Isaya 61
61
Kuhanyiswa ka Israyeli
1 # Wona ni ka: Mat. 11:5; Luk. 7:22. Moya wa Mkoma Txizimu, wu txitimwi kwangu,
nguko Mkoma a ni totile,
kasi kuya txhumayela mahungu amanene ka sisiwana,#61:1 Sisiwana: vo dikha.
a ni rumete kuya tirula vale va ku ni kuxaniseka mbiluni, ni kuya nuwela mhaka ya kuthukunyulwa ka va vo sungwa,
ni kutulelwa ka vale vo ñolwa;
2 # Wona ni ka: Luk. 4:18-19. ni kupeka nyiwo ya dilembe do kateka da Mkoma,
ni ditshiku da kuphota ka Txizimu txathu;
kuthavelela votshe vale va dilako;
3ni kurumete ka votshe vale va dilako Siyoni,
kasi ku va sanzeka m'bhoti wukhaloni ka dikhuma,
ni ku va tota mafura a kutsaka wukhaloni ka kudila,
ni ku va ambeka wudhumo hahanze ka moya wo xupheka,
kasi kuve dhanwa ku mindonga ya kululama,
yi nga phaywa ngu Mkoma, kasi ku e mana kudhumiswa.
4Se va na aketa makhalo ale ma nga xaselwa,
kambe va na wuseta ni ale ma nga haxulwa kale,
ni kuwusa madhoropa ale ma nga xaselwa,
ma nga khundumuswa ka liveleko ni liveleko.
5Kambe ku nava ni valuveli va va no dyisa mitxhambi yanu,
se vathu va matiko mamwani, va na maha vadimi vanu, ni vaxayisi va mivhinya yanu.
6Aniko anu mi na dhanwa ku mi vaphaxeli va Mkoma,
kambe va na mi dhana ku mi sithumi sa Txizimu txathu;
mi na dya tithomba ta matiko,
mi dhumiswa mu ka wudhumo wa ona.
7Ngu mhaka ya tingana tanu to wuyetwa kumbidi ni kuxaniseka kwanu, va na tsaka ngu txyavelo txawe;
ngu kumaha keto, ditikoni kwawe, va na mana ngu kuwuyetwa kumbidi,
kambe va na va ni kutsaka ko mbi guma.
8Nguko ani Mkoma, ni randa kululama,
ni nyenya wubihi;
ani ni na va ninga ngu ditshuri hakhelo yawe,
kambe ni na maha navo txitumelelana txo mbi guma.
9Se liveleko lawe li na ziwa hagari ka matiko,
ni tixaka tawe ti na ziwa hagari ka vathu,
votshe vale va no va wona,
va na tiziva ti to i mbewu yile yi nga katekiswa ngu Mkoma.
10Ni na tsaka ngutu ka Mkoma,
muhefemulo wangu wa tsakela Txizimu txangu,
nguko txi ni ambekile syambalo sa kuhanyiswa,
txi ni fenengeta didhamba da kululama,
nga muwuti a ti mbombisako ngu so tshura,
ni ku nga txiwutwa txi ti bombisako ngu siketiketi sa txona.
11Nguko nga kule mafu ma humisako makhukhu a ona,
ni ku nga themmbwe yi milisako sile si phaywako ka yona,
ngu tona eto Mkoma Txizimu, a na milisa kululama,
ni wudhumo ka otshe matiko.
Currently Selected:
Isaya 61: BEC2016
Highlight
Share
Copy
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.
