Mavingu 26
26
Txiphukuphuku
1Txiphukuphuku kha txi hanelwi ngu wudhundo, nguko ti fana ni hunguva ngu mbimo ya lisani, ni mati ona ngu mbimo yo elula.
2Kuruka wo mbi na mnandu, kufana ni txinyana ni mbeluvelu si txi puruma-puruma kha kuvhuni txilo.
3Txisephu nja dihantxhi, matomu nja mbongola, se limhika nda msana wa siphukuphuku.
4Txiphukuphuku u nga txi xamule madingano ni wuphukuphuku wa txona, kasi ku na nawe u si fanani natxo.
5Xamula txiphukuphuku ngu nzila yo txi komba wuphukuphuku wa txona, kasiku txi si ti woni txi di txharihile.
6Awule a rumako txiphukuphuku kuheleketa dipswi, wa ti wila minenge, ni ku tiha dikhombo.
7Divingu do huma mkananani ka txiphukuphuku, di fana ni minenge ya txilima, ya kwa mbi txi vhuna txilo.
8Awule a ningako lisima txiphukuphuku, a fana ni wule a khweketako dirigwi aha ka txibhalakaza.
9Divingu da mkanani ka txiphukuphuku, di fana ni mpa wo thola dianza da didevi.
10Awule a tumelako kuthumelwa ngu siphukuphuku ni ku si holela, a fana ni wule a fulako votshe vathu ngu wulaho.
11Nga yimbwa yi tshumelelako ka makosa a yona, ngu tona eto ni txiphukuphuku, kha txi leki wuphukuphuku wa txona.
12Ina u ti nga wona m'thu wo ti wona apune taku a txharihile kani? I txhuko txiphukuphuku kupinda eyo m'thu.
M'thu wu i ku mkara
13Mkara a khene: Ku ni ngonyamo hanzila; ku ni ngonyamo digondoni.
14Mkara o ti rindilita-rindilita ha m'bhedhuni kwakwe, kufana ni ditimba misasimoni ka dona.
15Mkara a ziva kubeta dianza dakwe mbiyani, aniko wa tandeka ku di tshumeta diya mkanani kwakwe.
16Txiphukuphuku txi ti wona txi di txharihile ngutu, kupinda mtxhanu wa vavamna ni vambidi vo xamula ta tinene.
Mamwani mavingu
17Awule aku a txi pinda, e wulelela timhaka ta vamwani, a fana ni wule a ñolako yimbwa ngu tinzeve ta yona.
18A fana ni txiphukuphuku txi humisako titshatsha, tingove, ni simwani si dayako, 19ngu toneto ni m'thu wule a kanganyisako mwakelani wakwe a txi khene: Ni ti ko ku sakanisa.
20Ku si nga ni tikhuni, mndilo wu na timeka; kambe ku si nga ni va malengo, dizunga di na guma.
21Nga makala txitimwi ka makala a mndilo, ni tikhuni ha ka mndilo, ngu toneto m'thu wa txiluse wa wusa mazunga.
22Mapswi a m'thu wo womba-womba ta walo, ma fana ni sakudyanyana so lombela, sile si relelako mrumbuni.
23Txisofu txo hinda, ni mbilu yo biha, si fana ni txikandyana txo nameketelwa silivhela.
24Awule a ku ni livengo a xengisa ngu txisofu txakwe, na kuve mbiluni kwakwe a sisa wukanganyisi. 25A txi kukhongotela ngu mapswi o tshamba, u nga mthembe, nguko mbiluni kwakwe ku ni mtxhanu wa sinyenyeko ni simbidi. 26Livengo lakwe hambi li txi sisala ka wukanganyisi wakwe, wubihi wakwe wu na tumbuleka mtaloni ka vathu.
27Awule a kelako diphala, a na wela ka dona; hambi wule a rindilitako dirigwi, di na gwitisa ku mtxika.
28Lidimi la makuhu la venga vale li nga va xanisa, ni txisofu txo tshambisela txa lovisa.
Currently Selected:
Mavingu 26: BEC2016
Highlight
Copy
Compare
Share
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.
