Masalmo 45
45
Ndando ya mtxhadho wa mfumeli
Ka mthangeli wa vaembeleli - ngu mpfumawulo a “Makhoñwa.” Txithokozelo txa mtxawa wa Kora. Ndando ya lirando.
1Mbilu yangu yi tate ngu mapswi o tshura ngutu;
ni na thula ndando yangu
ya ku embeleta mfumeli wa ditiko!
Lidimi langu i peniselo ya m'bhali wo txhariha.
2Awe u dijaha do tshura ngutu kupinda otshe majaha!
Txisofu txako txi womba mapswi o xamalisa
Ngu toneto, Txizimu txi kukatekisile kala kupinduka.
3Awe ndena, khweketa ditxhari dako txiwununi;
dona da kuhanela ni ku kupfalisa!
4Kupfalisekani kwako, gadha dihantxhi dako u ya lwela ditshuri,
u txi lwela txisiwana ni wo lulama
mtamo wako wupune wu na kukomba
sidiwukiso si u fanelako ku si maha.
5Tingove tako ti lotilwe ta tinene;
mabutho a tiyimbi ma khoziswa mikondoni kwako;
valala vako va thelwa dikhodho masoni kwako.
6 # Wona ni ka: Vaheb. 1:8-9. Txikhalo txako txa wukoma
txi fanana ni txikhalo txa Txizimu
txi txi hanyako kala kupinduka,
wukoma wako wu na va mfumo wa kululama.
7Awe u fanete kuranda kululama, u txi nyenya wubihi;
ngu mhaka yeto, Txizimu, Txizimu txako,
txi ku sawulete toneto hagari ka majaha kuloni
txi kusawulekisa ngu mafura
kasi ku kumaha mfumeli.
8Syambalo sako sa bhumula mira, alowesi ni kasiya.
Va kutsakisa ngu tindando
to tshambiselwa ngu txitende!
Tinyumbani ko tshuriselwa
ngu makwasa a tinzofu!
9Vanana va txisikati vavafumeli,
va ti ti ho hagari ka mahorana;
ngu didhawa dako da txinene ku ti ti ni mfumeli wa txisikati,
a nga ambala syambalo so tshuriselwa
ngu nzalama ya lisima ya Ofiri.
10Engisa, mwanangu, engisisa ti ni kugelako;
divala va ka kwanu, ni mwaya wa tate wako,
11nguko mfumeli a bzwetilwe ngu kutshura kwako;
ene ngene mkoma wako: Mu vekele txithavo!
12Se mwanana wa muhorana wa Tiro,
a na va koneyo ni ni siningo;
vanyatithombe va ku hagari ka vathu,
va na kombela wunene wako.
13Mwanana wa muhorana wa mfumeli,
ngene i ku wo woneka nyumbani kwako ka wukoma!
Syambalo sakwe nza nzalama yo lukelwa!
14A di bombisilwe ngu so tshura ngutu,
wa heleketwa ka mfumeli;
a londiselwa ngu mahorana kulowe a tipheleketi.
15Va tsimbila va di tsakile ngutu
ve wulela nyumbani ka wukoma va txi nengela.
16Awe mfumeli, vanana vako ngu vona
va no kutsiveta ha txikhaloni ka wukoma
atxi va nga ti khalahatshile ka txona vakale vako;
u na va veka ve maha tinduna tako ka matiko otshe.
17Ni na maha ti to ditina dako
di alakanywa ka liveleko ni liveleko;
ngu kumaha keto, vathu va na kudhumisa ngu ha ku si gwitiko.
Currently Selected:
Masalmo 45: BEC2016
Highlight
Copy
Compare
Share
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.
Masalmo 45
45
Ndando ya mtxhadho wa mfumeli
Ka mthangeli wa vaembeleli - ngu mpfumawulo a “Makhoñwa.” Txithokozelo txa mtxawa wa Kora. Ndando ya lirando.
1Mbilu yangu yi tate ngu mapswi o tshura ngutu;
ni na thula ndando yangu
ya ku embeleta mfumeli wa ditiko!
Lidimi langu i peniselo ya m'bhali wo txhariha.
2Awe u dijaha do tshura ngutu kupinda otshe majaha!
Txisofu txako txi womba mapswi o xamalisa
Ngu toneto, Txizimu txi kukatekisile kala kupinduka.
3Awe ndena, khweketa ditxhari dako txiwununi;
dona da kuhanela ni ku kupfalisa!
4Kupfalisekani kwako, gadha dihantxhi dako u ya lwela ditshuri,
u txi lwela txisiwana ni wo lulama
mtamo wako wupune wu na kukomba
sidiwukiso si u fanelako ku si maha.
5Tingove tako ti lotilwe ta tinene;
mabutho a tiyimbi ma khoziswa mikondoni kwako;
valala vako va thelwa dikhodho masoni kwako.
6 # Wona ni ka: Vaheb. 1:8-9. Txikhalo txako txa wukoma
txi fanana ni txikhalo txa Txizimu
txi txi hanyako kala kupinduka,
wukoma wako wu na va mfumo wa kululama.
7Awe u fanete kuranda kululama, u txi nyenya wubihi;
ngu mhaka yeto, Txizimu, Txizimu txako,
txi ku sawulete toneto hagari ka majaha kuloni
txi kusawulekisa ngu mafura
kasi ku kumaha mfumeli.
8Syambalo sako sa bhumula mira, alowesi ni kasiya.
Va kutsakisa ngu tindando
to tshambiselwa ngu txitende!
Tinyumbani ko tshuriselwa
ngu makwasa a tinzofu!
9Vanana va txisikati vavafumeli,
va ti ti ho hagari ka mahorana;
ngu didhawa dako da txinene ku ti ti ni mfumeli wa txisikati,
a nga ambala syambalo so tshuriselwa
ngu nzalama ya lisima ya Ofiri.
10Engisa, mwanangu, engisisa ti ni kugelako;
divala va ka kwanu, ni mwaya wa tate wako,
11nguko mfumeli a bzwetilwe ngu kutshura kwako;
ene ngene mkoma wako: Mu vekele txithavo!
12Se mwanana wa muhorana wa Tiro,
a na va koneyo ni ni siningo;
vanyatithombe va ku hagari ka vathu,
va na kombela wunene wako.
13Mwanana wa muhorana wa mfumeli,
ngene i ku wo woneka nyumbani kwako ka wukoma!
Syambalo sakwe nza nzalama yo lukelwa!
14A di bombisilwe ngu so tshura ngutu,
wa heleketwa ka mfumeli;
a londiselwa ngu mahorana kulowe a tipheleketi.
15Va tsimbila va di tsakile ngutu
ve wulela nyumbani ka wukoma va txi nengela.
16Awe mfumeli, vanana vako ngu vona
va no kutsiveta ha txikhaloni ka wukoma
atxi va nga ti khalahatshile ka txona vakale vako;
u na va veka ve maha tinduna tako ka matiko otshe.
17Ni na maha ti to ditina dako
di alakanywa ka liveleko ni liveleko;
ngu kumaha keto, vathu va na kudhumisa ngu ha ku si gwitiko.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.