Masalmo 137
137
Kuxuva Ditiko
1Mabambe ka minambo ya Bhabhilona,
hi khalahatshile hi dila,
ngu kualakanya Siyoni.
2Ka madhavi a mindonga ya hagari ka Siyoni,
hi ti ti hayeka tiharipa tathu.
3Avale va nga hi maha tikhumbi,
va ti ti hi kombela kuembelela tindando;
avale va nga ti hi xanisa
va ti ti kombela kutsakiswa ngu ngathu,
va txi kha vona:
“Embelelani mi hi tsakisa
ngu tindando ta Siyoni!”
4Aniko hi ndi na sikotisa kutxani
kuembelela tindando ta Mkoma,
ditikoni ka vane kani?
5Ngako ni txi kudivala awe, Jerusalema,
diwoko dangu da txinene di na womelele.
6Ngako ni txi kudivala, awe Jerusalema,
ngako ni si ku guleti txitimwi
ka si ni si tsakelako,
lidimi langu li na namara mkanani kwangu.
7Alakanya, Mkoma, ati va nga maha vathu va Edhomi,
ditshiku diya Jerusalema
a nga welwa ngu dikhombo:
Vona va huwelete va txi kha vona:
“Khundumuselani, Khundumuselani didhoropa diya,
kala makhatoni ka dona!”
8 # Wona ni ka: Mtu. 18:6. O! Awe mwanana wa muhorana wa Bhabhilona, u no xaselwa!
A katekile awu a no kutshumetela
nga ti u nga mahisa tona kwathu.
9A katekile awule a no ñola vanana vako,
e va phwarasela ha marigwini!
Currently Selected:
Masalmo 137: BEC2016
Highlight
Copy
Compare
Share
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.
