Masalmo 132
132
Sithembiso sa Txizimu ka Dhavhidha
Ndando ya vapfhumba
1 Mkoma, alakanya Dhavhidha
ni sotshe sikarato sakwe!
2Alakanya sixambanyo sakwe,
sithembiso si a nga si maha
ka Txizimu txa mtamo,
txa Jakobe, a txi khene:
3“Kha ni na mbi wulela nyumbani kwangu,
kambe kha ni na mbi otela ha ditahoni kwangu;
4kha ni na mbi ninga wukohe maso angu, hambi kupfhumisa timboni tangu,
5kala kuza ni txi lavela Mkoma wukhalo,
nyumba yo zumbela ka wona
Txizimu txa mtamo txa Jakobe.”
6Hi engisile ti to mtundu wa txitumelelano
wu maneka Efrata,
aniko hi ti ya wu mana thembweni ka Jahari.
7A hi wuleleni nyumbani ko sawuleka ka Mkoma!
A hi khizameni masoni
ka txikhalo txakwe txa wukoma!
8Wuka Mkoma, nyumbani kwako ko humula,
awe ni mtundu wa mtamo wako.
9Vaphaxeli vako va na ambale wululamo,
kambe vasawuleki vako va na tsake!
10Ngu lirando ka Dhavhidha, txithumi txako,
u nga tshuralelise khohe ya mtotiwa wako Mkoma.
11 # Wona ni ka: 2 Sam. 7:12-16; 1 Mak. 17:11-14; Mas. 89:3-4; Mith. 2:30. Awe u mahile txithembiso ka Dhavhidha,
txithembiso txi u no mbi txi tshuralela, u ti khawe:
“Mmweyo wa vanana vako
ni na mmaha mfumeli
awu a no fuma msana kwako.
12Ngako vanana vako va txi xayisa txitumelelano txangu
ni sileleto sangu si ni no va gondisa,
vanana vawe ni vona,
va na khalahatsha ha txikhaloni
kwako ka wukoma, kala kupinduka.”
13Ngu toneto, Mkoma a sawute mmango wa Siyoni,
na a txi xuva ku wu maha nyumba yakwe, a txi khene:
14“A hawa i m'tini kwangu kala kupinduka;
ni na zumba kona nguko na kutsakela.
15M'ti wuwa ni na wu katekisa wu pfuna sakudya;
ni na dyisa sisiwana sa wona si khura.
16Ni na ninga vaphaxeli va wona
mtamo wa kulamulela vamwani
se vasawuleki va kona
va na tsaka ngutu.
17Konaho ni na wusa mtamo
wa mfumo wa Dhavhidha,
konako ni na humelelisa liwoningo
la mfumeli wu ni nga msawula.
18Ni na thela pfilu-pfilu ka valala vakwe;
aniko kwakwe m'bhoti wakwe wu na kuphatima.”
Currently Selected:
Masalmo 132: BEC2016
Highlight
Copy
Compare
Share
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.
