Masalmo 129
129
Va xaniswa, aniko kha va xulwi
Ndando ya vapfhumba
1Sikhati sasingi va ni xanisile
kukhukhela ka wuphya wangu
a na wombe konkuwa Israyeli.
2Sikhati sasingi va ni xanisile
kukhukhela ka wuphya wangu,
aniko kha va sikota ku ni xula.
3Va ni bhandisete msana wangu,
wu txi nga thembwe yi nga dimwa ngu vadimi.
4Aniko Mkoma i ku wo lulama,
a bhenulete majoke a vabihi.
5Va na tale ngu tingana ve hingwa
votshe valala va Siyoni!
6Va na fanane ni mwasi
wo mila txitimwi ka nyumba,
awu wu wunako, wu sinzi kudulwa,
7awu wu si tatiko manza a wule a wu dulako,
hambi mawoko a vale va sungako tinyanda;
8kuwalo mpindi wa nzila a ku khene:
“Makatekwa a Mkoma ma nave txitimwi kwanu!
Athu ha mi katekisa ngu ditina da Mkoma!”
Currently Selected:
Masalmo 129: BEC2016
Highlight
Copy
Compare
Share
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.
