Masalmo 61
61
Kutsana masoni ka Txizimu
Ngu ka Dhavhidha. Ka mthangeli wa vaembeleli - Ngu siya so embelela ngu tingoti.
1Engisa huwa yangu, awe Txizimu,
u amukela txikhongelo txangu!
2Ni di magwito ka mafu, na peka huwa kwako,
ngu mbilu yangu yo rereka.
Ni veke txitimwi ka dirigwi
do lapha ngutu ku ni pinda.
3Awe u wuthavelo wangu
kambe u txitezi txo tsana,
atxi txi ni hulukisako ka mlala!
4Ni lava kuhanyela nyumbani kwako, yotshe mbimo,
ni vhikelwa hahatshi ka mabhapi ako.
5Awe koko Txizimu, u engisile sixambanyo sangu
u amukete txikombelo txa vale va ku dhumisako.
6U na laphisa masiku a kuhanya ka mfumeli;
se malembe akwe ma nga a tiveleko tatingi.
7Ene a na va masoni ka Txizimu kala kupinduka.
Lirando lako ni kululama si na mxayise.
8Ngu toneto, ni na embelela masalmo
ka ditina dako ngu ha ku si gwitiko,
kasi kutatisa sixambanyo sangu ditshiku ni ditshiku.
Currently Selected:
Masalmo 61: BEC2016
Highlight
Copy
Compare
Share
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.
