Masalmo 12
12
Hi ponise ka vo biha
Disalmo da Dhavhidha. Ka mthangeli wa vaembeleli - ka siya sa mtxhanu wa tingoti ni tiraru.
1Hi hanyise, Mkoma,
nguko vathu vo lulama va gumile
kha ku nga ho vathu vo thembeka
hagari ka vanana va vathu.
2Mmwani a womba makuhu ka mmwani;
va womba-womba ngu kukanganyisa, ni timbilu timbidi.
3Va fuvise, Mkoma, vakanganyisi,
ni votshe vale va
wombawombako ngu kutikulisa,
4va txi kha vona: “Hi na xula
ngu mapswi athu;
kuwombawomba ha sikota.
I mani a no hi xula kani?”
5 Mkoma a khene:
“Ngu mhaka ya kuxaniseka ka sisiwana
ni miketo ya vale va si pwatako
ni na khukha ni txi ema, kha Mkoma,
ni na va veka kuhulukani avale va vilelako.”
6Mapswi a Mkoma i mapswi a ditshuri,
ngu nga silivhela ya ditshuri,
ayi yi nga basiswa nyundoni
mtxhanu wa sikhati ni simbidi.
7Ina, Mkoma, awe u na hi xayisa kha kwati
u txi hi lwela ka liveleko liya yotshe mbimo.
8Vabihi va rendelekela ka otshe makhalo,
na wubihi wu txi dhumiswa
ngu vathu va ha mafuni.
Currently Selected:
Masalmo 12: BEC2016
Highlight
Copy
Compare
Share
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.
