Jobe 1
1
DISAMBALA DO KHATA
(Sipimo sa 1 ni 2)
Jobe ni mwaya wakwe
1Ku ti ti ni wamwamna wokari ditikoni ka Uzi, ditina dakwe i ti ti Jobe; ene i ti wamwamna wa ditshuri, wo lulama, ni txithavo ka Txizimu; ni kuvayilela wubihi. 2A velekile mtxhanu wa vafana ni vambidi, ni mahorana mararu. 3A ti ti fuyile 7.000 wa tinvuta, ni 3.000 wa makamelu, 500 wa mipatwa ya tihomu, ni 500 wa timbongola; kambe a ti ti thumelwa ngu vathu vavangi ngutu; aha kaku, wamwamna wuwa, i ti ti wa hombe kupinda votshe va Wutxani.
4Se vanana vakwe va ti tiya ve maha mibuso ka mmweyo ni mmweyo ngu ditshiku dakwe; se va ti ti rumisa kuya dhana tindiya tawe tatiraru, kutadya ni kusela navo. 5Ku ti ti maheka ti to, ma di pindile masiku ale a mibuso yawe, Jobe a ti ko rumisa ti to, ve sawulekiswa, se e wuka ngu mabimbi-kutxa, e ningela miphaxo, madingano ni mtengo wawe votshe; nguko Jobe a ti ti khene: Va nga nda dhuka va di onhile vanana vangu se#1:5 Mwendo: ve venga. ve ruketela Txizimu timbiluni kwawe. Jobe a ti ti mahisa toneto yotshe mbimo.
Sathani e kanakanisa kuthembeka ka Jobe
6Na ku ti hokile ditshiku dile vanana va Txizimu va nga ta masoni ka Mkoma, Sathani nene a ti ti hagari kwawe. 7Sekoko, Mkoma a to khene ka Sathani:
Uta ngu hani kani?
Sathani a to xamula ka Mkoma, a txi khene:
No horolokela ha mafuni, ni tsimbila-tsimbila ka ona.
8Se Mkoma a to khene ka Sathani:
Ina u woni txithumi txangu Jobe kani? Nguko kha ngaho mmwani ha mafuni wo fana nayo, wamwamna wa ditshuri ni kululama, wo thava Txizimu, wo vayilela wubihi.
9 # Wona ni ka: Mtu. 12:10. Sekoko Sathani a to xamula ka Mkoma, a txi khene:
Ina njithavo txa walo-walo a ku natxo Jobe ka Txizimu kani? 10Ina awe khwa mranganyeta ngu tithomba, ni nyumba yakwe, ni sotshe sile a ku naso kani? U katekisile mithumo ya manza akwe, wufuyi wakwe wa anda ha mafuni. 11Aniko hi nga nawuluta dianza dako u txi m'gwesa ngu ka sotshe sile a ku naso, u txi na wona ku mwendo kha na mbi kuruketela u txi muwona!
12Se Mkoma a to khene ka Sathani:
Wona ti taku, sotshe a ku naso si manzani kwako; wo lamba walo kusanzeka diwoko dako.
Se Sathani a to khukha masoni ka Mkoma.
Jobe e mwalalelwa ngu vanana ni tithomba
13Ku to maheka taku, ka dimwani ditshiku, vanana vakwe vavafana ni vamahorana, va txidya ni kusela m'tini ka mwanawe wa matiwula. 14Ku to bwaka mtumi a txi ta khene ka Jobe:
Tihomu ti di kudimani, timbongola ti txidya hafuhi. 15Se Vasabhewu va to ta ti honyola, ve daya vafana ngu ditxhari; ngani nokha ni nga huluka, ni ku tiselako mahungu.
16A txi ngadi e xawutela, ku to bwaka mmwani mtumi, a txi ta khene:
Kuwite mndilo wa Txizimu ngu nzumani, wu hisile tinvuta ni vafana, ve tshokoma; ngani nokha ni nga huluka, kuva ni kutisela mahungu.
17A txi ngadi e womba-womba-wuwa, kutile mmwani mtumi, a txi ta khene:
Vakaldheya va rumile mitxawa yiraru, yi honyola makamelu yi tsula nawo, yi daya vafana ngu ditxhari; ngani nokha ni nga huluka, kuva ni kutisela mahungu.
18A txi ngadi e womba-womba wuwa, ku to bwaka mmwani a txi ta khene ka Jobe:
Mbimo yile vanana vako vavafana ni vamahorana va nga ti ti dya ni kusela vhinya, m'tini ka mwanawe wa matiwula, 19kutile moya wa hombe ngu txiwulani, wuta peka otshe mune wa madhawa a nyumba, yiwa txitimwi ka vanana vako, se va fite; ngani nokha ni nga huluka kuva ni kutisela mahungu.
20 # Wona ni ka: Job. 12:17; Isa. 19:12; 33:18; 44:25. Sekoko Jobe a to khukha, e vharulela syambalo sakwe, e yola msungo wakwe, e ti wisa hahatshi, e khongela. 21Jobe a to khene: Ni humile ngu mndani ka mwamwangu ni di tximbwiri, se ni na tshumelela kona kambe ni di tximbwiri; Mkoma a ningile, kambe Mkoma a tekile; di na guletwe ditina da Mkoma.
22Ka totshe tiya, Jobe kha onha, hambi kulumbeta Txizimu.
Currently Selected:
Jobe 1: BEC2016
Highlight
Copy
Compare
Share
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.
