Masalmo 44
44
Va xutwe, aniko va themba ka Txizimu
Txithokozelo txa mtxawa wa Kora Ka mthangeli wa vaembeleli
1Txizimu, athu hipune hi ti engisile
va txi xawuta atile hi nga gelwa ngu vakale vathu
sidiwukiso si u nga si maha
ka masiku a kuhanya kwawe.
2Awe u tutumisile vathu va timwani tixaka
u akisa ditikoni kwawe vathu vako;
u tsayisile yimwani mifumo
u kulisile vathu vako.
3Kunene hi nga mhaka ya mtamo wa matxhari awe
va nga sikota kuhonyola ditiko,
hi nga mhaka ya wurena wa mawoko awe
va nga za ve di mana;
aniko va di mani ngu mtamo wako wa hombe,
niko u nga ti hafuhi navo,
nguko awe u ti va randa.
4Txizimu, awe ngawe mfumeli wangu!
Ninga kuxula ka vathu vako!
5Hi xula valala vathu ngu mtamo wako,
ngu ditina dako ha ganyatela vaxanisi vathu.
6Ani kha ni thembi wulaho wangu
ni ditxhari dangu ti to si nga ni hanyisa.
7Ngawe u nga hi hulukisa ka valala vathu
ngawe u nga xula avale va hi vengako.
8Hi na kudhumisa, awe Txizimu, yotshe mbimo,
hi na ku bonga kala kupinduka.
9Kambe konkuwa, u hi lekile, u hi thete tingana;
se khuswi u txi pangalata
mabutho athu a tiyimbi.
10U hi lekile hi txi hingwa ngu valala vathu;
ava va hi nyenyako va hi honyolete sathu ngu kuranda kwawe.
11U hi ningete kufana ni tinvuta
to yela kuya dawa;
u hi hangalasile hagari
ka vathu va mamwani matiko.
12U xavisile vathu vako ngu sa kwa mbi nyawula,
kambe khwa engetela mtengo wo xavisa ngu wona thomba.
13U hi mahile sisekiso ka vaakelani;
hi sekwa ni kupoyilelwa
ngu vale va nga hi randela.
14U hi mahile divingu hagari ka matiko,
vathu ve zinginisa misungo ve hi txhipisa.
15Pfilu-pfilu yiho masoni kwangu yotshe mbimo,
se tingana ta khohe yangu ta ni fengeta,
16dipswi da wule a ni wukelako a txi ni ruketela,
ngu mhaka ya mlala ni wule a pharelako.
17Totshe tiya ti tile txitimwi kwathu;
hambi keto kha hi ku divali,
hambi kuva hi di manekile
hi di txhipisile txitumelelano txako.
18Timbilu tathu kha ta tshumelela msana,
hambi mikondo yathu kha ya huma ka ditshuri dako,
19Hambiko u nga hi funyeletela
ka wukhalo wa dragoni,
u hi fengeta ngu mtsudi wa lifo.
20Ngako hi txi divala Txizimu txathu,
se hi nawuluta manza athu ka txizimu txa walo,
21ina Txizimu kha txi na mbi tiziva tona eto kani?
Nguko txona txa ziva txihunja txa mbilu yathu.
22 # Wona ni ka: Var. 8:36. “Ha dawa ngu mhaka yako dotshe ditshiku.
Hi wonwa nga tinvuta to emiselwa kuya kudawani.”
23Vhumuka! Ngu kutxani u otelako kani Mkoma?
Wuka! U nga hi leke kala kupinduka!
24Ngu kutxani u sisa khohe,
u divala kuxaniseka kwathu,
ni kukhoziswa kwathu kani?
25Nguko dihika dathu di wite hahatshi,
ni mimidi yathu yi dombekile kala kugwesa mafu.
26Khukha u txi ta hi vhuna;
hi xangute ngu kurando ka wumbilu wako.
Currently Selected:
Masalmo 44: BEC2016
Highlight
Copy
Compare
Share
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.
