Masalmo 21
21
Kubonga ngu mhaka ya kuxula
Disalmo da Dhavhidha. Ka mthangeli wa vaembeleli.
1Mfumeli wa tsaka
mtamoni kwako, Mkoma,
wa tsaka ngutu,
nguko u mningile kuxula valala.
2U mningile asi a nga ti si navela
ngu mbilu yakwe
khwa mtona asi a nga kukombela.
3U mu hingetile u txi mninga makatekwa
u mu ambekile ha msungo kwakwe
m'bhoti wa nzalama ya yinene.
4Ene a kombete wutomi, se awe u mningile,
wutomi wo lapha, wo fungala, wo mbi na magwito.
5Wudhumo wakwe mbwa hombe,
ngu mhaka ya kuhanyisa kwako;
awe u mningile nduma ni kuxonipheka.
6U mningile makatekwa
o mbi na magwito;
u mninga kuhanya masoni kwako
a di tate ngu litsako.
7Nguko m'fumeli a themba Mkoma
ngu wunene wa Nyatxitimwi
kha na mbi khuvekiswa ngu txilo.
8Dianza da Mkoma di na ñola votshe valala vako;
dianza dako da txinene di na tsayisa
votshe va va ku vengelako.
9U na va turisa kufana ni m'dhikila wa mndilo,
aha u no ti wonekisa,
Ngu kuhenya kwako, u na va fuvisa,
mndilo wa txivavula
wu na va heta.
10U na fuvisa mihando yawe ha mafuni,
kuwalo ni wammweyo
a no sala a txi hanya.
11Valala va langanile kumaha kubiha ni ku kuwukela,
va ni txikungo,
aniko kha va na mbi sikota kumaha txilo.
12Nguko u na va fula
tikhohe ngu tingove;
va na kutshuralela ve tutuma.
13Komba mtamo wako, Mkoma,
hi na embelela, hi txi dhumisa mtamo wako.
Currently Selected:
Masalmo 21: BEC2016
Highlight
Copy
Compare
Share
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.
