Mavingu 25
25
Mamwani mavingu a Solomoni
1Aawa ngu ona ni ona mavingu a Solomoni, aale ma nga txhamuselwa ngu vavamna vale va nga ti thumela Ezekhiya, mfumeli wa ka Judha.
2Txizimu txi dhundwa ngu ku txi nga sisa to maha; aniko kudhundeka ka vafumeli ngu loku va txi xola timhaka totshe.
3Kuguleka ka nzuma ni kutshima ka mafu, kha ku na kuxolwa, hambi ni timbiluni ka vafumeli.
4Thavisa nzambwa yi gololokako ha ka silivhela, kasiku muwumbi a na wumba ngu yona txiya. 5Thavisa muonhi masoni ka mfumeli, se txitulu txakwe txa wukoma txi na tsaniswa ngu kululama.
6 # Wona ni ka: Luk. 14:8-10. U nga ti gulete masoni ka mfumeli, hambi kutiveka ka wukhalo wa vahombe; 7nguko i txhuko va txi kugela ku kha vona: Kwela u txi ta hawa, kupinda kuwiswa tingana masoni ka mfumeli, a txi kuwona.
8U nga tutumele ku ti wuleta mu ko kanetisana, ngu magwito, u nga pwata ni to maha, se u xamalwa ngu mwakelani wako.
9Lulamisa mhaka yako ni mwakelani wako, kambe u nga humise txihunja txa mmwani m'thu; 10kasi ku asi ku thavisi lisima awule a no kuengisa, yi si khateli kwako nduma yo biha.
11Mhaka yo wombwa ngu nzila ya yinene, yi fana ni mihando ya silivhela amu ka txiya txa nzalama.
12Awule a gondako ngu kuengisa sileleto, i txhuko kupinda singeda sa nzalama yo hehuka.
13Awule a wombako ditshuri di a nga rumwa; a fana ni kutitila ka hunguva ya mbimo yo elula, nguko a tsakisa dihika da nyamne wakwe.
14M'thu wule a ti dhundako ngu wuha wa makuhu, a fana ni hunguva ni moya ya kwa mbi nisa mati.
15Mthangeli a khongotelwa ngu kutimisela, mawombawombelo amanene ma funya marambu.
16U wu mani wulombe kani? Dyana wo kudingana; kasi ku u si kolwi ngu wona, u tshumela u wu kosa. 17U nga tate mikondo m'tini ka mwakelani wako, kasiku asi karali ngu ngawe, e kuvenga.
18M'thu wu a fakazako makuhu, e wukela mwakelani wakwe, txibando, ni ditxhari ni lingove lo hinda.
19M'thu wo mbi na ditshuri ngu mbimo ya xomulo, a fana ni dikwasa do phatuka, ni mkondo wo khuduka. 20Awule a thulako ndando masoni ka m'thu wo pandiseka, a fana ni wule a thavisako syambalo ngu ditshiku da pheho, ni ku nga vhinagre txitimwi ka txilonda.
21Ngako mlala wako a txi pfa nzala, mninge dipawu e dya; ni kungako a ti ni ditora, mninge mati e sela, 22nguko u na sengeletela makala a mndilo ha msungo kwakwe; se Mkoma a na ku hakela.
23Moya wa wuphemba wa tisa nzuma yina, se lidimi lo kanganyisa, li thuvikisa khohe.
24I txhuko kukhwekela ko tutelwa ngu mati, kupinda nyumbani ka hombe, ni wamsikati wa maguwa.
25Mahungu amanene ota ngu ditikoni ka kule, ma fana ni mati o titila, ka dihika do karala ngu ditora.
26M'thu wo lulama a txi xengwa ngu muonhi, a fana ni txiziva txa sivhinju, ni txisima txo sina.
27Kudya ngutu wulombe hi nga ta tinene; ngu konaho, wudhundo wo ti xotela upune hi nga wudhundo.
28M'thu wa kwa mbi xayisa moya wakwe, a fana ni didhoropa do khundumuselwa, do pwata diguma.
Currently Selected:
Mavingu 25: BEC2016
Highlight
Copy
Compare
Share
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.
