Masalmo 108
108
Mkombelo wa kuxula
(Disalmo 57:7-11; 60:5-12)
Disalmo da Dhavhidha. Ndando.
1Mbilu yangu yi ti lulamisete, Txizimu;
yi ti lulamisete ku kudhumisa ngu tindando!
Wuka, awe moya wangu!
2Wukani awe haripa ni nawe txitende!
Ni lava kuwusa wuronga!
3Ni na bonga, hagari ka vathu, Mkoma,
ni na embelela wudhumo wako hagari ka mifumo.
4Wunene wako wu gulekile ngutu kupinda nzuma
ni kuthembeka kwako ka pinda marefu.
5Txizimu, kombisa wuhombe wako nzumani
u txi kombisa mtamo wako ha mafuni!
6Amukela mkombelo wathu,
u hi hanyisa ngu diwoko dako da txinene!
Kasiku vathu va u va randako ve hanyiswa!
7Txizimu txi wombile nyumbani ka txona ko sawuleka, txi txi kha txona:
“Ni na abanisa Sikemi ngu litsako
ni txi pima ditheka da Sukote!
8Gileyadhi ni Manasi va ni lumba;
Efrayime njigoko txa msungo wangu
se Judha i ndonga yangu ya wukoma.
9Mowabhi i mkamba wu ni sambelako ka wona;
ni txitimwi ka Edhomi ni na kandetela ngu disandazi dangu,
ni na giya ngu kuxula Vafilista.”
10I mani a no ni yisa ka didhoropa do tsana kani?
I mani a no ni heleketa Edhomi kani?
11Ina awe, Txizimu, u to hi leka kani?
Ina khu na mbiswa u pangalata
mabutho athu a tiyimbi, kani?
12Hi vhune kuxula valala vathu,
nguko txivhuno txa vathu kha txi nyawuli.
13Ngu kuvhunwa ngu Txizimu hi na xula;
txona txi na ganyatela ngu mikondo valala vathu.
Currently Selected:
Masalmo 108: BEC2016
Highlight
Copy
Compare
Share
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.
