Isaya 56
56
Txithembiso txo lumba vamatiko
1 Mkoma a womba tiya: “Xayisani wulamulo,
mi maha kululama, nguko
kuhanyisa kwangu ku hafuhi ni kuta,
ni kululama kwangu ku na ti wonekiswa.”
2A katekile m'thu wu a no maha eto,
ni mwanana wa m'thu wule a namarelako ka tona,
a si nyamisiko ditshiku da Sabbata,
ni kuxayisa dianza dakwe ku di si mahi to biha.
3Se mwanana wa mluveli wule a ti ningelako ka Mkoma,
a nga wombe ku khene:
“Mkoma a na ni hambanisa ni vathu vakwe do gwuita”;
hambi ni ka kudotho wu nga wombe mthenwa wu txi kha wona:
Wonani taku ani ni mndonga wa kuoma.
4Nguko Mkoma a womba tiya madingano ni
Mithenwa yile yi xayisako Masabbata angu,
yi sawulako sile si ni tsakisako,
yi xayisa txitumelelano txangu.
5Kambe ni na va ninga nyumbani kwangu, ni mndani ka maguma angu, wukhalo ni ditina,
sa txhuko kupinda sa vanana va mazambi ni vanana vamahorana;
Ni na ninga ditina do mbi na magwito ka mmweyo ni mmweyo, adi di na kwa mbi pfhiteka.
6Ni ka vanana va valuveli va va no ti ningela ka Mkoma,
kasi ku mthumela, ni kudhunda ditina da Mkoma,
ngu kumaha keto, veva sithumi sakwe,
votshe vale va no xayisa Sabbata,
va si yi nyamisi, ni vale va no amukela txitumelelano txangu,
7 # Wona ni ka: Mat. 21:13; Mar. 11:13; Luk. 19:46. kambe ni na va yisa mmangoni kwangu ko sawuleka,
ni va busisa Nyumbani kwangu ka mikombelo;
miningelo yawe ya kuhiswa ni miphaxo yawe,
yi na amukeleka txiluveloni kwangu,
nguko nyumba yangu yi na dhanwa ku
i Nyumba ya mikombelo, ka otshe matiko.
8 Mkoma Txizimu, wule a sengeletako
va va nga hangalaka, va ka Israyeli, a womba tiya:
“Kambe ni na sengeleta vamwani,
ka vale va nga sengeletwa.
Txizimu txa sola vathangeli va Israyeli
9Anu motshenu sihari sa txitinga,
anu motshenu sibanda sa txitinga,
ngonani mi ta dya.”
10Votshe vawoneleli vakwe va mabhofu, kha va zivi txilo;
votshe ndimbwa ta siduma,
kha va sikoti kuwukula;
mba wukohe, va zumba va di otete,
kambe va randa kukhudhahela.
11Se timbwa tiya nda limito, kha ti na kukhura;
vona mbadyisi vo mbi pima txilo;
votshe va tshumelela tinzilani kwawe,
mmweyo ni mmweyo ka matshanza akwe,
mmweyo ni mmweyo ngu dakwe didhawa.
12Ngonani, kuwomba vona, he tiseni vhinya,
kambe hi na sela wusuke wo bava;
se ditshiku da mangwana di na fana ni dona diya,
ni kuva da hombe, da nduma ngutu.
Currently Selected:
Isaya 56: BEC2016
Highlight
Share
Copy
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.
