Masalmo 114
114
Kuhuma ka Vaisrayeli ngu Egipta
1Mbimo yi Vaisrayeli va nga huma ngu Egipta,
txikhati txi nyumba ya Jakobe
yi nga rura ditikoni ka vanyamthuvo,
2Judha a to hinduka eva nyumba
yo sawuleka ya Mkoma
se Israyeli e maha mfumo wakwe.
3Mbimo yi linene li nga oma, li to thava
se mnambo wa Jordhani wu tshumelela msana.
4Mimango yi to jala nga tihamba
ni mimango yi to ndaka nga sinvutana!
5Awe linene, nji txani txi ku mahako u tutuma kani?
Awe Jordhani, ngu kutxani
u tshumelela msana kani?
6Anu mimango, ngu kutxani
mi txi jala-jala nga tihamba kani,
ni nanu mimango mi ndakela txani nga sinvutana kani?
7Awe mafu, dhudhumela masoni ka Mkoma,
masoni ka Txizimu txa Jakobe,
8txi nga hindula siwindi
si maha maziva a mati
ni marigwi me maha sisima sa mati.
Currently Selected:
Masalmo 114: BEC2016
Highlight
Copy
Compare
Share
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.
