Mavingu 9
9
Wutxhari ni kupwateka ka mapimo
1Wutxhari se wu akile nyumba ya wona, se wu vatile mtxhanu wa tisika ni timbidi ta wona. 2Se wutxhari wu date sifuyo sa wona, wu patete vhinya ya wona, kambe wu lulamisete meza ya wona. 3Wutxhari wu ningile sileleto ka sithumi sa wona, se wu tsimbila wu ramba kukhukhela mimangoni ka didhoropa, wu txi kha wona: 4Awule i ku txiphukuphuku a na rendekele kheno. Ka vale vo kelelelwa ngu mapimo wu kha wona: 5Ngonani hi ta dya sakudya hotshethu, ni kusela vhinya yile ni nga yi lulamisela. 6Hi nga lekani vale vo mbi pfisisa, mi na hanya, kambe tsimbilani ngu nzila ya kupfisisa.
7Awule a kawukako mtseketseli, wa ti ndindela kuvengelwa; ni wule a solako muonhi wa amukela kusoleka kwakwe. 8U nga kawuke mtseketseli, kasi ku asi ku vengi; kawuka txhari, yi na kuranda. 9Ninga gondo ka txhari, kasi ku yi na txhariha ngutu; gondisa wo lulama, se ene a na kula mu ka mapimo.
10 # Wona ni ka: Job. 28:28; Mas. 111:10; Mav. 1:7. Kuthava Mkoma ngu ona makhato a wutxhari, ni wuzivi wa Msawuleki ngu pfisisa. 11Nguko masiku a kuhanya kwako ma engetelwa ngu ngani, ni malembe a kuhanya ma na engetelwa. 12Ngako u di txharihile, u na ti txharihela upune; se ngako u ti mtseketseli, ngawe wekha u no xaniseka.
13Wamsikati wa txiphukuphuku mbwa diguwa; njiphukuphuku, kha zivi txilo ni txa tximwetxo. 14A khalahatsha ha txikeni ka nyumba yakwe, mwendo ha txituluni, mimangoni ka didhoropa, 15kasi kudhana vale va pindako, va txi thwim ngu nzila yawe. 16Awule i ku txiphukuphuku a na rendekele kheno. Se ka vale vo pwata mapimo wu kha wona: 17Mati o piwa ma lombela, ni sakudya so dyelwa kusisalani sa maheka. 18Aniko kha va ti zivi taku kona hale vaho vofa, ni ti taku vale va nga rambwa va mndiloni ko tshima.
Currently Selected:
Mavingu 9: BEC2016
Highlight
Copy
Compare
Share
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.
