka Israyeli;
mtamo wa txona wa eneta kotshe kuanama ka tinzuma.
35Txizimu txa thaviseka txiluveloni ka txona ko sawuleka,
Txizimu txa ka Israyeli txi ningako mtamo
ni wukoma ka vathu va txona!
Txi na dhumiswe Txizimu!
Currently Selected:
Masalmo 68: BEC2016
Highlight
Copy
Compare
Share
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.
Masalmo 68
68
Txizimu txa ninga kuxula
Ka mthangeli wa vaembeleli. Disalmo ni ndando ya wuembeleli wa Dhavhidha
1Mbimo yi Txizimu txi wukako,
valala va txona va hangalaka;
avale va txi zondako va txi thava;
2va mwalala nga wutshi hagari ka mpfhuka,
va nyivilika nga phula ha mndiloni.
Ngu tonti vathu vo biha
va fisako tona, masoni ka Txizimu!
3Aniko vavanene va tsaka masoni ka Txizimu,
va maha migiyo, va giringa ngu kutsaka!
4Embelelani ka Txizimu, embelelani tindando
mi dhumisa ditina da txona,
dhumisani awule a tsimbilako txitimwi ka marefu.
Ditina dakwe i Txizimu!
Tsakani masoni kwakwe!
5Txizimu txi zumbako mu Dithepeleni ka txona ko sawuleka,
i tate wa sikulungu, kambe m'vhikeli wa tinoni.
6Txizimu txa komba ka txikulungu
wukhalo wa kuhanya ka wona
txa txhatxhisa avale i ku vo sungwa;
aniko vakanganyisi va na hanyela ditikoni ko oma.
7Txizimu, mbimo yi u nga huma u txi thangela masoni ka vathu vako,
u txi tshawunyeta navo txiwula,
8 # Wona ni ka: Eks. 19:18. mafu ma to dekadeka, se mati me wa ngu nzumani,
ngu mhaka ya kuva txi diho Txizimu txa Sinayi,
ngukuva a diho Mkoma, Txizimu txa Israyeli.
9Awe Txizimu, awe u mahile ma txi na mati ngu mtalo;
u wusetile mafu awa i ku ako.
10Vathu vako va akile kona ha mafuni;
se awe, Txizimu, u tsanisile txisiwana ngu wunene wako.
11 Mkoma a leletile dipswi,
se vavasikati vavangi ve huwelela mahungu awa:
12“Vafumeli ni mabutho awe ndivale va thava,
m'tini vavasikati va phakelana
sile si nga honyolwa ka mlala.”
13Hambi mi di otete sibalani ka sifuyo sanu.
Mabhapi a situvani ma pometwe ngu silivhela
ni mitenga ya sona ya phatima nga nzalama.
14Ngako awule wa Mtamo-wotshe
a txi hangalasa wukoma,
konako hunguva yi ti ti wa mmangoni ka Salmoni.
15Mimango ya Bhasani yi laphile ngutu!
Titshoka ta yona ti gulekile ngutu!
16Anu mimango yo demba,
ngu kutxani mi wona ngu kubavela
mmango wu Txizimu txi nga wu sawula
kasi kumaha dizumbo da txona kani?
Mkoma a na zumba ka wona kala kupinduka!
17Sikotxikani sa Txizimu magumi mambidi
a ma 1.000 a ma 1.000 ni ma 1.000;
Mkoma a tile ngu Sinayi a txi ta wukhaloni ko sawuleka.
18Awe u kwete txitimwi u tsulisile khumbi wukhumbini,
u amukete nduwo ka vathu;
hambi ni vaeyisi va khozile kwako, Mkoma!
19A na dhumiswe Mkoma, ditshiku ni ditshiku;
ene a hi ponisile; Txizimu i muhanyisi wathu!
20Txizimu txathu, Njizimu txa kuhanyisa;
se ka Mkoma Txizimu ku ni mtamo wo hulukisa ka lifo.
21Kambe Txizimu txi na fayetela ngutu misungo ya valala va txona
ni sikwakwa sa didzidzi,
sa vale va omelelako minanduni kwawe.
22 Mkoma a wombile a txi khene:
“Ni na tisa ngu Bhasani valala vako,
ni na va tisa ngu hahatshi ka linene.
23Ngu toneto, u na nakanisa mikondo mu ka mnoha wawe
se sirumbi sawe si na va i di sakudya sa timbwa tako.”
24Txizimu, va ku woni kutsimbila kwako,
kutsimbila ka Txizimu txangu ni mfumeli wangu,
mbimo yi a wulelako txiluveloni kwakwe ko sawuleka.
25Vaembeleli va thangela masoni
ni vaveti va sivetaveta msana;
hagari ka vona ku ni mahorana,
ma vetako singomana.
26Dhumisani Txizimu misengeletanoni!
Vathu votshe va ka Israyeli
va na dhumise Mkoma!
27Wonani! Masoni kuthangela Bhenjamini, wa lihunzu la lidotho;
ngu msana, tinduna ta Judha kumweko ni vathu vawe,
va londetelwako ngu tinduna ta Zebhuloni ni ta Naftali.
28Txizimu, komba mtamo wako,
mtamo wu u nga hi vhuna ngu wona athu.
29Dithepele dako di maneka Jerusalema;
vafumeli va tsula koneyo va txi ya ku mahela siningo.
30Kawuka mawuti a titshavani,
mtxhambi wa hombe wa tikuzi
ni marole a kona a vathu
va ganyatelako siya sawe sa silivhela ngu mikondo
ve hangalasa vathu va va dhundako yimbi!
31Ngu Egipta ku nata tinganakana;
Vaetiyopiya va na guleta manza
ve khongela ka Txizimu.
32Embelelani ka Txizimu, vathu va mafu,
embelelani tindando ka Mkoma.
33Ka wule tsimbilatsimbilako a di gadhile tinzuma ta tinzuma, kukhukhela kaleko!
Wona taku wa rumela dipswi dakwe
ni kuninga kudhinda ko thisa ngutu.
34Zivani mtamo wa Txizimu.
Wuhombe wa txona wa tshanganisa
ditiko da ka Israyeli;
mtamo wa txona wa eneta kotshe kuanama ka tinzuma.
35Txizimu txa thaviseka txiluveloni ka txona ko sawuleka,
Txizimu txa ka Israyeli txi ningako mtamo
ni wukoma ka vathu va txona!
Txi na dhumiswe Txizimu!
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.