Mavingu 25
25
Mamwani mavingu a Solomoni
1Aawa ngu ona ni ona mavingu a Solomoni, aale ma nga txhamuselwa ngu vavamna vale va nga ti thumela Ezekhiya, mfumeli wa ka Judha.
2Txizimu txi dhundwa ngu ku txi nga sisa to maha; aniko kudhundeka ka vafumeli ngu loku va txi xola timhaka totshe.
3Kuguleka ka nzuma ni kutshima ka mafu, kha ku na kuxolwa, hambi ni timbiluni ka vafumeli.
4Thavisa nzambwa yi gololokako ha ka silivhela, kasiku muwumbi a na wumba ngu yona txiya. 5Thavisa muonhi masoni ka mfumeli, se txitulu txakwe txa wukoma txi na tsaniswa ngu kululama.
6 # Wona ni ka: Luk. 14:8-10. U nga ti gulete masoni ka mfumeli, hambi kutiveka ka wukhalo wa vahombe; 7nguko i txhuko va txi kugela ku kha vona: Kwela u txi ta hawa, kupinda kuwiswa tingana masoni ka mfumeli, a txi kuwona.
8U nga tutumele ku ti wuleta mu ko kanetisana, ngu magwito, u nga pwata ni to maha, se u xamalwa ngu mwakelani wako.
9Lulamisa mhaka yako ni mwakelani wako, kambe u nga humise txihunja txa mmwani m'thu; 10kasi ku asi ku thavisi lisima awule a no kuengisa, yi si khateli kwako nduma yo biha.
11Mhaka yo wombwa ngu nzila ya yinene, yi fana ni mihando ya silivhela amu ka txiya txa nzalama.
12Awule a gondako ngu kuengisa sileleto, i txhuko kupinda singeda sa nzalama yo hehuka.
13Awule a wombako ditshuri di a nga rumwa; a fana ni kutitila ka hunguva ya mbimo yo elula, nguko a tsakisa dihika da nyamne wakwe.
14M'thu wule a ti dhundako ngu wuha wa makuhu, a fana ni hunguva ni moya ya kwa mbi nisa mati.
15Mthangeli a khongotelwa ngu kutimisela, mawombawombelo amanene ma funya marambu.
16U wu mani wulombe kani? Dyana wo kudingana; kasi ku u si kolwi ngu wona, u tshumela u wu kosa. 17U nga tate mikondo m'tini ka mwakelani wako, kasiku asi karali ngu ngawe, e kuvenga.
18M'thu wu a fakazako makuhu, e wukela mwakelani wakwe, txibando, ni ditxhari ni lingove lo hinda.
19M'thu wo mbi na ditshuri ngu mbimo ya xomulo, a fana ni dikwasa do phatuka, ni mkondo wo khuduka. 20Awule a thulako ndando masoni ka m'thu wo pandiseka, a fana ni wule a thavisako syambalo ngu ditshiku da pheho, ni ku nga vhinagre txitimwi ka txilonda.
21Ngako mlala wako a txi pfa nzala, mninge dipawu e dya; ni kungako a ti ni ditora, mninge mati e sela, 22nguko u na sengeletela makala a mndilo ha msungo kwakwe; se Mkoma a na ku hakela.
23Moya wa wuphemba wa tisa nzuma yina, se lidimi lo kanganyisa, li thuvikisa khohe.
24I txhuko kukhwekela ko tutelwa ngu mati, kupinda nyumbani ka hombe, ni wamsikati wa maguwa.
25Mahungu amanene ota ngu ditikoni ka kule, ma fana ni mati o titila, ka dihika do karala ngu ditora.
26M'thu wo lulama a txi xengwa ngu muonhi, a fana ni txiziva txa sivhinju, ni txisima txo sina.
27Kudya ngutu wulombe hi nga ta tinene; ngu konaho, wudhundo wo ti xotela upune hi nga wudhundo.
28M'thu wa kwa mbi xayisa moya wakwe, a fana ni didhoropa do khundumuselwa, do pwata diguma.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.