Masalmo 115
115
Kudhumisa Txizimu txa ditshuri
1U nga dhumise athu Mkoma,
u nga dhumise athu,
aniko dhumisa ditina dako da wudhumo,
ngu mhaka ya lirando lako
ni kuthembeka kwako!
2Nguko, vamatiko va nga simama ve wotisa,
va txi kha vona:
“Txi hani Txizimu txanu kani?”
3Aniko Txizimu txathu txi nzumani;
txa maha totshe ti txi ti lavako.
4 # Wona ni ka: Mas. 135:15-18; Mtu. 9:20. Sizimu sa vamatiko i silivhela ni nzalama,
sithombe so khandwa ngu manza awe:
5Si na ni txisofu, aniko kha si wombawombi;
si na ni maso, aniko kha si woni;
6si na ni tinzeve, aniko kha si engisi,
si na ni thonvu, aniko kha si pfi kubhumula,
7si na ni manza, aniko kha si gwesi txilo;
si na ni mikondo, aniko kha si tsimbili,
ngu mkanani ka sona kha ku humi dipswi!
8Avale va si wumbako,
ve tshumela ve themba ka sona
va na fane naso sona sithombeso.
9Anu Vaisrayeli, thembani Mkoma!
Nguko ene ngene Mvhuni ni Muvhikeli wako.
10Nyumba ya Aroni, themba Mkoma!
Nguko ene ngene Mvhuni ni Muvhikeli wako.
11Anu mi kholwako ka Txizimu, thembani Mkoma!
Nguko ene ngene Mvhuni ni Muvhikeli wanu.
12 Mkoma a hi khumbute, se e hi katekisa!
A na katekisa ngamu ya Israyeli,
a na katekisa nyumba ya Aroni,
13 # Wona ni ka: Mtu. 11:18; 19:5. a na katekisa vale va kholwako ka Mkoma,
vavadotho ni vahombe.
14 Mkoma a na andise liveleko lanu,
kumweko ni liveleko la vanana vanu!
15 Mkoma, a nga va nga mafu,
a na mi katekise, anu motshe!
16Nzuma yi lumba Mkoma,
aniko mafu a ma ningete ka vanana va vathu.
17Ava va nga fa kha va dhumisi Mkoma,
hambi vale va relelako ka wukhalo wo malala.
18Aniko athu, hi hanyako,
hi na dhumisa Mkoma,
kukhukhela konkuwa kala kupinduka.
Dhumisani Mkoma!
Currently Selected:
Masalmo 115: BEC2016
Highlight
Copy
Compare
Share
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.
Masalmo 115
115
Kudhumisa Txizimu txa ditshuri
1U nga dhumise athu Mkoma,
u nga dhumise athu,
aniko dhumisa ditina dako da wudhumo,
ngu mhaka ya lirando lako
ni kuthembeka kwako!
2Nguko, vamatiko va nga simama ve wotisa,
va txi kha vona:
“Txi hani Txizimu txanu kani?”
3Aniko Txizimu txathu txi nzumani;
txa maha totshe ti txi ti lavako.
4 # Wona ni ka: Mas. 135:15-18; Mtu. 9:20. Sizimu sa vamatiko i silivhela ni nzalama,
sithombe so khandwa ngu manza awe:
5Si na ni txisofu, aniko kha si wombawombi;
si na ni maso, aniko kha si woni;
6si na ni tinzeve, aniko kha si engisi,
si na ni thonvu, aniko kha si pfi kubhumula,
7si na ni manza, aniko kha si gwesi txilo;
si na ni mikondo, aniko kha si tsimbili,
ngu mkanani ka sona kha ku humi dipswi!
8Avale va si wumbako,
ve tshumela ve themba ka sona
va na fane naso sona sithombeso.
9Anu Vaisrayeli, thembani Mkoma!
Nguko ene ngene Mvhuni ni Muvhikeli wako.
10Nyumba ya Aroni, themba Mkoma!
Nguko ene ngene Mvhuni ni Muvhikeli wako.
11Anu mi kholwako ka Txizimu, thembani Mkoma!
Nguko ene ngene Mvhuni ni Muvhikeli wanu.
12 Mkoma a hi khumbute, se e hi katekisa!
A na katekisa ngamu ya Israyeli,
a na katekisa nyumba ya Aroni,
13 # Wona ni ka: Mtu. 11:18; 19:5. a na katekisa vale va kholwako ka Mkoma,
vavadotho ni vahombe.
14 Mkoma a na andise liveleko lanu,
kumweko ni liveleko la vanana vanu!
15 Mkoma, a nga va nga mafu,
a na mi katekise, anu motshe!
16Nzuma yi lumba Mkoma,
aniko mafu a ma ningete ka vanana va vathu.
17Ava va nga fa kha va dhumisi Mkoma,
hambi vale va relelako ka wukhalo wo malala.
18Aniko athu, hi hanyako,
hi na dhumisa Mkoma,
kukhukhela konkuwa kala kupinduka.
Dhumisani Mkoma!
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.