Mavingu 22
22
1Ditina da dinene da dhundeka ngutu, kupinda tithomba tatingi; ni wunene i txhuko kupinda nzalama.
2Nyatithombe ni txisiwana va mananile; votshe va mahilwe ngu Mkoma.
3Wo pfisisa wa wona phango e sisala; aniko avale vo divala va pinda ngu kona ve xaniswa.
4Hakhelo ya kutinamisa ni kuthava Mkoma, ndithomba, ni wudhundo, ni wutomi.
5Nzilani ka wo biha ku ni mipa ni milawu, awu a xayisako dihika dakwe, asi rethela kule.
6Gondisa mwanana nzila yi a no tsimbila ngu yona, hambi a txi kumba, kha na mbi yi leka.
7Nyatithombe a fumela sisiwana, ni wule a lombako somaha, a maha khumbi ya wule a nga lomba kwakwe.
8Awule a phayako kubiha, a na elula sixaniso; se ndonga ya kuhenya kwakwe yi na funyelekela.
9Awule a ku ni mawonelo amanene a na katekiswa, nguko waha sisiwana dipawu dakwe.
10Humisa hahanze mtseketseli, u na heta dizunga; mhaka ni tingana si na guma.
11Awule a randako kubasa mbiluni, na a di ni lure la linene, a na maha mngana wa mfumeli.
12Maso a Mkoma ma xayisela wule a ku ni wuzivi, ni kutshotsha kule maalakanyo a m'bihi.
13Mkara a khene: Hahanze ku ni ngonyamo; ni txo huma ni na ya dawa tinzilani.
14Sisofu sa vavasikati va mabhemba maphala o tshima; ale a no wela ka ona wule a no henyelwa ngu Mkoma.
15Wuphukuphuku wu maneka mbiluni ka mfana, kambe ndonga yo tsayisa yi na wu tutumisa.
16Awule a khinyavezako txisiwana ngu kulava kutikulisa apune, mwendo wule a ningako nyatithombe, ngu ditshuri a na maha txisiwana.
Magumi mararu a mavingu a titxhari
17Riya nzeve u engisa mapswi a titxhari, mbilu yako yi na londise wuzivi wangu. 18Nguko ndinene kuveka wuzivi mbiluni kwako, ngako wuzivi wuwa wu txi zumba txisofuni kwako. 19Kasi kuthemba yako yi na va aka Mkoma, na kuninga wuzivi wuwa nyamsi, ina, awe kha ditshuri. 20Ina kha ni khali ku kubhalela timhaka ta tinene madingano ni sotshe sileleto ni wuzivi, 21kasi ku kumaha u ziva kutsana ka mapswi a ditshuri, kuva u txi na xamula mapswi a ditshuri, ka vale va nga kurumela kani?
-1-
22U nga pele txisiwana, nguko njisiwana, hambi kutsindaveta wule a xaniswako haditimbani. 23Nguko Mkoma a na emela mhaka ya mxaniseki kulamulwani, kambe a na thavisa wutomi wa vale va va pelako.
-2-
24U nga longoloke ni m'thu wa txihenyisani, hambi kutsimbila ni m'thu wa txiviti, 25kasiku u si gondi tinzila takwe, se u mana mlawu wo thavisa wutomi wako.
-3-
26U nga maneke hagari ka vale va xambanyako ngu kuñolana manza, ni vale va ti ningelako kudihela minandu ya vamwani vathu. 27Ngako u si nga ni so diha ngu sona, ina kha va na mbi teka m'bhedhu wako kani?
-4-
28U nga thavise mihingano ya kale, yile yi nga bhandwa ngu vatate vako.
-5-
29U woni m'thu wa mapimo mbimo yile a thumako kani? A na vekwa masoni ka vafumeli; kha na mbi vekwa ka vathu va hahatshi.
Currently Selected:
Mavingu 22: BEC2016
Highlight
Copy
Compare
Share
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.
Mavingu 22
22
1Ditina da dinene da dhundeka ngutu, kupinda tithomba tatingi; ni wunene i txhuko kupinda nzalama.
2Nyatithombe ni txisiwana va mananile; votshe va mahilwe ngu Mkoma.
3Wo pfisisa wa wona phango e sisala; aniko avale vo divala va pinda ngu kona ve xaniswa.
4Hakhelo ya kutinamisa ni kuthava Mkoma, ndithomba, ni wudhundo, ni wutomi.
5Nzilani ka wo biha ku ni mipa ni milawu, awu a xayisako dihika dakwe, asi rethela kule.
6Gondisa mwanana nzila yi a no tsimbila ngu yona, hambi a txi kumba, kha na mbi yi leka.
7Nyatithombe a fumela sisiwana, ni wule a lombako somaha, a maha khumbi ya wule a nga lomba kwakwe.
8Awule a phayako kubiha, a na elula sixaniso; se ndonga ya kuhenya kwakwe yi na funyelekela.
9Awule a ku ni mawonelo amanene a na katekiswa, nguko waha sisiwana dipawu dakwe.
10Humisa hahanze mtseketseli, u na heta dizunga; mhaka ni tingana si na guma.
11Awule a randako kubasa mbiluni, na a di ni lure la linene, a na maha mngana wa mfumeli.
12Maso a Mkoma ma xayisela wule a ku ni wuzivi, ni kutshotsha kule maalakanyo a m'bihi.
13Mkara a khene: Hahanze ku ni ngonyamo; ni txo huma ni na ya dawa tinzilani.
14Sisofu sa vavasikati va mabhemba maphala o tshima; ale a no wela ka ona wule a no henyelwa ngu Mkoma.
15Wuphukuphuku wu maneka mbiluni ka mfana, kambe ndonga yo tsayisa yi na wu tutumisa.
16Awule a khinyavezako txisiwana ngu kulava kutikulisa apune, mwendo wule a ningako nyatithombe, ngu ditshuri a na maha txisiwana.
Magumi mararu a mavingu a titxhari
17Riya nzeve u engisa mapswi a titxhari, mbilu yako yi na londise wuzivi wangu. 18Nguko ndinene kuveka wuzivi mbiluni kwako, ngako wuzivi wuwa wu txi zumba txisofuni kwako. 19Kasi kuthemba yako yi na va aka Mkoma, na kuninga wuzivi wuwa nyamsi, ina, awe kha ditshuri. 20Ina kha ni khali ku kubhalela timhaka ta tinene madingano ni sotshe sileleto ni wuzivi, 21kasi ku kumaha u ziva kutsana ka mapswi a ditshuri, kuva u txi na xamula mapswi a ditshuri, ka vale va nga kurumela kani?
-1-
22U nga pele txisiwana, nguko njisiwana, hambi kutsindaveta wule a xaniswako haditimbani. 23Nguko Mkoma a na emela mhaka ya mxaniseki kulamulwani, kambe a na thavisa wutomi wa vale va va pelako.
-2-
24U nga longoloke ni m'thu wa txihenyisani, hambi kutsimbila ni m'thu wa txiviti, 25kasiku u si gondi tinzila takwe, se u mana mlawu wo thavisa wutomi wako.
-3-
26U nga maneke hagari ka vale va xambanyako ngu kuñolana manza, ni vale va ti ningelako kudihela minandu ya vamwani vathu. 27Ngako u si nga ni so diha ngu sona, ina kha va na mbi teka m'bhedhu wako kani?
-4-
28U nga thavise mihingano ya kale, yile yi nga bhandwa ngu vatate vako.
-5-
29U woni m'thu wa mapimo mbimo yile a thumako kani? A na vekwa masoni ka vafumeli; kha na mbi vekwa ka vathu va hahatshi.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.