Masalmo 139
139
Ku va ho ka Txizimu
Disalmo da Dhavhidha. Ka mthangeli wa vaembeleli.
1 Mkoma, awe u ni xolisisile,
se awe wa ni ziva.
2Awe wa ziva kukhalahatsha kwangu,
ni kukhukha kwangu ni ema;
na u di kule, wa ziva mipimiso yangu.
3Wa ni wona mbimo yi ni tsimbilako
ni mbimo yi ni humulako;
wa tiziva totshe tinzila tangu.
4Ani ni sinzi kutula txisofu txangu,
awe wa tiziva ngu kale ati ni lavako kuwomba.
5Awe u ni bhiyete ngu ka otshe madhawa,
u sanzekile manza ako txitimwi kwangu.
6Wuzivi wo nga eto, kwangu wa xamalisa ngutu;
wuzivi wo guleka ngutu,
kha ni sikoti kuyipfisisa ngu mapimo angu.
7Ni nga ya hani kasi kuya va kule ni Moya wako kani?
Ni nga thavela hani kasi kuve kule
ni khohe yako kani?
8Ngako ni txi kwela nzumani awe waho koneyo;
ngako ni txi relela ditikoni ka vafi, koneyo kambe waho.
9Hambi idiku no mana mabhapi ni puruma ni ya wutxani
mwendo ni txi ya zumba magwito ka linene,
10koneyo dianza dako di na ni tsimbitisa,
kambe dianza dako da txinene di nga ni xayisako!
11Hambi idiku no khani:
“Txidema txi na ni khubhunyete,
sekoko wusiku wu na va i di liwoningo, madhawani kwangu.”
12Hambi txidema kha txi ni sisi kwako;
kambe wusiku wa woninga kufana ni mitshikari;
Kwako txidema ni liwoningo sa fana!
13Nguko u nga wumba kotshe mndani kwangu;
u ni vangile mndani ka mame wangu.
14Na ku bonga, nguko u ni wumbile ngu nzila ya kuxamalisa,
mithumo yako ya diwukisa.
Moya wangu wa tiziva kwati.
15Awe u ni woni mbimo yi
marambu angu ma nga txi wumbwa,
mbimo yi ni nga txi kula kusisalani
mndani ka mame wangu.
16Maso ako ma ni woni ni si se velekwa.
Otshe masiku a kuhanya kwangu
ma bhatwe dibhukuni kwako;
ma batwe mtengo wa ona ma sinzi ku va ho.
17 Mkoma, makungo ako
ma ni lisima ngutu kwangu!
Mtengo wa ona mbwa hombe ngutu.
18Idiku na lava ku ma bala,
nga ma txi pinda mafu ngu kutala;
idiku no hoka magwito, nga ni si sikoti ku kupima awe.
19Txizimu, fuvisa avale va mahako kubiha,
anu sigevenga, hambukani
mi tsula kule ni nani.
20Evo vathu va womba-womba kubiha ngu ngawe,
valala vako va womba-womba kubiha ngu ditina dako.
21 Mkoma, ina kha ni va vengi
avale va ku vengako kani?
Kha ni va nyenyi avale va ku wukelako kani?
22Na va nyenya ngu wotshe mtamo wangu!
Ni va wona i di valala vangu!
23Ni xolisise, Txizimu, kasi kuziva mbilu yangu;
ni duke kasi kuziva mi alakanyo yangu.
24Wona ti to mwendo ni tsimbila ngu nzila yo biha
u txi ni tsimbitisa ngu nzila yi ni yisako ka wutomi wo mbi guma.
Currently Selected:
Masalmo 139: BEC2016
Highlight
Copy
Compare
Share
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.
Masalmo 139
139
Ku va ho ka Txizimu
Disalmo da Dhavhidha. Ka mthangeli wa vaembeleli.
1 Mkoma, awe u ni xolisisile,
se awe wa ni ziva.
2Awe wa ziva kukhalahatsha kwangu,
ni kukhukha kwangu ni ema;
na u di kule, wa ziva mipimiso yangu.
3Wa ni wona mbimo yi ni tsimbilako
ni mbimo yi ni humulako;
wa tiziva totshe tinzila tangu.
4Ani ni sinzi kutula txisofu txangu,
awe wa tiziva ngu kale ati ni lavako kuwomba.
5Awe u ni bhiyete ngu ka otshe madhawa,
u sanzekile manza ako txitimwi kwangu.
6Wuzivi wo nga eto, kwangu wa xamalisa ngutu;
wuzivi wo guleka ngutu,
kha ni sikoti kuyipfisisa ngu mapimo angu.
7Ni nga ya hani kasi kuya va kule ni Moya wako kani?
Ni nga thavela hani kasi kuve kule
ni khohe yako kani?
8Ngako ni txi kwela nzumani awe waho koneyo;
ngako ni txi relela ditikoni ka vafi, koneyo kambe waho.
9Hambi idiku no mana mabhapi ni puruma ni ya wutxani
mwendo ni txi ya zumba magwito ka linene,
10koneyo dianza dako di na ni tsimbitisa,
kambe dianza dako da txinene di nga ni xayisako!
11Hambi idiku no khani:
“Txidema txi na ni khubhunyete,
sekoko wusiku wu na va i di liwoningo, madhawani kwangu.”
12Hambi txidema kha txi ni sisi kwako;
kambe wusiku wa woninga kufana ni mitshikari;
Kwako txidema ni liwoningo sa fana!
13Nguko u nga wumba kotshe mndani kwangu;
u ni vangile mndani ka mame wangu.
14Na ku bonga, nguko u ni wumbile ngu nzila ya kuxamalisa,
mithumo yako ya diwukisa.
Moya wangu wa tiziva kwati.
15Awe u ni woni mbimo yi
marambu angu ma nga txi wumbwa,
mbimo yi ni nga txi kula kusisalani
mndani ka mame wangu.
16Maso ako ma ni woni ni si se velekwa.
Otshe masiku a kuhanya kwangu
ma bhatwe dibhukuni kwako;
ma batwe mtengo wa ona ma sinzi ku va ho.
17 Mkoma, makungo ako
ma ni lisima ngutu kwangu!
Mtengo wa ona mbwa hombe ngutu.
18Idiku na lava ku ma bala,
nga ma txi pinda mafu ngu kutala;
idiku no hoka magwito, nga ni si sikoti ku kupima awe.
19Txizimu, fuvisa avale va mahako kubiha,
anu sigevenga, hambukani
mi tsula kule ni nani.
20Evo vathu va womba-womba kubiha ngu ngawe,
valala vako va womba-womba kubiha ngu ditina dako.
21 Mkoma, ina kha ni va vengi
avale va ku vengako kani?
Kha ni va nyenyi avale va ku wukelako kani?
22Na va nyenya ngu wotshe mtamo wangu!
Ni va wona i di valala vangu!
23Ni xolisise, Txizimu, kasi kuziva mbilu yangu;
ni duke kasi kuziva mi alakanyo yangu.
24Wona ti to mwendo ni tsimbila ngu nzila yo biha
u txi ni tsimbitisa ngu nzila yi ni yisako ka wutomi wo mbi guma.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.