Masalmo 44
44
Va xutwe, aniko va themba ka Txizimu
Txithokozelo txa mtxawa wa Kora Ka mthangeli wa vaembeleli
1Txizimu, athu hipune hi ti engisile
va txi xawuta atile hi nga gelwa ngu vakale vathu
sidiwukiso si u nga si maha
ka masiku a kuhanya kwawe.
2Awe u tutumisile vathu va timwani tixaka
u akisa ditikoni kwawe vathu vako;
u tsayisile yimwani mifumo
u kulisile vathu vako.
3Kunene hi nga mhaka ya mtamo wa matxhari awe
va nga sikota kuhonyola ditiko,
hi nga mhaka ya wurena wa mawoko awe
va nga za ve di mana;
aniko va di mani ngu mtamo wako wa hombe,
niko u nga ti hafuhi navo,
nguko awe u ti va randa.
4Txizimu, awe ngawe mfumeli wangu!
Ninga kuxula ka vathu vako!
5Hi xula valala vathu ngu mtamo wako,
ngu ditina dako ha ganyatela vaxanisi vathu.
6Ani kha ni thembi wulaho wangu
ni ditxhari dangu ti to si nga ni hanyisa.
7Ngawe u nga hi hulukisa ka valala vathu
ngawe u nga xula avale va hi vengako.
8Hi na kudhumisa, awe Txizimu, yotshe mbimo,
hi na ku bonga kala kupinduka.
9Kambe konkuwa, u hi lekile, u hi thete tingana;
se khuswi u txi pangalata
mabutho athu a tiyimbi.
10U hi lekile hi txi hingwa ngu valala vathu;
ava va hi nyenyako va hi honyolete sathu ngu kuranda kwawe.
11U hi ningete kufana ni tinvuta
to yela kuya dawa;
u hi hangalasile hagari
ka vathu va mamwani matiko.
12U xavisile vathu vako ngu sa kwa mbi nyawula,
kambe khwa engetela mtengo wo xavisa ngu wona thomba.
13U hi mahile sisekiso ka vaakelani;
hi sekwa ni kupoyilelwa
ngu vale va nga hi randela.
14U hi mahile divingu hagari ka matiko,
vathu ve zinginisa misungo ve hi txhipisa.
15Pfilu-pfilu yiho masoni kwangu yotshe mbimo,
se tingana ta khohe yangu ta ni fengeta,
16dipswi da wule a ni wukelako a txi ni ruketela,
ngu mhaka ya mlala ni wule a pharelako.
17Totshe tiya ti tile txitimwi kwathu;
hambi keto kha hi ku divali,
hambi kuva hi di manekile
hi di txhipisile txitumelelano txako.
18Timbilu tathu kha ta tshumelela msana,
hambi mikondo yathu kha ya huma ka ditshuri dako,
19Hambiko u nga hi funyeletela
ka wukhalo wa dragoni,
u hi fengeta ngu mtsudi wa lifo.
20Ngako hi txi divala Txizimu txathu,
se hi nawuluta manza athu ka txizimu txa walo,
21ina Txizimu kha txi na mbi tiziva tona eto kani?
Nguko txona txa ziva txihunja txa mbilu yathu.
22 # Wona ni ka: Var. 8:36. “Ha dawa ngu mhaka yako dotshe ditshiku.
Hi wonwa nga tinvuta to emiselwa kuya kudawani.”
23Vhumuka! Ngu kutxani u otelako kani Mkoma?
Wuka! U nga hi leke kala kupinduka!
24Ngu kutxani u sisa khohe,
u divala kuxaniseka kwathu,
ni kukhoziswa kwathu kani?
25Nguko dihika dathu di wite hahatshi,
ni mimidi yathu yi dombekile kala kugwesa mafu.
26Khukha u txi ta hi vhuna;
hi xangute ngu kurando ka wumbilu wako.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.