Sidilo 4
4
Jerusalema a xasetwe
1Hi nga wona ati nzalama yi nga khurumbelisa tona,
yi luzeketwe ngu kudikha ka yona!
Marigwi a wukhalo wo sawuleka, ma hangalasilwe kotshe mabhudhulani.
2Vanana vo randeka va Siyoni
ava va nga ti fananiswa ni nzalama yo tshura
se konkuwa va fana ni tikhadi ta dibumba,
ti ti nga mahwa ngu manza a muwumbi.
3Tihongonyi ti xayisa vanana va tona
ti txi va mamisa;
aniko mwanana wa dihorana wa vathu vangu a ni tshofu kufana ni timbuwu ta txiwulani.
4Lidimi li vamamako ngu lona, li namarela ngu ditora;
vanana va kombela sakudya, aniko kuwalo wu a va ningako.
5Ava va nga ti tidya silo so nona
konkuwa vawa ngu nzala mu tinzilani;
avale va nga kula ngu kuambekwa tinguwo to vangama
va handakasela amu matalani.
6 # Wona ni ka: Gen. 19:24. Nguko wubihi wa vathu va ka kwathu,
mbwa hombe kupinda wa Sodhoma,
i ku m'ti wu wu nga mwalatwa ngu mbimwanyana,
i si nga ngu diwoko da m'thu aniko da Txizimu.
7Tinganakana ta Jerusalema
ti ti basile kupinda gapongo,
ti ti basile kupinda ni masi;
mimidi ya tona yi ti tshurile kupinda so bomba ngu sona
yi txi phatima ngutu ta tinene.
8Se konkuwa va hindukile va kwalate;
kha vaziveki ha tinzilani;
mimidi yawe yi khwanyete yi txi namarelana ni marambu,
yi txi oma ku nga likhuni.
9Avale va nga dawa ngu ditxhari,
va katekile kupinda vale va nga dawa ngu nzala,
i ku vale va nga sika va txi goma,
ngu kupwateka ka mihando tithembweni.
10 # Wona ni ka: Dhewut. 28:57; Eze. 5:10. Manza a vamame vale va nga ti zivaneka ngu wunene,
ngu ona ma nga bhika vanana vawe mapune,
ve tshumela ve dya,
nguko m'ti wa ka kwathu wu xasetwe ngu nzala.
11 Mkoma Txizimu a hetisile kupandiseka kwakwe
a kusute mndilo wa txiviti txakwe.
Wu txi hisa m'ti wa Siyoni,
wu txi hetisa ni makhato a wona.
12Vafumeli va hawa mafuni, hambi i di vaaki va ona otshe
kha va kholwa ti to valala va nga thuka
va di wulete sikenini ka Jerusalema.
13Ngu mhaka ya sionho
sa vaprofeti ni wubihi wa vaphaxeli vawe,
i ku vona va nga daya vathu vale vo lulama
va txi theketa mnoha amu m'tini
se ku vangekile dikhombo diya.
14Vo nga mabhofu amu tinzilani,
va tsimbila va di nyetisetwe ngu mnoha,
a ha ko ni wammweyo kha sikoti
kugwesa syambalo sawe.
15Va ti tshumetela vathu va txi kha vona:
“Khukhani! Mi nyete! Khukhani, khukhani,
mi nga hi khuteteni!”
Se va hindukile va tendeleki ni valuveli;
hambi va matiko va ti ti:
“Vathu vava va nge sikoti kuzumba hagari kwathu.”
16Kupandiseka ka Mkoma ku va abanisile;
ene kha na mbi thuka a di va woni kambe,
mwendo kuveka txithavo ka vaphaxeli
hambi ka vahombe vawe.
17Maso athu, ma ti guma mtamo,
hi txi verela kuvhunwa, hi si mani m'vhuni.
Hi ti wonisela vathu hi txi tandeka ku va hulukisa.
18Va zingela mazambo athu,
hi txi tandeka ni kutsimbilatsimbila magondoni kwathu;
Kuguma kwathu kuhokile: Masiku athu ma guma,
mbimo ya kuhetiswa kwathu yi hokile.
19Avale va hi tovelisako va ni livilo,
va siya ni sinyana sa nzuma;
ve hi tovela mimangoni,
va txi hi zingela, txiwulani.
20Msawuleki wa Mkoma, ene mtsimbilisi wathu
va mñote kufana ni txihari txo wela diphalani.
Kuve athu hi ti emete ene, ku a txi hi vhikela,
hahatshi ka mtsudi wakwe, hi na hanya hagari ka matiko.
21Tsaka ngutu, u tsaka awe mwanana wa muhorana wa Edhomi,
u zumbako ditikoni ka Uzi,
digombe di na hoka kwako;
se u na leva, u sala u sa ambala txilo.
22Anu vanana va Siyoni, kupekwa kwanu ku gumile
Mkoma kha na mbi ngadi a txi mi yisa wukhumbini.
Kasi anu vanana va Edhomi, a ngadi a txi na mi pekela sionho sanu
a txi humisa minandu yanu hakubasani.
Currently Selected:
Sidilo 4: BEC2016
Highlight
Copy
Compare
Share
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.