Mavingu 26
26
Txiphukuphuku
1Txiphukuphuku kha txi hanelwi ngu wudhundo, nguko ti fana ni hunguva ngu mbimo ya lisani, ni mati ona ngu mbimo yo elula.
2Kuruka wo mbi na mnandu, kufana ni txinyana ni mbeluvelu si txi puruma-puruma kha kuvhuni txilo.
3Txisephu nja dihantxhi, matomu nja mbongola, se limhika nda msana wa siphukuphuku.
4Txiphukuphuku u nga txi xamule madingano ni wuphukuphuku wa txona, kasi ku na nawe u si fanani natxo.
5Xamula txiphukuphuku ngu nzila yo txi komba wuphukuphuku wa txona, kasiku txi si ti woni txi di txharihile.
6Awule a rumako txiphukuphuku kuheleketa dipswi, wa ti wila minenge, ni ku tiha dikhombo.
7Divingu do huma mkananani ka txiphukuphuku, di fana ni minenge ya txilima, ya kwa mbi txi vhuna txilo.
8Awule a ningako lisima txiphukuphuku, a fana ni wule a khweketako dirigwi aha ka txibhalakaza.
9Divingu da mkanani ka txiphukuphuku, di fana ni mpa wo thola dianza da didevi.
10Awule a tumelako kuthumelwa ngu siphukuphuku ni ku si holela, a fana ni wule a fulako votshe vathu ngu wulaho.
11Nga yimbwa yi tshumelelako ka makosa a yona, ngu tona eto ni txiphukuphuku, kha txi leki wuphukuphuku wa txona.
12Ina u ti nga wona m'thu wo ti wona apune taku a txharihile kani? I txhuko txiphukuphuku kupinda eyo m'thu.
M'thu wu i ku mkara
13Mkara a khene: Ku ni ngonyamo hanzila; ku ni ngonyamo digondoni.
14Mkara o ti rindilita-rindilita ha m'bhedhuni kwakwe, kufana ni ditimba misasimoni ka dona.
15Mkara a ziva kubeta dianza dakwe mbiyani, aniko wa tandeka ku di tshumeta diya mkanani kwakwe.
16Txiphukuphuku txi ti wona txi di txharihile ngutu, kupinda mtxhanu wa vavamna ni vambidi vo xamula ta tinene.
Mamwani mavingu
17Awule aku a txi pinda, e wulelela timhaka ta vamwani, a fana ni wule a ñolako yimbwa ngu tinzeve ta yona.
18A fana ni txiphukuphuku txi humisako titshatsha, tingove, ni simwani si dayako, 19ngu toneto ni m'thu wule a kanganyisako mwakelani wakwe a txi khene: Ni ti ko ku sakanisa.
20Ku si nga ni tikhuni, mndilo wu na timeka; kambe ku si nga ni va malengo, dizunga di na guma.
21Nga makala txitimwi ka makala a mndilo, ni tikhuni ha ka mndilo, ngu toneto m'thu wa txiluse wa wusa mazunga.
22Mapswi a m'thu wo womba-womba ta walo, ma fana ni sakudyanyana so lombela, sile si relelako mrumbuni.
23Txisofu txo hinda, ni mbilu yo biha, si fana ni txikandyana txo nameketelwa silivhela.
24Awule a ku ni livengo a xengisa ngu txisofu txakwe, na kuve mbiluni kwakwe a sisa wukanganyisi. 25A txi kukhongotela ngu mapswi o tshamba, u nga mthembe, nguko mbiluni kwakwe ku ni mtxhanu wa sinyenyeko ni simbidi. 26Livengo lakwe hambi li txi sisala ka wukanganyisi wakwe, wubihi wakwe wu na tumbuleka mtaloni ka vathu.
27Awule a kelako diphala, a na wela ka dona; hambi wule a rindilitako dirigwi, di na gwitisa ku mtxika.
28Lidimi la makuhu la venga vale li nga va xanisa, ni txisofu txo tshambisela txa lovisa.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.