Sidilo 3
3
Txitsayiso, kutisola ni kuthemba
1Ani ngani m'thu wu a nga wona kupandiseka ngu ndonga ya txiviti txakwe.
2A ni tekile e ni tsimbilisa txidemani
i si nga ha liwoningoni.
3Nguditshuri, ditshiku ni ditshiku
a zumbete ku ni peka.
4A kumbisile mmidi wangu ni didhowo dangu
a txi funyetela ni marambu angu.
5A ni randete, a txi ni dyisa tshiku ni tshani.
6A ni zumbisile txidemani,
kufana ni vathu va vangafa kale.
7A ni sekete mkorani kasi ku ni si humi,
a txi ni sungelela ngu titxhini to banga ngutu.
8Hambi ni txi dila, ni kupeka huwa,
ene kha amukeli mkombelo wangu.
9A tsivetete tinzila tangu ngu marigwi o vatelwa,
e gombonyekisela ni dibhudhula dangu.
10Ene a ti mahile kwangu nga txikankanka txi ni zingelako,
a txi nga ngonyamo yi ni baramelako.
11A jikisile tinzila tangu,
a txi ti haxulela ngu sihango, e ni siya ni si vhuni txilo.
12A dombile wulaho wakwe
a txi ni maha tshungameto ya lingove.
13A ni thote mbilu ngu miseve
a nga humisa ka mswapu wakwe.
14Ni hundukile ni maha txisekiso hagari ka va ka kwathu dotshe ditshiku,
va txi ni poyilela ngu tindando.
15Txizimu txi ni khurisile ngu so bava,
txi ni setile nyongwa ni za ni kosa.
16Akunute makwasa angu ngu sirigwana,
a txi ni fenengeta ngu dikhuma.
17A rethete kule kudikha ka moya wangu,
ni divala ni litsako.
18Sekoko ani ni ti khani: “Wudhundo wangu wu lovile!
Kumweko ni themba yangu ka Mkoma!”
19Alakanya kuxaniseka kwangu ni kurerela kwangu,
ngu txhefu ni nyongwa.
20Dihika dangu, ngu ditshuri da khumbula,
se ni guma mtamo.
21Hambiketo, siho simwani si ni si alakanyako ni txi si emela,
asi ni si thembako i ku siya:
22Wumbilu wa Mkoma, ngu wona wu mahako ti to hi si fuviswi;
nguko wumbilu wakwe kha wu na magwito.
23Wumbilu wa Mkoma, wu woneka i di wa wuphya ka ditshiku ni ditshiku;
kuthembeka kwako Mkoma nga hombe.
24Ni womba toneto, ni khani: Mkoma Txizimu i thomba yangu
ngu toneto ni veka themba yangu kwakwe.
25 Mkoma Txizimu ani wunene ka vale va mthembako, ka vathu vale va mlavako.
26Ndinene ngako m'thu a txi laphisa mbilu
a txi verela ngu kuthutha tito, Mkoma a na muhulukisa.
27Ndinene ngako m'thu a txi gonda
kurwala sikarato i di ngadi mphya;
28M'thu wu Txizimu txi nga mrweka sixaniso,
a na ti ñole ekha a txi tsanisela;
29A na ti namise ngutu,
mwendo a na thuka adi ningilwe kuthemba!
30A na dingetele dithama, ka wule a m'yamasako,
a txi amukela ni kuruketelwa.
31Nguko Mkoma kha na mbi mtshotsha da magwito.
32Nguko hambi txi txi pfisa kupanda m'thu,
txi na mpfela wusiwana
madingano ni wuhombe wa wumbilu wa txona.
33Txizimu kha txi tsakeli kuveka hahatshi vathu mwendo ku va tisela makhombo.
34Kukandetela ngu mikondo
Totshe tikhumbi ta ha mafuni;
35Kurethela didhawa tifanelo ta m'thu,
masoni ka Nyatxitimwi;
36ni kugombonyekisa habanza,
Mkoma kha lavi ni ku ti wona eto.
37I mani wule a nga wombako ti txi maheka kani?
Ngako i si nga Mkoma a wombako kani?
38Ina hi nga ngu txisofuni ka Nyatxitimwi kuhumako wubihi ni wunene kani?
39Se m'thu wa kuhanya a vilela txani kani?
Mmweyo ni mmweyo a na ti laye ngako a txi pekelwa sionho sakwe.
40A hi ti soleleni hi wonisisa tinzila tathu,
se hi txi tshumelela ka Mkoma Txizimu.
41A hi guleteni timbilu tathu ni manza
hi txi phaxa ka Txizimu txa nzumani, hi txi khathu:
42Hi ti lambisile hi kuonhela, awe Mkoma,
ngu mhaka yeto, khwa hi divavela.
43Ha kupandisekani kwako, u hi baramete,
u txi hi tovelisela ni ku hi dayela u si divaleli.