Sidilo 4
4
Jerusalema a xasetwe
1Hi nga wona ati nzalama yi nga khurumbelisa tona,
yi luzeketwe ngu kudikha ka yona!
Marigwi a wukhalo wo sawuleka, ma hangalasilwe kotshe mabhudhulani.
2Vanana vo randeka va Siyoni
ava va nga ti fananiswa ni nzalama yo tshura
se konkuwa va fana ni tikhadi ta dibumba,
ti ti nga mahwa ngu manza a muwumbi.
3Tihongonyi ti xayisa vanana va tona
ti txi va mamisa;
aniko mwanana wa dihorana wa vathu vangu a ni tshofu kufana ni timbuwu ta txiwulani.
4Lidimi li vamamako ngu lona, li namarela ngu ditora;
vanana va kombela sakudya, aniko kuwalo wu a va ningako.
5Ava va nga ti tidya silo so nona
konkuwa vawa ngu nzala mu tinzilani;
avale va nga kula ngu kuambekwa tinguwo to vangama
va handakasela amu matalani.
6 # Wona ni ka: Gen. 19:24. Nguko wubihi wa vathu va ka kwathu,
mbwa hombe kupinda wa Sodhoma,
i ku m'ti wu wu nga mwalatwa ngu mbimwanyana,
i si nga ngu diwoko da m'thu aniko da Txizimu.
7Tinganakana ta Jerusalema
ti ti basile kupinda gapongo,
ti ti basile kupinda ni masi;
mimidi ya tona yi ti tshurile kupinda so bomba ngu sona
yi txi phatima ngutu ta tinene.
8Se konkuwa va hindukile va kwalate;
kha vaziveki ha tinzilani;
mimidi yawe yi khwanyete yi txi namarelana ni marambu,
yi txi oma ku nga likhuni.
9Avale va nga dawa ngu ditxhari,
va katekile kupinda vale va nga dawa ngu nzala,
i ku vale va nga sika va txi goma,
ngu kupwateka ka mihando tithembweni.
10 # Wona ni ka: Dhewut. 28:57; Eze. 5:10. Manza a vamame vale va nga ti zivaneka ngu wunene,
ngu ona ma nga bhika vanana vawe mapune,
ve tshumela ve dya,
nguko m'ti wa ka kwathu wu xasetwe ngu nzala.
11 Mkoma Txizimu a hetisile kupandiseka kwakwe
a kusute mndilo wa txiviti txakwe.
Wu txi hisa m'ti wa Siyoni,
wu txi hetisa ni makhato a wona.
12Vafumeli va hawa mafuni, hambi i di vaaki va ona otshe
kha va kholwa ti to valala va nga thuka
va di wulete sikenini ka Jerusalema.
13Ngu mhaka ya sionho
sa vaprofeti ni wubihi wa vaphaxeli vawe,
i ku vona va nga daya vathu vale vo lulama
va txi theketa mnoha amu m'tini
se ku vangekile dikhombo diya.
14Vo nga mabhofu amu tinzilani,
va tsimbila va di nyetisetwe ngu mnoha,
a ha ko ni wammweyo kha sikoti
kugwesa syambalo sawe.
15Va ti tshumetela vathu va txi kha vona:
“Khukhani! Mi nyete! Khukhani, khukhani,
mi nga hi khuteteni!”
Se va hindukile va tendeleki ni valuveli;
hambi va matiko va ti ti:
“Vathu vava va nge sikoti kuzumba hagari kwathu.”
16Kupandiseka ka Mkoma ku va abanisile;
ene kha na mbi thuka a di va woni kambe,
mwendo kuveka txithavo ka vaphaxeli
hambi ka vahombe vawe.
17Maso athu, ma ti guma mtamo,
hi txi verela kuvhunwa, hi si mani m'vhuni.
Hi ti wonisela vathu hi txi tandeka ku va hulukisa.
18Va zingela mazambo athu,
hi txi tandeka ni kutsimbilatsimbila magondoni kwathu;
Kuguma kwathu kuhokile: Masiku athu ma guma,
mbimo ya kuhetiswa kwathu yi hokile.
19Avale va hi tovelisako va ni livilo,
va siya ni sinyana sa nzuma;
ve hi tovela mimangoni,
va txi hi zingela, txiwulani.
20Msawuleki wa Mkoma, ene mtsimbilisi wathu
va mñote kufana ni txihari txo wela diphalani.
Kuve athu hi ti emete ene, ku a txi hi vhikela,
hahatshi ka mtsudi wakwe, hi na hanya hagari ka matiko.
21Tsaka ngutu, u tsaka awe mwanana wa muhorana wa Edhomi,
u zumbako ditikoni ka Uzi,
digombe di na hoka kwako;
se u na leva, u sala u sa ambala txilo.
22Anu vanana va Siyoni, kupekwa kwanu ku gumile
Mkoma kha na mbi ngadi a txi mi yisa wukhumbini.
Kasi anu vanana va Edhomi, a ngadi a txi na mi pekela sionho sanu
a txi humisa minandu yanu hakubasani.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.