Mavingu 21
21
1Mbilu ya mfumeli manzani ka Mkoma, yi fana ni txinambwana txa mati; yi maha totshe ti ene a ti lavako.
2Yotshe nzila yi lulamile masoni ka m'thu, aniko Mkoma a wona timbiluni.
3Ta tumeleka ngutu ka Mkoma kumaha kulumula, ni kulamula ngu kululama, kupinda ku mninga mphaxo.
4Kuwona ko tikulisa, ni mbilu yo ti guleta, njionho txa wo biha.
5Mapimo ya wule a mahako ta tinene ma humelelisa, aniko a votshe vale vo kuluvetela, mbusiwana dwe.
6Kuthumela kusengela thomba ngu lidimi la makuhu, mbukanganyisi, se avale va wekelelako keto va ti xotela lifo.
7Wulala wa vabihi wu gwita ngu ku va lovisa, nguko vona va lamba kumaha kululama.
8Nzila ya m'thu wo biha njo xanisa ngutu, kambe mithumo ya wo sawuleka njinene.
9I txhuko kuzumba likasani ko tutelwa, kupinda kuzumba hagari ka nyumba ni msikati wo karata.
10Dihika da wo biha, di alakanyela kubiha; muakelani wakwe ka tsakisi masoni kwakwe.
11Mbimo yile mtseketseli a tsayiswako, awule wo divala o maha wo txhari; se mbimo yile a gondiswako wule wo txhariha, a amukela wuzivi.
12Ngu wuzivi wakwe wule wo lulama, wa khatalela nyumba ya wo biha, mbimo yile vabihi va ndindwako ve yiswa kubihani.
13Awule a tsivako nzeve yakwe ka huwa ya txisiwana, nene a na dila kambe kha na mbi engiswa.
14Txiningo txa txihunjani, txa hungula kuhenya, ni hakhelo ya ha kusisalani, ya boxisa kuhenya ka hombe.
15Kumaha kululama litsako ka wo lulama, aniko njixamaliso ka vale va maha wubihi.
16M'thu wule a lekako nzila ya wuzivi, a na maneka a di mtaloni ka vafi.
17Awule a randako ku ti tsakisa a na mana kukelelelwa; awule a randako vhinya ni mafura, kha na mbi dhuka e va ni thomba.
18M'thu wo lulama a tekiswa ngu wo biha, ni wa kululama a na tekiswa ngu muonhi.
19I txhuko kuzumba ka mafu a txiwula, kupinda wamsikati wo karata, wa mazunga.
20Thomba ya yinene ni mafura siho nyumbani ka txhari, aniko wamwamna wo mbi pfisisa wa yi hangalasa.
21Wule a londetako kululama ni wunene, a na mana wutomi, kululama ni kudhundeka.
22Txhari ya kwela didhoropani ka vanyamitamo, yi haxula mtamo wule va thembako wona.
23Awule a xayisako txisofu txakwe ni lidimi lakwe, wa vhikela dihika dakwe ka sikarato.
24M'thu wa matshanza ni kutikulisa, ditina dakwe ku mnyenyi, wule a mahako totshe ngu kuhenya ni kutikukumukisa.
25Maalakanyo a mkara ma m'daya, nguko manza akwe ma lamba kuthuma.
26A heta dotshe ditshiku a txi navela, aniko mlulami wa ninga, kha toni.
27Mphaxo wa muonhi njinyenyeko; ngutu-ngutu wu txi ningelwa ngu kulava to biha.
28Fakazi ya makuhu yi na lova, aniko m'thu wule a engisako, a womba-womba ngu kutsana.
29M'thu wu i ku muonhi, wa thuvikisa khohe yakwe, kambe awule wo lulama wa tsana nzilani kwakwe.
30Kha ku nga ni wutxhari, hambi kupfisisa, ni sileleto, kasi kuwukela Mkoma.
31Dihantxhi di lulamiselwa ditshiku da yimbi, aniko kuxula kuta ngu ka Mkoma.
Currently Selected:
Mavingu 21: BEC2016
Highlight
Copy
Compare
Share
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.