44U ti fenengetile ngu marefu,
kasiku mkombelo wathu wu si kuhokeli.
45Hagari ka vamatiko u hi hundute
hi txi maha nzambwa ya ha ditalani.
46Valala vathu votshe, va tute sisofu ve hi wukela.
47Kuthava ni diphala si wite txitimwi kwathu,
va txi hi xasela ni ku hi lovisa.
48Maso angu ma theketa mirongo ku txi nga mnambo,
nguko ku na hoka kuloviswa ka vathu va ka kwathu.
49Mirongo yangu yi na thekela
wusiku ni mitshikari yi si emi,
50kala ka mbimo yile Txizimu txi no engisa,
ni kuwona, kukhukhela nzumani!
51Maso angu ma xanisa moya wangu,
ngu mhaka ya votshe vanana vamahorana va didhoropani kwangu.
52Valala vangu va ni xotile nga txinyana
ni si nga ni mnandu;
53Va ni susumetete diphalani ni txi ngadi ni hanya,
kambe va rinzetete marigwi tximwi kwangu.
54Ni bhwabhwamete matini
se ni txi khani: Yowe, ni lovile.
55Ni dhani ditina dako Mkoma,
ni ti hahatshi diphalani.
56U engisile dipswi dangu!
U nga tsive nzeve yako kudilani kwangu, ni ka huwa yangu!
57Ditshiku dile ni nga kudhana, u tshuketile
u txi ta khawe: “U nga thave.”
58 Mkoma, u lwete moya wangu
u txi tirula wutomi wangu.
59U ti woni awe Mkoma, a ti va ni xanisisa tona;
lamula timhaka tangu.
60Otshe makungo awe a ku ti dihisela,
ni kulwa ni nani u ma woni.
61Awe Mkoma, sipoyilo sawe u si pfite
ni makungo awe otshe a kulwa ni nani.
62Mapswi ni silumbeto sa vale va ni vengako,
sa ni xanisa, otshe masiku.
63Hi nga va wona, hambi va di khalahatshile,
mwendo va di emile, ani ni ndando yawe.
64Awe u na va ninga hakhelo yawe, Mkoma,
madingano ni mithumo ya manza awe.
65Awe u na va ninga kunavela ka mbilu, Mkoma,
txiruko txako txi nawe txitimwi kwawe.
66Kuhenyani kwako Mkoma, u na va tovela,
se vona va na loviswa hahatshi ka nzuma yako.
Currently Selected:
Sidilo 3: BEC2016
Highlight
Copy
Compare
Share
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.
Sidilo 3
3
Txitsayiso, kutisola ni kuthemba
1Ani ngani m'thu wu a nga wona kupandiseka ngu ndonga ya txiviti txakwe.
2A ni tekile e ni tsimbilisa txidemani
i si nga ha liwoningoni.
3Nguditshuri, ditshiku ni ditshiku
a zumbete ku ni peka.
4A kumbisile mmidi wangu ni didhowo dangu
a txi funyetela ni marambu angu.
5A ni randete, a txi ni dyisa tshiku ni tshani.
6A ni zumbisile txidemani,
kufana ni vathu va vangafa kale.
7A ni sekete mkorani kasi ku ni si humi,
a txi ni sungelela ngu titxhini to banga ngutu.
8Hambi ni txi dila, ni kupeka huwa,
ene kha amukeli mkombelo wangu.
9A tsivetete tinzila tangu ngu marigwi o vatelwa,
e gombonyekisela ni dibhudhula dangu.
10Ene a ti mahile kwangu nga txikankanka txi ni zingelako,
a txi nga ngonyamo yi ni baramelako.
11A jikisile tinzila tangu,
a txi ti haxulela ngu sihango, e ni siya ni si vhuni txilo.
12A dombile wulaho wakwe
a txi ni maha tshungameto ya lingove.
13A ni thote mbilu ngu miseve
a nga humisa ka mswapu wakwe.
14Ni hundukile ni maha txisekiso hagari ka va ka kwathu dotshe ditshiku,
va txi ni poyilela ngu tindando.
15Txizimu txi ni khurisile ngu so bava,
txi ni setile nyongwa ni za ni kosa.
16Akunute makwasa angu ngu sirigwana,
a txi ni fenengeta ngu dikhuma.
17A rethete kule kudikha ka moya wangu,
ni divala ni litsako.
18Sekoko ani ni ti khani: “Wudhundo wangu wu lovile!
Kumweko ni themba yangu ka Mkoma!”
19Alakanya kuxaniseka kwangu ni kurerela kwangu,
ngu txhefu ni nyongwa.
20Dihika dangu, ngu ditshuri da khumbula,
se ni guma mtamo.
21Hambiketo, siho simwani si ni si alakanyako ni txi si emela,
asi ni si thembako i ku siya:
22Wumbilu wa Mkoma, ngu wona wu mahako ti to hi si fuviswi;
nguko wumbilu wakwe kha wu na magwito.
