Masalmo 47
47
Txizimu, Mfumeli wa otshe mafu
Ndando ya mtxawa wa ka Kora. Ka mthangeli wa vaembeleli
1Anu motshenu vathu, pekani manza!
Losani Txizimu ngu mikulungwani ya kutsaka!
2Nguko Mkoma Nyatxitimwi mbwa kuthisa;
ngene Mfumeli wa hombe wa mafu otshe.
3 Mkoma a khozisile vamatiko, e va veka hahatshi ka mfumo wathu
a txi nonisa mifumo hahatshi ka mikondo yathu.
4Athu a hi sawulete thomba yathu,
wudhumo wa Jakobe, txirandwa txakwe.
5Txizimu txi txhatukile txitimwi
hagari ka mikulungwani ni kuvetwa ka mpundu!
6Embelelani tindando ka Txizimu, embelelani!
Embelelani tindando ka Mkoma wathu, embelelani!
7Txizimu i Mfumeli wa sotshe!
Embelelani tindando to tsakisa ngutu!
8Txizimu txa fuma txitimwi ka votshe vathu,
Txizimu txi khalahatshile ha txikhaloni ka wukoma.
9Vathangeli va vathu va tshangani
ve ti pata ni vathu va Txizimu txa Abrahamu.
Nguko mifumo ya ha mafuni yi lumba Txizimu;
Txizimu txi maneka txitimwi ka sotshe!
Currently Selected:
Masalmo 47: BEC2016
Highlight
Copy
Compare
Share
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.
