Isaya 8

Txhamuselo ya ditina da mwanana wa Isaya

1 Mkoma a to khene kambe kwangu:

Teka txileti txa hombe, u bhala ka txona, ngu mibhalo ya hombe, u txi khawe:#8:1 Vaheb. Mayeri-Salali-Hasi-Bhazi. Kukuluveta kuhanda, kukuluveta kuxasela. 2Sekoko ni to teka tifakazi to thembeka i ku: Mphaxeli Uriya, ni Zakariya, mwana Jebherekiya.

3Ni to ya zivana ni msikati wangu, i ku mprofeti wa txisikati; se ene a to khura txirumbu, e veleka mwanana wa m'zambi; Mkoma a to khene kwangu:

U na mraya ditina daku i Mayeri-Salali-Hasi-Bhazi. 4Nguko mwanana na a sinzi kuziva kuwomba ku tate wangu, mwendo ku mame wangu, tithomba ta Dhamasku ni simaha si si nga honyolwa Samariya, si na yiswa masoni ka mfumeli wa Asiriya.

5Se Mkoma a toya masoni ngu kuwombawomba ni nani, a txi khene:

6Nguko vathu vava, va txhipisile mati a Silowame, aawa ma khulungako kha kwati, ve tsakela Rezimi ni mwana Remaliya. 7Wona taku, Mkoma a na tisa mati a mtamo, a mnamboni, txitimwi kwawe, ngu ti to, mfumeli wa Asiriya ni wudhumo wakwe wotshe a nata ngu milonga yakwe yotshe e khulungela ka yotshe milonga yakwe; 8a na wulela ditikoni ka Judha kufana ni ndambi, e kukumuka kala mikoloni ka vathu. Kunawuluka ka tibhapi tako, ku na fenengeta kuanama ka ditiko dako, awe Emanuweli.

9Mahani diguwa da kulwa, anu matiko, mi na funyeletelwa;

riyani tinzeve motshenu va matiko a kule,

tsanani, mi na phatulelwa,

tsanani, mi na phatulelwa.

10Sungani motshe txikungo, aniko kha txi na mbi maheka,

wombani dipswi, kambe kha di na mbi tsana;

nguko Txizimu txi ni nathu.

Txizimu txi txharihisa mprofeti ni valondeteli vakwe

11Nguko Mkoma a wombile kwangu ngu dianza dakwe da mtamo, kambe a ni gondisile ku ni si tsimbili ngu nzila ya vathu vava, a txi khene:

12Mi nge khanu njikungo, ka totshe ti vathu vava va ku kha vona njikungo; mi nga thaveni kudhukisela kwawe, hambi kukarateka ni ka kudotho. 13#Wona ni ka: 1 Ped. 3:14-15. Sawulekisani Mkoma wa Mabutho a Tiyimbi, nguko ngene msawuleki wanu; ngene a thisako kwanu, ngene a dhukisako kwanu. 14Sekoko, ene i nava nyumba yanu yo sawuleka, aniko a na maha dirigwi do mi gumula, ni txirigwana txo nyenyeka, ka tinyumba timbidi ta ka Israyeli; mlawu ni likoka ka vaaki va Jerusalema. 15#Wona ni ka: 1 Ped. 2:8. Se vavangi hagari kwawe, va na gumulwa ngu dona, va txi wa, ve funyeka; va na bzwetwa, ve ñolwa.

16Sungelela wufakazi, u tsanisa mlayo hagari ka vagondiswa vangu. 17Se ni na themba Mkoma wu a nga sisela khohe yakwe va nyumba ya ka Jakobe, ni na verela kwakwe.

18 # Wona ni ka: Vaheb. 2:13. Ngani wuwa, ni vanana va Mkoma a nga ni ninga, kuva sikombiso, ni sixamaliso, kona Israyeli, ngu didhawa da Mkoma wa Mabutho a Tiyimbi, awu a zumbako mmangoni ka Siyoni.

19Va txi mi gela va txi kha vona: Wotisani ava va ku ni mimoya ya vafi, ni vahuti vale va lengako, ni kungungurukela, mi txi khanu: Vathu kha va faneli ku wotisa Txizimu txawe kani? Ku nga wotiswa ka vafi timhaka ta va va hanyako kani? 20Amu ka mlayo ni mu ka wufakazi! Ngako va si wombi dipswi diya,#8:20 Mwendo: kha ku na mbi va ni mixo kwawe. kha va na mbi dhuka ve wona wuronga.

Timbimo ta kuxaniseka

21Se va na rendelekela ditiko, ve xaniseka, ni kupfa nzala; ni mbimo yi va pfako nzala, va na henya, ve ruketela mfumeli wawe, ni Txizimu txawe, ve wonetela txitimwi. 22Se va txi wonetela ha mafuni, ku nava ni tshani ni txidema, va na xaniseka ve ndindelwa txidemani.

Currently Selected:

Isaya 8: BEC2016

Highlight

Copy