23Wumbilu wa Mkoma, wu woneka i di wa wuphya ka ditshiku ni ditshiku;
kuthembeka kwako Mkoma nga hombe.
24Ni womba toneto, ni khani: Mkoma Txizimu i thomba yangu
ngu toneto ni veka themba yangu kwakwe.
25 Mkoma Txizimu ani wunene ka vale va mthembako, ka vathu vale va mlavako.
26Ndinene ngako m'thu a txi laphisa mbilu
a txi verela ngu kuthutha tito, Mkoma a na muhulukisa.
27Ndinene ngako m'thu a txi gonda
kurwala sikarato i di ngadi mphya;
28M'thu wu Txizimu txi nga mrweka sixaniso,
a na ti ñole ekha a txi tsanisela;
29A na ti namise ngutu,
mwendo a na thuka adi ningilwe kuthemba!
30A na dingetele dithama, ka wule a m'yamasako,
a txi amukela ni kuruketelwa.
31Nguko Mkoma kha na mbi mtshotsha da magwito.
32Nguko hambi txi txi pfisa kupanda m'thu,
txi na mpfela wusiwana
madingano ni wuhombe wa wumbilu wa txona.
33Txizimu kha txi tsakeli kuveka hahatshi vathu mwendo ku va tisela makhombo.
34Kukandetela ngu mikondo
Totshe tikhumbi ta ha mafuni;
35Kurethela didhawa tifanelo ta m'thu,
masoni ka Nyatxitimwi;
36ni kugombonyekisa habanza,
Mkoma kha lavi ni ku ti wona eto.
37I mani wule a nga wombako ti txi maheka kani?
Ngako i si nga Mkoma a wombako kani?
38Ina hi nga ngu txisofuni ka Nyatxitimwi kuhumako wubihi ni wunene kani?
39Se m'thu wa kuhanya a vilela txani kani?
Mmweyo ni mmweyo a na ti laye ngako a txi pekelwa sionho sakwe.
40A hi ti soleleni hi wonisisa tinzila tathu,
se hi txi tshumelela ka Mkoma Txizimu.
41A hi guleteni timbilu tathu ni manza
hi txi phaxa ka Txizimu txa nzumani, hi txi khathu:
42Hi ti lambisile hi kuonhela, awe Mkoma,
ngu mhaka yeto, khwa hi divavela.
43Ha kupandisekani kwako, u hi baramete,
u txi hi tovelisela ni ku hi dayela u si divaleli.
44U ti fenengetile ngu marefu,
kasiku mkombelo wathu wu si kuhokeli.
45Hagari ka vamatiko u hi hundute
hi txi maha nzambwa ya ha ditalani.
46Valala vathu votshe, va tute sisofu ve hi wukela.
47Kuthava ni diphala si wite txitimwi kwathu,
va txi hi xasela ni ku hi lovisa.
48Maso angu ma theketa mirongo ku txi nga mnambo,
nguko ku na hoka kuloviswa ka vathu va ka kwathu.
49Mirongo yangu yi na thekela
wusiku ni mitshikari yi si emi,
50kala ka mbimo yile Txizimu txi no engisa,
ni kuwona, kukhukhela nzumani!
51Maso angu ma xanisa moya wangu,
ngu mhaka ya votshe vanana vamahorana va didhoropani kwangu.
52Valala vangu va ni xotile nga txinyana
ni si nga ni mnandu;
53Va ni susumetete diphalani ni txi ngadi ni hanya,
kambe va rinzetete marigwi tximwi kwangu.
54Ni bhwabhwamete matini
se ni txi khani: Yowe, ni lovile.
55Ni dhani ditina dako Mkoma,
ni ti hahatshi diphalani.
56U engisile dipswi dangu!
U nga tsive nzeve yako kudilani kwangu, ni ka huwa yangu!
57Ditshiku dile ni nga kudhana, u tshuketile
u txi ta khawe: “U nga thave.”
58 Mkoma, u lwete moya wangu
u txi tirula wutomi wangu.
59U ti woni awe Mkoma, a ti va ni xanisisa tona;
lamula timhaka tangu.
60Otshe makungo awe a ku ti dihisela,
ni kulwa ni nani u ma woni.
61Awe Mkoma, sipoyilo sawe u si pfite
ni makungo awe otshe a kulwa ni nani.
62Mapswi ni silumbeto sa vale va ni vengako,
sa ni xanisa, otshe masiku.
63Hi nga va wona, hambi va di khalahatshile,
mwendo va di emile, ani ni ndando yawe.
64Awe u na va ninga hakhelo yawe, Mkoma,
madingano ni mithumo ya manza awe.
65Awe u na va ninga kunavela ka mbilu, Mkoma,
txiruko txako txi nawe txitimwi kwawe.
66Kuhenyani kwako Mkoma, u na va tovela,
se vona va na loviswa hahatshi ka nzuma yako.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.