Mavingu 21
21
1Mbilu ya mfumeli manzani ka Mkoma, yi fana ni txinambwana txa mati; yi maha totshe ti ene a ti lavako.
2Yotshe nzila yi lulamile masoni ka m'thu, aniko Mkoma a wona timbiluni.
3Ta tumeleka ngutu ka Mkoma kumaha kulumula, ni kulamula ngu kululama, kupinda ku mninga mphaxo.
4Kuwona ko tikulisa, ni mbilu yo ti guleta, njionho txa wo biha.
5Mapimo ya wule a mahako ta tinene ma humelelisa, aniko a votshe vale vo kuluvetela, mbusiwana dwe.
6Kuthumela kusengela thomba ngu lidimi la makuhu, mbukanganyisi, se avale va wekelelako keto va ti xotela lifo.
7Wulala wa vabihi wu gwita ngu ku va lovisa, nguko vona va lamba kumaha kululama.
8Nzila ya m'thu wo biha njo xanisa ngutu, kambe mithumo ya wo sawuleka njinene.
9I txhuko kuzumba likasani ko tutelwa, kupinda kuzumba hagari ka nyumba ni msikati wo karata.
10Dihika da wo biha, di alakanyela kubiha; muakelani wakwe ka tsakisi masoni kwakwe.
11Mbimo yile mtseketseli a tsayiswako, awule wo divala o maha wo txhari; se mbimo yile a gondiswako wule wo txhariha, a amukela wuzivi.
12Ngu wuzivi wakwe wule wo lulama, wa khatalela nyumba ya wo biha, mbimo yile vabihi va ndindwako ve yiswa kubihani.
13Awule a tsivako nzeve yakwe ka huwa ya txisiwana, nene a na dila kambe kha na mbi engiswa.
14Txiningo txa txihunjani, txa hungula kuhenya, ni hakhelo ya ha kusisalani, ya boxisa kuhenya ka hombe.
15Kumaha kululama litsako ka wo lulama, aniko njixamaliso ka vale va maha wubihi.
16M'thu wule a lekako nzila ya wuzivi, a na maneka a di mtaloni ka vafi.
17Awule a randako ku ti tsakisa a na mana kukelelelwa; awule a randako vhinya ni mafura, kha na mbi dhuka e va ni thomba.
18M'thu wo lulama a tekiswa ngu wo biha, ni wa kululama a na tekiswa ngu muonhi.
19I txhuko kuzumba ka mafu a txiwula, kupinda wamsikati wo karata, wa mazunga.
20Thomba ya yinene ni mafura siho nyumbani ka txhari, aniko wamwamna wo mbi pfisisa wa yi hangalasa.
21Wule a londetako kululama ni wunene, a na mana wutomi, kululama ni kudhundeka.
22Txhari ya kwela didhoropani ka vanyamitamo, yi haxula mtamo wule va thembako wona.
23Awule a xayisako txisofu txakwe ni lidimi lakwe, wa vhikela dihika dakwe ka sikarato.
24M'thu wa matshanza ni kutikulisa, ditina dakwe ku mnyenyi, wule a mahako totshe ngu kuhenya ni kutikukumukisa.
25Maalakanyo a mkara ma m'daya, nguko manza akwe ma lamba kuthuma.
26A heta dotshe ditshiku a txi navela, aniko mlulami wa ninga, kha toni.
27Mphaxo wa muonhi njinyenyeko; ngutu-ngutu wu txi ningelwa ngu kulava to biha.
28Fakazi ya makuhu yi na lova, aniko m'thu wule a engisako, a womba-womba ngu kutsana.
29M'thu wu i ku muonhi, wa thuvikisa khohe yakwe, kambe awule wo lulama wa tsana nzilani kwakwe.
30Kha ku nga ni wutxhari, hambi kupfisisa, ni sileleto, kasi kuwukela Mkoma.
31Dihantxhi di lulamiselwa ditshiku da yimbi, aniko kuxula kuta ngu ka Mkoma.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.